Спорт
Чави најдобар светски плејмејкер
Фудбалерот на Барселона, Чави Хернандез, во анкетата на Институтот за фудбалска историја и стратегија (IFFHS) е избран за најдобар светски плејмејкер.
Фудбалерот на Барселона, Чави Хернандез, во анкетата на Институтот за фудбалска историја и стратегија (IFFHS) е избран за најдобар светски плејмејкер. Во анкетата на Институтот учествуваа уредници од медиуми и стручњаци од 81 земја во светот, на Чави му доделија вкупно 232 бода. Шпанскиот репрезентативец на овој начин по четврти пат последовно го освои ова признание. Второто и третото место во анкетата ги освоија соиграчите на Чави, Лионел Меси и Андрес Иниеста. Топ 5 во анкетата го затвораат фудбалерите на Реал, Месут Езил и Кристијано Роналдо. Инаку, меѓу 16-те најдобри светски плејмејкери има петмина Шпанци, двајца Германци и Аргентинци, додека Англија, Хрватска, Франција, Португалија, Холандија, Уругвај и Италија имаат по еден свој преставник.Најдобри светски плејмејкери според IFFHS: 1. Чави (Шпанија/Барселона) 232 бода2. Лионел Меси (Аргентина/Барселона) 1473. Андрес Иниеста (Шпанија/Барселона) 1104. Месут Езил (Германија/Реал) 595. Кристијано Роналдо (Португалија/Реал) 476. Давид Силва (Шпанија/Манчестер Сити) 317. Весли Снајдер (Холандија/Интер) 228. Чаби Алонсо (Шпанија/Реал) 199. Дијего Форлан (Уругвај/Интер) 1710. Сеск Фабрегас (Шпанија/Барселона) 15Андреа Пирло (Италија/Јувентус) 1512. Франк Рибери (Франција/Баерн Минхен) 1013. Бастијан Швајнштајгер (Германија/Баерн Минхен) 914. Лука Модриќ (Хрватска/Тотенхем) 815. Франк Лампард (Англија/Челзи) 5Хавиер Пасторе (Аргентина/Пари Сен Жермен) 5. крај/iffhs.com/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.
Спорт
Надал: Ако немам чувство дека можам да се натпреварувам тогаш нема да играм на РГ
Шпанскиот тенисер Рафаел Надал, по Мастерсот во Рим, ќе донесе одлука дали ќе настапи на вториот гренс слем во сезоната, Ролан Гарос.
Рафа моментално се наоѓа во Мадрид, каде во првото коло убедливо славеше во дуелот со 16-годишниот Американец Дарвин Бланш.
„Реален сум за тоа што се случува. Искрено, играв против играч кој направи многу грешки и ми ги олесни работите. Со најголема почит кон играчот кој има голема иднина, тој направи многу грешки и мечот траеше само еден час. Ова нема да ги смени моите размислувања за Ролан Гарос. Овде нема да донесам никаква одлука, по Мастерсот во Рим ќе ја донесам конечната одлука. Не зборувам за победите, туку за чувството дека можам да дадам се од себе и дека можам да се натпреварувам. Мислам дека ова е логично по се што направив во Париз“, изјави Надал.
Негов следен ривал ќе биде Алекс де Минор, кој го елиминира минатата недела во Барселона.
Спорт
Бруно Гимараеш има посебна клаузула во договорот која важи до 30 јуни
Играчот од средниот ред на Њукасл, Бруно Гимараеш е на мета на бројни клубови, а тој има посебна клаузула во договорот.
Како што откри трансфер-инсајдерот, Фабрицио Романо, од последната недела на мај до крајот на јуни, Гимараеш има откупна клаузула од 100 милиони фунти или 116 милиони евра.
Доколку Бразилецот се договори со некој клуб и тој клуб ја плати сумата, Њукасл ќе биде принуден да го пушти.
Во моментов не се знае дали некој клуб е подготвен да потроши толку пари, но веќе е познато дека ПСЖ покажува интерес за бразилскиот репрезентативец.
Прашање е само дали е реално еден ваков трансфер да се случи пред официјалниот почеток на летниот преоден рок.
Летниот преоден рок стартува на 1 јули.