Спорт
Кошаркарите го започнуваат настапот на Евро баскет 2011

Литванија од денеска до 18. септември ќе биде домаќин на 37-от Евро баскет. Дел од 24-те репрезентации, на најсилниот континентален турнир во историјата на ЕП, ќе бидат и репрезентативците на Македонија.
Литванија од денеска до 18. септември ќе биде домаќин на 37-от Евро баскет. Дел од 24-те репрезентации, на најсилниот континентален турнир во историјата на ЕП, ќе бидат и репрезентативците на Македонија. Избраниците на селекторот Марин Докузовски во Литванија по трет пат ќе играат на Европските првенства, на првото учество, во 1999 година во Франција, Македонија не ја мина првата фаза, десет години подоцна во Полска „црвено-жолтите“ го освоија деветото место. Македонија на Евро баскет 2011 година ќе се натпреварува во Б групата, каде противници ќе и бидат Црна Гора, Хрватска, Грција, Босна и Херцеговина и Финска. Прв противник на Перо Антиќ и дружината, денеска од 14:30 часот, ќе им биде селекцијата на Црна Гора, предводена од еден од најдобрите европски центри, НБА играчот, Никола Пековиќ. Двете селекции во подготвителниот период одиграа две средби, Црна Гора победи во Љубљана на турнирот на селекциите од поранешна СФРЈ со 67:57, Македонија за поразот се реваншира ВО Скопје, на Трофеј Македонија, резултатот беше 79:74. Македонија сите натпревари во рамките на Ц групата ќе ги одигра во Шаулеј, чии капацитет изнесува 5.700 места. Натпревари во Литванија ќе се играат уште во четири града, Каунас, Клаипеда, Вилнус и Пеневежис. Титулата освоена во 2009 година ќе ја брани репрезентацијата на Шпанија. крај/макфакс/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер маршира кон титулата, ја победи Аталанта во Бергамо

Интер ја совлада Аталанта во Бергамо со 2:0 во 29. коло од Серија А и ја презеде лената позиција на табелата во Серија А.
Ова беше еден од најважните натпревари за двата тима во трката за титулата, вториот против третиот на табелата и уште една во низата победи на Интер против Ла Деа“.
Стрелци за гостите беа Карлос Аугусто во 54. минута и Лаутаро Мартинез во 87.
Ова беше осма последователна победа на Интер против Аталанта во сите натпреварувања.
Екипата на Џан Пјеро Гасперини очигледно не знае да игра против „неро-азурите“, а тоа беше случај и вечерва, а немоќта на домашните беше видлива по нервозните реакции кои доведоа до жестоки расправии и на крајот и до црвени картони.
Еден доби Џанпјеро Гаспреини поради бурни протести, а во 81. минута и Едерсон, кој поради протест доби жолт, по што следеше ироничен аплауз во лицето на судијата, поради што мораше да замине во соблекувалната.
Интер на врвот има 64 бодови, три повеќе од Наполи и шест од Аталанта.
Спорт
(Видео) Барселона со спектакуларен пресврт на „Метрополитано“, од 2:0 до 2:4 против Атлетико

Атлетико и Барселона одиграа уште еден спектакуларен натпревар, овојпат на „Метрополитано“ во Мадрид. Во 28.коло, Барселона победи со 4:2 иако до 72.минута имаше негатива од два гола.
Атлетико поведе со голот на Хулијан Алварез во 45.минута. Аргентинецот ја реализраше акцијата која ја започна Гризман, а Симеоне му асистираше на сонародникот.
„Јорганџиите“ предноста ја зголемија во 70.минута преку Серлот. Ова е шести натпревар по ред на кој Норвежанецот постигнува гол против Барселона.
Тука, Атлетико застана, дали остнаа играчите на Чоло Симеоне без енергија, по исцрпувачкиот меч против Реал во средата, најдобро може да одговори тој самиот.
Левановдки намали на 2:1 во 72.минута, а шест минути подцна Феран Торес го изедначи резултатот.
Во судиското надополнување целосен шок за „јорганџиите“. Ударот на Јамал од 20 метри во 92.минута удри во Реинилдо, топката целосно го смени правецот го измами Облак и заврши зад неговиот грб.
Точка на мечот ставо Феран Торес во 97.минута.
Барселона, со натпревар помалку, се изедначи со Реал на првото место. Двата тима имаат по 60 бодови, четири повеќе од Атлетико.
Спорт
(Видео) Гол и две асистенции за Фернадеш, Јунајтед победи во Лестер

Манчестер јунајтед забележа победа од 3:0 на стадионот „Кинг Пауер“ против Лестер. Повторно, капитенот Бруно Фернандеш имаше клучна улога во победата на „црвените ѓаволи“.
Португалскиот играч за врска повторно беше движечка сила, дури и кога енергијата на теренот опаѓаше. Фернандеш му асистираше на Хојлунд во 28. минута за првиот гол на гостите.
До тој момент, Лестер воопшто не остави лош впечаток. „Лисиците“ имаа добри шанси но беа лоши во реализацијата.
Во вториот дел избраниците на Рубен Аморим сакаа што поскоро да ја обезбедат победата, а Гарначо во 57. минута постигна гол, кој беше поништен поради офсајд.
Десет минути подцна повторно Фернандеш одигра важна улога и му асистираше на Аргентинецот кој овојпат можеше да го прослави голот.
Лестер можеше да се врати во 74. минута. Варди ја украде топката, го пронајде Буонаноте, но Де Лигт во последен момент со лизгачки старт спречи гол.
Бруно ја круниса играта со феноменален гол во 90. минута од 18 метри за конечени 0:3.
Со оваа победа Јунајтед ги прескокна Тотенхем и Евертон во поредокот, сега на 13. место со 37 бодови, додека Лестер е 19. со 17 бодови.