Спорт
Камерун го суспендираше Ето на 15 натпревари
Националната фудбалска асоцијација на Камерун во петокот го суспендираше капитенот на репрезентацијата Самуел Ето на 15 натпревари, а Ејонга Еноха со два меча
Националната фудбалска асоцијација на Камерун во петокот го суспендираше капитенот на репрезентацијата Самуел Ето на 15 натпревари, а Ејонга Еноха со два меча, бидејќи ги наговориле соиграчите од камерунската селекција да не отпатуваат во Алжир во ноември на пријателската средба со тамошната селекција.„Самуел Ето во својата улога на капитен, ги наговори соиграчите да одбијат да отпатуваат во Алжир. Дисциплинската комисија затоа одлучи да го суспендира на 15 натпревари на репрезентацијата“, се наведува на соопштението на Камерунскиот фудбалски сојуз. Камерунските фудбалери тврдејќи дека не се платени за настапот на турнирот на четирите нации во Мароко, штрајкуваа во ноември со што предизвикаа откажување на закажаниот меч со селекцијата на Алжир. Фудбалскиот сојуз на Камерун тврди дека 30-годишниот Ето кој четири пати беше избран за фудбалер на годината на Африка, не можел да објасни зошто неговите соиграчи не се вратија во репрезентацијата откако Алжир и камерунското министерство за спорт им понудиле решение на проблемот. Алжирскиот фудбалски сојуз, имено, на камерунската репрезентација и’ понуди 30 илјади евра за пријателскиот меч а камерунската влада дала 29.800 долари за репрезентацијата ден пред натпреварот. /крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вест Хем израмни негативен рекорд
Катастрофалната сезона на Вест Хем продолжи во петокот вечерта со поразот од Лидс (2:1). Официјално ова е најлошиот почеток на сезоната на „Чеканите“ во последните 52 години.
Вест Хем го забележа третиот пораз во низа, а Нуно Еспирито Санто нема победа откако ја презеде функцијата од Греам Потер. Вест Хем е на 19-то место на табелата, со само една победа, едно реми и седум порази.
Со вкупно четири бода во првите девет кола, Вест Хем ги изедначи двете најлоши сезони во историјата на клубот, во иста ситуација клубот беше во сезоните 1932/33 и 1973/74.
Интересно единствената победа во Премиер лигата, Вест Хем ја забележа против Ноингем Форест на чија клупа тоггаш седеше токуму Еспирито Санто.
Португалецот ја започна својата работа на клупата на „Чеканите“ со реми со Евертон, и оттогаш се мачи да најде одговори за сите проблеми.
Еспирито Санто е првиот тренер на Вест Хем кој не успеа да забележи победа во првите четири натпревари во Премиер лигата откако Мануел Пелегрини се најде на истата позиција во септември 2018 година.
Спорт
Долгот на Фенербахче изнесува повеќе од половина милијарда евра
Спортското друштво Фенербахче има огромен долг. Сите спортски секции се во минус од 588 милиони евра.
Јагиз Сабунџуоглу, спортски новинар од Турција, јавно ги објави овие тврдења.
Кога долгот ќе се конвертира во локална валута, тој изнесува 28,7 милијарди турски лири.
Овој долг се однесува на целото спортско друѓтво, вклучувајќи ги сите спортски филијали, објекти и деловни операции.
Кошаркарскиот тим на Фенербахче моментално има резултат 3-3 по шест кола од натпреварувањето во Евролигата и е на деветтото место на табелата.
Тимот на Шарунас Јасикевичиус неодамна го победи Ефес во градското дерби.
Минатата сезона, Фенер ја освои титулата во Евролигата, победувајќи го Монако со 81:70 во Фајналфорот.
Фудбалскиот клуб Фенербахче беше вицешампион на Турција минатата сезона.
Оттогаш го отпушти тренерот Жозе Мурињо и го ангажираше Доменико Тедеско за шеф на стручниот штаб по неуспешниот обид да стигне до Лигата на шампионите.
Фенер моментално е на третото место во Суперлигата со 19 бода од девет натпревари, додека во Лига Европа се на 14-то место со шест бода по три кола.
Спорт
Сопругата рекла „Не“ – Бруно одбил 800.000 евра неделна плата
Португалскиот репрезентативец Бруно Фернандеш ужива играјќи за Манчестер Јунајтед, иако резултатите не се онакви какви што можеа и требаше да бидат. Сепак, и покрај сериозните кризи, Португалецот им остана лојален на „Црвените ѓаволи“.
За речиси шест години во црвениот дрес, Бруно помина низ различни фази на Јунајтед: од еуфоријата на Солскјер, преку реконструкцијата на Тен Хаг, до постојаниот притисок на јавноста во очекувањето враќање на старите славни денови.
Во меѓувреме, тој доби понуда каква се добива еднаш во животот, понуда што не се одбива, но…Ал Хилал му понуди дури 800.000 евра неделно ова лето, но Португалецот остана во Англија и покрај ова. „Виновна“ за одлуката да ја одбие понудата била сопругата Ана.
„Првото нешто што ми го кажа беше: Дали постигна сè што сакаше да постигнеш тука со клубот? Таа знаеше дека не го постигнав“, откри Бруно во интервју за „Тајмс“.
Португалскиот ас, наместо да брои милиони на Блискиот Исток, денес против Брајтон (18:30 часот) ќе го одигра својот 300-ти натпревар во дресот на Манчестер Јунајтед.

