Спорт
Tешко на Русите aко играме како против Шпанија
Ако избраниците на селекторот Докузовски успеат да шутираат како против „фуријата“ (на моменти имавме дури 70-отстотна прецизност), тешко дека бавната руска одбрана ќе може да излезе на крај со нив на утрешниот меч за третото место (16.30 часот) на кошаркарското ЕП во Литванија
Ако кошаркарите на Македонија успеат да ја повторат играта како на вчерашниот полуфинален дуел против Шпанија на Европското првенство (ЕП) во Литванија, кој, сепак, го загубивме со 80-92, тогаш тие ќе имаат огромна шанса да дојдат до триумф на утрешниот меч за третото место против Русија (16.30 ч.), а со тоа и до бронзениот медал. Тоа би било најголем успех во досегашната историја на македонскиот репрезентативен спорт.
Една од главните причини за поразот од рускиот тим во втората фаза од натпреварувањето, кога Сергеј Моња буквално ја расплака целата македонска спортска јавност со тројка во последните секунди од мечот, беше лошиот шут, особено за два поени. Жолто-црвените имаа само 35,3-отсто пред неколку дена во дуелот со „баќушките“, додека вчера против „црвената фурија“ имаа извонредна 59,2-отстотна прецизност во ударите за два поени, а на моменти таа ја надминуваше дури и границата од 70-отсто. Ако избраниците на селекторот Марин Докузовски успеат да го одржат овој шутерски ритам, тешко дека бавната руска одбрана ќе може да излезе на крај со нив. Уште, пак, ако ни фати шутот за три поени, избраниците на селекторот Дејвид Блат нема да знаат каде да бегаат.
Важен фактор на патот кон победата ќе биде и играта под кошевите, каде што во првиот меѓусебен меч на утрешните ривали на ова ЕП доминираа високите руски центри, кои имаа дури 15 скока повеќе (47-32). Перо Антиќ, Предраг Самарџиски и Ѓорѓи Чековски ќе мора да дадат речиси натчовечки напори за да го затворат македонскиот рекет и да го направат недостапен за двометрашите од Русија. За тие да успеат во тоа, ќе им биде потребна помош и од пониските играчи во нашиот состав, пред се’ од браќата Војдан и Дамјан Стојановски, Владо Илиевски и Дарко Соколов, кои ќе мора да се спуштат во рекетот и да им помогнат на своите повисоки колеги. Процените се дека со поизедначен дуел под кошевите драстично се зголемуваат шансите на Македонија за историската бронза.
Без разлика на квалитетот на рускиот состав, во кој има неколку НБА-ѕвезди, меѓу кои најзвучно е името на Андреј Кириленко, сепак, најголем противник на македонските кошаркари ќе биде преголемиот замор. Пеколниот, па дури и нехуман ритам на мечеви на првото ЕП со 24 репрезентации (за двете селекции ова ќе биде дури 11-ти меч), но и малиот фонд на играчи, кои Докузовски ги користи во ротација, се главната причина за тежината во нозете на македонските играчи. Но познавајќи ги нив и според сето тоа што го прикажаа досега во Литванија, апсолутно никој не се сомнева дека тие повторно ќе одиграат со срце, борбено и со огромна желба уште еднаш да му приредат огромна радост на македонскиот народ.
„Сакаме да им вратиме на Русите и тоа на најдобар можен начин, во борбата за бронзениот медал. Нема дел од телото што не ме боли, но тоа нема да биде пречка уште еднаш да се ‘истепам’ под кошевите со руските центри. На болката и на лекувањето ќе мислам од понеделник“, вели нашиот највисок репрезентативец Предраг Самарџиски.
Како и да е, без разлика дали победиле или загубиле утревечер, македонските кошаркарски репрезентативци се најголемите победници на годинешниот континентален собир во Литванија. Нивните имиња ќе бидат скандирани, а нивниот пречек в понеделник ќе биде спектакуларен. Ќе биде прекрасно ако кошаркарите низ македонските улици дефилираат со бронзен медал на градите, но и да не се случи тоа, тие пак ќе бидат едни од најголемите македонски јунаци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Извлечени ждрепките за Светското првенство во кошарка 2027
Одржана е ждрепката за квалификациите за Светското првенство во кошарка 2027 година.
Во квалификациите ќе учествуваат 32 екипи, 24 учесници од Евробаскет 2025 и осум победници од претквалификациите. 12 европски екипи ќе одат на завршниот турнир во Катар.
Ждрепката се одржа во салата Алхазм во Доха, а ја водеше глобалниот амбасадор на ФИБА, Кармело Ентони.
Дуелите започнуваат во ноември оваа година, по што следат февруари и јуни 2026 година. Втората фаза започнува во август 2026 година, по што следат ноември 2026 година и февруари 2027 година.
Европски квалификации:
Група А: Шпанија, Грузија, победник од претквалификациите (Група А), второпласиран од претквалификациите (Група Д)
Група Б: Грција, Црна Гора, победник од претквалификациите (Група Б), Португалија
Група Ц: Србија, Турција, Босна и Херцеговина, второпласирани од квалификациите (Група А)
Група Д: Литванија, Италија, Велика Британија, Исланд
Група Е: Германија, победник во квалификациите од Група Д, Израел, Кипар
Група Ф: Латвија, Полска, победник од претквалификациите во Група Ц, второпласиран од претквалификациите во Група Ц
Група Г: Франција, Финска, Белгија, второпласирана од претквалификациите од Група Б
Група Х: Словенија, Чешка, Естонија, Шведска
Американски квалификации:
Група А: САД, Доминиканска Република, победник од претквалификациите Север, Никарагва
Група Б: Порторико, Канада, Бахами, второпласираниот претквалификациски тим Север
Група Ц: Бразил, Венецуела, Колумбија, победник од претквалификациите на југот
Група Д: Уругвај, Аргентина, Панама, второпласираниот Југ од претквалификациите
Азиски квалификации:
Група А: Австралија, Нов Зеланд, Филипини, Гуам
Група Б: Јапонија, Кина, Јужна Кореја, Кинески Тајпеј
Група Ц: Иран, Јордан, Сирија, Ирак
Група Д: Либан, Саудиска Арабија, Индија, Катар (Обезбедено учество како домаќини)
Африкански квалификации:
Група А: Јужен Судан, Зелен ’Рт, Камерун, Либан
Група Б: Брегот на Слоновата Коска, Сенегал, Конго, Мадагаскар
Група Ц: Тунис, Нигерија, Гвинеја, Руанда
Група Д: Ангола, Египет, Мали, Уганда
Првите пет ќе се квалификуваат.
Спорт
Вавринка и Гаске добија покани за Ролан Гарос
Трикратниот шампион на Гренд слем турнирите, Швајцарецот Стен Вавринка и легендарниот француски тенисер Ришар Гаске добија специјални покани (вајлд карти) за појавување во главниот ждреб на Ролан Гарос, објавија организаторите.
На женскиот турнир, француските тенисерки Дајан Пари (102-ра на ранг-листата на ВТА), Леолија Жанжан (104-та) и Клое Паке (138-ма) исто така добија покани за директен влез во главниот жреб на турнирот, објави Француската тениска федерација (FFT).
Гаске (38), кој моментално е на 160-то место на светската ранг-листа, уште во октомври објави дека овогодинешниот Ролан Гарос ќе биде последниот турнир во неговата кариера, па затоа неговата вајлд-карта беше очекувана. Имаше малку поголема неизвесност околу Вавринка (132-ри на АТП листата), шампионот на Отвореното првенство на Франција во 2015 година, но организаторите решија и него да го почестат.
Меѓу другите машки играчи, вајлд-карти за главната ждрепка им беа доделени на Французите Артур Казо (116), Валентин Роже (117), Теренс Атман (119) и Пјер-Иг Ербер (148), како и на Австралиецот Тристан Скулкејт (129) и Американецот Емилијано Нава (137), благодарение на договорите за реципрочни покани што ФФТ ги има со австралиските и американските тениски федерации.
16-годишната надеж на францускиот тенис, Моиз Куам, доби посебна покана за квалификациите, кои започнуваат во понеделник.
Ролан Гарос се одржува од 25 мај до 8 јуни во Париз.
Спорт
ПСЖ го тужи Мбапе за 98 милиони евра
Војната помеѓу Килијан Мбапе и Пари Сен Жермен продолжува, а се појави нова фаза со тужбата што официјално ја поднесе клубот.
Имено, францускиот шампион беше огорчен од начинот на кој Мбапе го напушти Париз, без обештетување откако му беа исплатени 180.000.000 евра на Монако.
Тој му заби нож во грб на Насер Ал Келаифи, со кого наводно имал усмен договор во 2023 година за продолжување на договорот, но тоа не се случи.
„Овој договор не беше обврзувачки бидејќи не беше ниту формален ниту потпишан и нема докази дека постоел претходно споменатиот „џентлменски договор“. Бараме 55 милиони евра отштета од ПСЖ за исклучувањето на Мбапе од тимот откако тој објави дека го напушта клубот на крајот од сезоната“, објавија адвокатите на Мбапе.
Мбапе го направи првиот чекор, откако замина во Реал Мадрид, и го тужеше поранешниот клуб за 55 милиони евра. Тој дури побара од УЕФА да го исклучи ПСЖ од сите негови натпреварувања.
Затоа ПСЖ сега одговори со контратужба, барајќи дури 98 милиони евра од Мбапе.
„Тужбата на играчот против ПСЖ е неоснована. Покрај тоа, тој му должи пари на клубот“, објави ПСЖ.
Во оваа фарса убијците добиваат милост, 12 години за масакрот на сестра ми што преминуваше улица на пешачки премин: семејството на Фросина повика на протест
„Ги повикуваме утре на протест против гнилиот судски систем сите наши пријатели, роднини и сите родители чии деца секојдневно минат...
На Јаневска ѝ е рано да размислува за ресорот здравство: Имам толку многу да доработам во Образование во овој мандат, премиерот ќе одлучи
Премиерот и преговарачкиот тим во коалицијата ќе одлучат кој ќе биде нов министер за здравство на местото на Арбен Таравари,...
Фрчкоски реагира: Кривичната пријава е банална, срамна и полна со неправилности
Љубомир Фрчкоски, поранешниот шеф на Постојаната мисија на Македонија при ООН во Њујорк, реагира по кривичната пријава за злоупотреби во...
(Видео) Манасиевски: Таравари се интересира само за бизниси и за Груби и за Заев, досега не се разговарало за размена на ресори
Вечерва партијата ќе има редовна седница на Извршниот комитет на која што ќе се разговара за обвинувањата на Таравари за...
Во историјата на овој суд не е изречена 12 години казана затвор за вакво дело, но го задржуваме правото да бараме поголема, рече обвинителот
Обвинителот Александар Марковски го задржа правото да бара поголема затворска казна од 12 години колку што денес му пропиша Основниот...
Таткото на Фросина: Судот ги скри клучните сведоци, кои биле во возилото со Васил, едниот снимал, па ја избришал снимката
Дванаесет години казна е награда за ова најбрутално убиство во сообраќајот, изјави таткото на усмртената Фросина, Тодор Кулаков. Тој повика...
Дванаесет години затвор за Васил Јованов, кој ја усмрти Кулакова на пешачки премин
Судот изрече 12 години затворска казна за 20-годишниот Васил Јованов, кој смртно ја прегази Фросина Кулакова на пешачки премин. Во...
МВР со апел до граѓаните: Внимавајте на лажни е-пораки – фишинг-линкови, се злоупотребуваат имињата на повеќе македонски компании
Секторот за компјутерски криминал при Бирото за јавна безбедност на Министерството за внатрешни работи периодов констатира зачестена појава на таканаречени...
Со какви санкции му се заканува ЕУ на Путин?
Главните европски сојузници на Украина ја повикаа Русија на безусловно 30-дневно примирје и се заканија со нови санкции, според заедничкото...
Несреќа на патниот правец Берово – Виница, сообраќајот во прекин
АМСМ извести дека се случила сообраќајна незгода на патниот правец Берово – Виница, кај село Будинарци. Поради незгодата од 07:30...
(Видео) Трамп: ЕУ игра повалкано од Кина
Американскиот претседател Доналд Трамп вчера повторно ја нападна Европската Унија, велејќи дека е полоша од Кина во многу аспекти, само...
Кинескиот претседател по договорот со Трамп: Малтретирањето води до самоизолација
Кинескиот лидер Кси Џинпинг ги осуди малтретирањето и хегемонијата во своето прво јавно појавување откако САД и Кина постигнаа привремен...
Опожарено возило во Аеродром
Во периодот од 01:40 до 02:40 часот, пожарникарите гаснеле запалено патничко моторно возило, на површина од 2м2 на булеварот Видое...
(Видео) Трогателна средба: Еден Александар го прегрнува своето семејство откога Хамас го ослободи
Израелско-американскиот заложник Еден Александар се врати на своето семејство во Израел откога помина 19 месеци во заробеништво на Хамас во...
Ултиматумот на Европската Унија до Путин и Русија истече
Украина и европските лидери се согласија на безусловно примирје во траење од 30 дена, почнувајќи од 12 мај, со поддршка...
Одиме во опозиција, доколку има сомнежи во тие што се во Владата, нема што да бараме таму, соопшти Таравари
Минатата година со гордост ја донесовме промената во албанскиот блок после 20 години и за тоа сме многу гроди, изјави...
Зеленски: Ќе бидам во Турција, се надевам дека ќе дојдат и Путин и Трамп
Украинскиот претседател Володимир Зеленски изјави дека ќе отпатува во Истанбул на мировни преговори и дека е подготвен да се сретне...
Орбан: Никој не се осмелува да признае, но ја загубивме војната во Украина
Зapaдната стратегија насочена кон уништување на Русија не успеа, санкциите не ја постигнаа својата цел, а Русија ја спречи Украина...
Левицата предлага инспекторат кој ќе казнува за непочитување на грбот, знамето и химната: МВР реагира за сквернавење, но не влегува во канцеларии
Партијата Левица оваа недела ќе поднесе предлог-закон за формирање инспекторат за употреба на грбот, знамето и химната на државата, како...
Мицкоски: Државата беше во слободно паѓање, ни требаше стабилизација во оваа прва година
Премиерот, Христијан Мицкоски, на денешниот Самит 2025 во организација на „Македонија 2025“ истакна дека првиот ден од стапување на функцијата...
