Спорт
Хенс: Дуелот со Чешка е финале за нас
Капитенот на ракометната репрезентација на Германија, Паскал Хенс, на престојното Европско првенство, ќе биде еден од главните играчи на „панцирите“, кои во Србија ќе се обидат да ги поправат лошите пласмани на оваа репрезентација на претходното европско и светско првенство.
Капитенот на ракометната репрезентација на Германија, Паскал Хенс, на престојното Европско првенство, ќе биде еден од главните играчи на „панцирите“, кои во Србија ќе се обидат да ги поправат лошите пласмани на оваа репрезентација на претходното европско и светско првенство. Левиот бек на Хамбург, 31-годишниот Хенс изминатиот викенд беше најзабележителен во својата репрезентација на двете пријателски средби со Унгарија, на кои Германија забележа победа (36:33) и пораз (21:22). „Треба да бидеме реални, по нашите слаби настапи на ЕП во Австрија во 2010 и СП во Шведска во 2011, дека повеќе не сме во самиот врв. Но сепак, наша главна цел ќе биде да обезбедиме пласман на ОИ во Лондон“. Капитенот на Германија во интервјуто за „ehf-euro 2012.com“, потврди дека притисокот врз репрезентацијата, поради лошите резултати на последните две големи натпреварувања е огромен, но и дека тој и неговите колеги го знаат рецептот за пласман меѓу најдобрите осум репрезентации. „На Еуро 2012 не очекува тешка борба, започнувајќи од натпреварите во групата со Чешка, Македонија и Шведска. Нашиот фокус е на првиот натпревар со Чешка, доколку победиме речиси сме во главната рунда, доколку загубиме, тогаш ќе ни биде многу тешко. Затоа ние ќе се концентрираме на секој следен натпревар, ќе одиме чекор по чекор, а натпреварот со Чешка е првиот од многуте финални за нашиот тим“. Хенс како еден од главните проблеми на репрезентацијата, пред стартот на шампионатот, ја посочува играта во нападот, каде како што вели често им недостига концентрација и пребрзо ги завршуваат нападите. Хенс, открива као е да се работи со новиот селектор Мартин Хојберг, кој на клупата го наследи легендарниот Хајнер Бранд. „Тој врши одлична работа, внесе нови методи во нашите тренинзи. Сите имаме почит кон него, доколку некој не го почитува тогаш тој се наоѓа на погрешно место. Од самиот почеток на подготовките тој наметна тешка програма за работа, со три тренинзи дневно. Затоа сега сите сме во совршена физичка кондиција“. Германија е еден од противниците на Македонија, во Б групата на Еуро 2012, двете репрезентации во меѓусебен дуел ќе се соочат на 17. јануари. крај/ehf-euro 2012.com/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.