Спорт
Антиќ блиску до Топ 16, дебакл на Илиевски, прв пораз за Барселона
Перо Антиќ и Олимпијакос се на само еден чекор од пласманот во Топ 16 фазата во Евролигата. Олимпијакос во деветтото коло, во А групата, забележа убедлива победа над Канту од 86:61, со што стигна до петтата евролигашка победа.
Перо Антиќ и Олимпијакос се на само еден чекор од пласманот во Топ 16 фазата во Евролигата. Олимпијакос во деветтото коло, во А групата, забележа убедлива победа над Канту од 86:61, со што стигна до петтата евролигашка победа. Перо Антиќ во победата на Олимпијакос партиципираше со 8 поени, 6 скока и една аситенција, капитенот на македонската репрезентација на паркетот мина 21 минута. Олимпијакос во последното коло пласманот во следната рунда ќе треба да го завери на гостински терен во Нанси. Оваа екипа ги загуби сите шанси за пласман во следната фаза, а и тимот не е ист по враќањето во НБА лигата на Николас Батум и Рони Туријаф. Во вториот натпревар од групата Фенербахче загуби на домашен терен од Билбао и под голем знак прашалник го стави својот настап во Топ 16 фазата. Билбао во Истанбул го одигра својот најдобар натпревар сезонава, на моменти баскијците водеа и со 25 поени, за конечен триумф од 70:80. Фишер со 16 и Гримау со 13 поени го предводеа Билбао до мошне значајната победа.Билбао во последното коло ќе ја пречека Каха Лаборал, додека Фенербахче ќе има тешко гостување кај Канту. Бросе Баскет и Жалгирис во Б групата го одиграа клучниот меч за пласман во следната рунда. Жалгирис во Германија победи со 68:82. Бросе Баскет и Жалгирис се во игра за четвртото место во Б групата, двата тима по девет кола имаат по три победи и шест порази, но литванскиот тим е поблиску до Топ 16 бидејќи во последното коло ќе го пречека Загреб, а Борсе Баскет ќе му гостува на Панатинаикос. Анадолу Ефес и Владо Илиевски претрпеа катастрофа во Тел Авив од Макаби. „Гордоста на Израел“ победи со 96:57, клучи на за победата на Макаби беа третата и четвртата четвртина кои ги добија со 29:15 и 31:11. Репрезентативниот плејмејкер Илиевски мечот го заврши со скромни два поени Дербито во Д групата се одигра во Сиена, каде Монтепаски, без својот најдобар играч, Бо Мекејлеб, и го нанесе првиот пораз на Барселона. Монтепаски победи со 77:74, во еден исклучително квалитетен меч, во кој екипата од Сиена во последниот период успеа да анулира негатива од 12 поени. Бековите Ракочевиќ (21 поен), Арадори (20 поени) и Зисиз (16 поени) го водеа Монтепаски до победата. Пласманот во Топ 16 фазата го потврди Уникс, на Мајк Вилкинсон. Натурализираниот Македонец мечот го заврши со 5 поени и 3 скока. Уникс го растури Проком со 68:41, во натпревар во кој полскиот тим во првото полувреме постигна само 11 поени (шест во првата и пет коша во втората четвртина). Уникс на овој начин го постави нов дефанзивен рекорд во Евролигата, во регуларниот дел од сезоната, претходниот го држеше ЦСКА Москва, русите во 2003 година во дуелот со Крка примија само 14 поени во првото полувреме. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Мбапе објави дека заминува од ПСЖ
Една голема епизода во кариерата на Килијан Мбапе заврши. Францускиот фудбалер вечерва и официјално потврди дека на крајот од сезоната го напушта Пари Сен Жермен.
Но, вториот дел од енигмата сепак останува, бидејќи Мбапе не кажа каде ќе ја продолжи кариерата. Иако, цел свет тоа одамна го насетува.
Епизодата на Килијан во Париз не заврши славно. Трофејот во Лигата на шампионите и оваа сезона остана недостижен за брзиот напаѓач, иако „светците“ важеа за големи фаворити во полуфиналето против Борусија Дортмунд.
Сите други домашни трофеи одамна престанаа да ја задоволуваат гладта и на Ембапе и на навивачите на францускиот клуб.
И покрај тоа што не кажа каде ќе ја продолжи кариерата, тоа најверојатно ќе биде Реал Мадрид.
Мбапе вечерва преку видео порака се прости од навивачите на Пари Сен Жермен.
„Отсекогаш сум велел дека ќе ви се обратам кога ќе дојде вистинското време. Сакам да ве информирам дека ова е мојата последна сезона во Пари Сен Жермен. Нема да го продолжам договорот и оваа авантура ќе заврши во следните неколку недели. Мојот последен натпревар ќе го одиграм на „Паркот на принцовите“ во недела.
Се борам со многу емоции. Имав можност и голема чест да бидам дел од најголемиот клуб во Франција и еден од најдобрите во светот, што ми овозможи да дојдам овде и да почувствувам како е да се игра во голем клуб под притисок. Нашредував како играч, се разбира со едни од најдобрите фудбалери во историјата. Некои големи шампиони. Запознав многу луѓе, созреав како личност, со сета слава и грешки што ги направив“, изјави Мбапе.
MERCI. 🔴🔵 @PSG_inside pic.twitter.com/t0cL2wPpjX
— Kylian Mbappé (@KMbappe) May 10, 2024
Спорт
Бразил на Копа Америка без Ришарлисон, Касемиро, Габриел Жесус…
Селекторот на Бразил, Доривал Жуниор го објави списокот за Копа Америка, иако до почетокот на натпреварувањето останува повеќе од еден месец. Во ростерот има 23 играчи, а Доривал може да направи измени до 23 јуни, ден пред Бразил да го одигра првиот натпревар против Костарика.
Поради повреда на спиското го нема Нејмар, а покрај него нема и тројца кои беа стнадардни на Сп во Катар: Ришарлисон од Тотенхем, Касемиро (Манчестер Јунајтед) и Габриел Жесус (Арсенал). Изненадување е што на списокот го нема фудбалерот на Јувентус, Бремер.
Нападот на Бразил ќе го предводат играчите на реал, Винисиус и Родриго, заедно со 17-годишниот Ендрик.
Изненадувања на списокот се Андреас Переира од Фулам и Жоао Гомеш од Волвс, како и Еванилсон од Порто и Савио од Џирона.
Бразил на Копа Америка е во група со Костарика, Колумбија и Парагвај.
Голмани Алисон (Ливерпул), Бенто (Атлетико Паранаенсе), Едерсон (Манчестер Сити),
Одбрана: Бералдо (ПСЖ), Едер Милитао (Реал Мадрид), Габриел (Арсенал), Маркињос (ПСЖ), Данило (Јувентус), Јан Куто (Џирона), Гиљермо Арања (Атлетико Минеиро), Вендел (Порто),
Ред за врска: Андреас Переира (Фулам), Бруно Гимараеш (Њукасл), Даглас Луис (Астон Вила), Жоао Гомеш (Волвс), Лукас Пакета (Вест Хем),
Напад: Винисиус Жуниор (Реал Мадрид), Родриго (Реал Мадрид), Габриел Мартинели (Арсенал), Рафиња (Барселона), Еванилсон (Порто), Савио (Џирона), Ендрик (Палмеирас).
Спорт
Во сообраќајна несреќа тешко повреден Бабнгида, брат му загина, сопругата и детето се во критична состојба
Поранешниот нигериски фудбалер Тијани Бабангида (50) имал тешка сообраќајна несреќа на автопатот во Нигерија, а во несреќата загинал неговиот три години помлад брат Ибрахим.
Тијани, неговата сопруга, син и куќна помошничка, кои исто така биле во автомобилот, со тешки повреди биле примени во болница.
Некои медиуми тврдат дека Тијани е свесен, а остатокот од семејството сѐ уште е во критична состојба, но закрепнува.
Тијани Бабангида беше репрезентативец на Нигерија од 1994 до 2004 година и играше на Светското првенство во 1998 година, а најголема трага во клупскиот фудбал остави во Ајакс во периодот од 1996 до 2003 година.
Тијани моментно е претседател на Здружението на професионалните фудбалери на Нигерија. Фудбал играше и трагично загинатиот Ибрахим. Најмногу играше за африкански клубови, но стигна и до холандски Волендам.