Спорт
Просинечки: Гвардиола ќе ми позајми играчи, но никој не сака во Звезда

Тренерот на Црвена звезда, Роберт Просинечки, веднаш по католичкиот Божик ќе замине за Барселона, каде ќе се обиде да ангажира напаѓач за својот тим.
Тренерот на Црвена звезда, Роберт Просинечки, веднаш по католичкиот Божик ќе замине за Барселона, каде ќе се обиде да ангажира напаѓач за својот тим. „Не можам ништо да гарантирам, но ќе се обидам да донесам центарфор од Барселона. Мислам дека со Гвардиола можам да направам договор и дека ќе ми позајми некој талентиран играч“, изјави Просинечки. Сепак се чини дека во целата приказна најмалиот проблем е Гвардиола, она што го кочи целиот договор се фудбалерите кои би требало да настапуваат за белградскиот клуб. За илустрација, менаџерот на Џонатан Сориано на Просинечки му порача дека тој нема да игра за екипа која е под неговото реноме. „Kаков Белград, ве молам. Нема ништо од тоа, немојте да си го трошите времето. Тој е играч на Барселона и може да игра само во најсилните лиги. Јас знам кој е Роберт Просинечки, но Сориано нема да игра за Црвена звезда“, изјави менаџерот на Сориано, Оробит, за весникот „Прес“. На ова тренерот на „црвено-белите“ Просинечки иронично изјави: „Прашање е дали тие играчи сакаат да дојдат во Србија и да настапуваат во силна лига. Тие се дел од еден голем систем и сигурно имаат добри понуди. Сепак, мислам дека можеме да склучиме некој договор за во иднина. Тоа е нашата реалност. Би сакал да имам буџет од 100 милиони евра и проблемот да го решам со купувањето на Кристијано Роналдо“. Инаку, Просинечки и трофејниот српски клуб станаа мета за потсмев на навивачите на Барселона. Некои од нив иронично сметаат дека Чави, Иниеста и Меси од следната сезона би требало да играат за Црвена звезда. Други, пак, ја поздравија акцијата на српскиот клуб и сметаат дека во Белград би требало да се преселат Александр Хлеб и Бразилецот Максвел, бидејќи Барселона не може да се ослободи од нив. крај/ index.hr /нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Реал ја победи Борусија Дортмунд

Списокот на учесници во полуфиналето на Светското клупско првенство е комплетиран. Во последниот натпревар од четвртфиналето на стадионот „Мет Лајф“ во Њу Џерси, Реал Мадрид ја победи Борусија Дортмунд со 3:2.
Чаби Алонсо за нешто помалку од еден месец колку што е тренер на Реал, на големата сцена го промовираше Гонзало Гарсија.
Момчето од клупската академија го постигна четвртиот гол на првенството, моментално е израмнет на првото место на листата на стрелци и е сериозен кандидат да биде главен хит на ова прво клупско Светско првенство.
21-годишниот централен напаѓач му донесе водство на Реал во 10-та минута по асистенцијата од Арда Гулер. Неговиот имењак Фран го зголеми резултатот на 2:0 десет минути подцна.
Реал ја држеше предноста до финишот, а потоа во судиското надополнување беа постигнаи уште три гола.
Максимилијан Баер намали на 2:1 во 92-та, а една минути подцна Килијан Мбапе му ја врати на Реал предноста од два гола. Хујсен во 95-та минута доби црвен картон, а Гираси од пенал во 98-та минута го постави конечниот резултат.
На крајот, може да се каже дека херој е Тибо Куртоа, кој во десеттата минута од судиското продолжение го одбрани ударот на Марцел Сабицер, со кој Реал обезбеди пласман во полуфиналето на Светското клупско првенство.
Во полуфиналето, Реал ќе игра против актуелниот европски шампион, Пари Сен Жермен. Флуминенсе и Челзи се среќаваат во второто полуфинале.
Спорт
Томас Милер го одигра својот последен натпревар за Баерн

Легендата на Баерн и германскиот фудбал, Томас Милер, го одигра својот последен натпревар во дресот на Баварците. Фудбалерите на Пари Сен Жермен го победија тимот на Баерн со 2:0 и се пласираа во полуфиналето на Светското клупско првенство во САД.
Томас Милер играше за германскиот тим во финишот од натпреварот. 35-годишниот фудбалер влезе на теренот во 80-та минута наместо Кингсли Коман и тоа беше неговиот последен натпревар во дресот на Баерн.
Германскиот ветеран не доби нов договор и во април го објави своето заминување од Минхен на крајот од сезоната.
Томас Милер е дете на Баерн, целата своја кариера ја помина со Баварците. Дебитираше за првиот тим во 2007 година и одигра вкупно 756 натпревари, постигна 250 голови и запиша 276 асистенции.
Тој е еден од најтрофејните фудбалери во историјата. Во дресот на Баерн, освои точно 33 трофеи.
„Danke für alles, Томас!“, објави Баерн на социјалните мрежи со емотикон од срце.
Спорт
Игор Жесус го засили Нотингем Форест

Бразилскиот репрезентативец Игор Жезус се пресели од Ботафого во Нотингем Форест.
„Шумарите“ објавија дека потпишала четиригодишен договор со 24-годишниот фудбалер, до летото 2029 година.
Клубовите не ја објавија сумата на трансферот, но медиумите известуваат дека станува збор за околу 10 милиони фунти (околу 12 милиони евра).
Жезус ја започна својата професионална кариера во бразилскиот клуб Коритиба, потоа играше за Шабаб Ал Ахли од Обединетите Арапски Емирати пред да се приклучи на Ботафого во 2024 година.
Напаѓачот одигра 59 натпревари за клубот од Рио де Жанеиро во сите натпреварувања и постигна 17 гола.
Тој особено се истакна на Светското клупско првенство, помагајќи му на Ботафого да се квалификува во нокаут фазата, постигна два гола, вклучувајќи го и победничкиот гол против европскиот шампион Пари Сен Жермен.
Foto/ EPA-EFE/JOHN G. MABANGLO