Спорт
Хоспитализиран легендарниот голман Беара

Сплит, 13.12.2011 (Макфакс) – Прочуениот голман на сплитски Хајдук, Црвена и звезда и репрезентацијата на Југославија, Владимир Беара е хоспитализиран во болницата во Сплит, откако му се слошило во неговиот дом.
Прочуениот голман на сплитски Хајдук, Црвена и звезда и репрезентацијата на Југославија, Владимир Беара е хоспитализиран во болницата во Сплит, откако му се слошило во неговиот дом. Весникот „Слободна Далмација“ пренесе дека причината за лекарската интервенција била од невролошка природа. Беара и во 84-та година од животот не мирувал, во последно време бил редовен на тренинзите на Хајдук каде со совети им помагал на младите голмани да се усовршат во работата, во која тој, во свое време беше ненадминлив. Легендата на поранешна СФРЈ бранеше на 136 натпревари за Хајдук, пред во 1955 година да се пресели во Црвена звезда чиј гол го бранел на 83 натпревари. Кариерата потоа ја продолжил во Германија во екипите на Алеманија Ахен и Викторија од Келн. За репрезентацијата на СФРЈ бранел на 60 натпревари, во поранешна Југославија освоил седум шампионски титули, три со Хајдук и четири со Црвена звезда. Беара е учесник на три светски првенства, 1950 во Бразил, 1954 во Швајцарија и 1958 во Шведска, а со репрезентацијата стигна и до финалето на ОИ во Хелсинки во 1952 година, каде Југославија и покрај тоа што Беара му одбрани пенал на легендарниот Пушкаш, загуби од Унгарија со 0:2. крај/бл/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Синер му предаде на Алкараз, Шпанецот го освои Синсинати

Шпанецот Карлос Алкараз ја освои титулата на Мастерсот во Синсинати.
Во финалето, Алкараз славеше по само дваесет минути игра против најдобриот тенисер во светот и бранител на титулата Јаник Синер.
Синер го предаде натпреварот при водство на Алкараз 5:0 во првиот сет. Се уште не е познато за каква повреда станува збор.
Италијанецот се држеше во неколку наврати во пределот на стомакот, па може да станува збор и за вирус. Како и да е, тој донесе одлука дека е подобро да се предаде и да не го загрози својот настап на Отвореното првенство на САД.
Што се однесува до самиот натпревар, тие дваесетина минути минаа во целосна доминација на Алкараз.
За краток период, тој направи дури три брејка против противник кој, во најголем дел, само статираше на теренот.
Пред последниот гем во првиот сет, во кој Алкараз требаше да сервира, Синер седна на клупата и му рече на судијата Мохамед Лајани дека му е жал за навивачите, но дека не може да продолжи.
Тој исто така нагласи дека морал да се обиде, што имплицира дека здравствените проблеми се појавиле пред почетокот на мечот.
Foto/ X
Спорт
Интер сака да го врати Онана

Интер наводно повторно ја следи ситуацијата со својот поранешен голман Андреа Онана откако Манчестер јунајтед го изостави од составот за отворањето на сезоната во Премиер лигата.
Според „Сан“, италијанскиот клуб внимателно го следи неговиот статус бидејќи има сè повеќе шпекулации за иднината на Камерунецот на „Олд Трафорд“. Се додава дека Интер е заинтересиран за враќање на 29-годишникот, кој замина во Јунајтед во 2023 година.
Од неговото доаѓање, тој не ја оправда отштетата од 56 милиони евра, а со оглед на тоа што тренерот на Интер бара нов голман, додека Јан Сомер во моментов е прв избор, враќањето би можело да стане реална опција.
Фото/ Принтскрин
Спорт
Лукаку ќе го пропушти првиот дел од сезоната

Тежок удар за Наполи пред почетокот на сезоната во Серија А во која ја бранат титулата. Ромелу Лукаку се повреди и го очекува подолга пауза.
Напаѓачот кој минатата сезона забележа дабл-дабл учинок од 14 гола и 11 асистенции го повреди квадрицепсниот мускул и ќе му биде потребна операција. Се очекува да отсуствува четири до пет месеци.
Огромен проблем за Конте и Наполи. Бидејќи сега Наполи како класичен напаѓач го има само Лоренцо Лука засилувањето од Удинезе.
Затоа е јасно дека Наполи ќе мора да се активира на пазарот. Според првите информации, целта е Расмус Хајлунд од Манчестер јунајтед. Идејата на Наполи е да го доведе на позајмица.
Сепак, Наполи не е единствениот што е заинтересиран за Данецот. Милан е во игра веќе некое време и преговара со „црвените ѓаволи“ и го сака Хојлунд во случај да не постигнат договор со Душан Влаховиќ. Како што стојат работите, Хојлунд е на добар пат да се врати во Серија А.