Спорт
Недостиг на искуство нe' води во трагични порази

Македонската ракометна репрезентација, запиша, нов, незаслужен, пораз на 10-то Европско првенство. По Шведска и Германија, во групата во Ниш, во Белград, „црвено-жолтите“ ги шокира Данска.
Македонската ракометна репрезентација, запиша, нов, незаслужен, пораз на 10-то Европско првенство. По Шведска и Германија, во групата во Ниш, во Белград, „црвено-жолтите“ ги шокира Данска.
Натпреварот со Данска, во кој, светскиот вицепрвак, во еден момент беше на колена, целосно надигран, долго ќе се прераскажува и анализира. Каде и дали воопшто нашите ракометари погрешија, дали беа жртви на жестокиот ритам кои сами го наметнаа, ритам кој Данска во првите 25. минути не можеше да го следи.
Но колку и да се анализира, впечатокот е дека загубивме поради недостиг на искуство, кое доколку го имавме, сигурно немаше да се играат цепелини или да се прават обиди да се постигне гол преку целиот терен. За разлика од нашите момчиња, Данците го имаат заначајниот фактор, искуство, затоа што последниот напад, по кој Линдерг ја фрли во очај цела нација, е резултат на нешто што се вежба и работи на подготовките.
Сепак, никој не може да се отргне од помислата дека доколку ракометарите беа миленици на фортуната, сега ќе се зборуваше за пласман во полуфиналето, вака ќе се обвинува лошата среќа која репрезентацијата ја следеше на дуелите со Шведска, Германија и Данска.
„Лоша среќа беше мојот последен шут од ногата на голманот да заврши директно во рацете на данскиот играч кој, потоа, топката ја исфрли во контра од која Данска стигна до победата, но тоа е ракометот. Ние бевме надвор од игра, но успеавме да се вратиме и да влеземе во драматичен финиш. Ние ја плаќаме цената што не сме редовни учесници на големите настани, бидејќи немаме нерви и не сме смирени кога треба да се фокусираме на одржвање на нашата предност. Имавме цели шест гола предност, но не успеавме да ја сочуваме разликата. Ние и покрај поразот одиме со кренати глави, затоа што дадовме се од себе, но ќе биде тешко психички да се вратиме од овој удар, бидејќи се чини дека среќата не е на наа страна на овој турнир“, ја пренесува изјавта на капитенот Кире Лазаров, „ehf-euro2012.com“.
Слично како и капитенот веднаш по завршувањето размислуваше и селекторот Шундовски, додека неговиот колега Вилбек имаше доблест да признае дека последниот напад и голот за победа биле плод на среќа.
Македонија, утре од 16:20 часот, за противник ќе ја има Полска, репрезентација, која оваа генерација ракометари ја победи на СП во Хрватска. Неспорно е дека Македонија има квалитет да ја победа Полска, прашање е само дали „црвено-жолтите“ ќе успеат да ја архивираат трагедијата која им се случи со Данска. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
„Шумарите“ во Болоња најдоа замена за Еланга

Фудбалерот на Болоња, Ден Ендој, ќе стане ново засилување на Нотингем Форест, откако англискиот клуб се согласи на трансфер вреден 40 милиони евра, објави „Скај Спорт Италија“.
Толку ќе биде фиксниот дел од обештетувањето според договорот меѓу двата клуба, додека Болоња може да смета на до три милиони бонуси и проценти од наредната продажба.
Долго време за Ендој интерес покажуваше италијанскиот првак Наполи. Сепак првиот човек на наполитанците, Аурелио Де Лаурентис, не сакаше да плати 40 милиони за крилниот напаѓач.
Ендој ги договори личните услови и со Наполи и со Форест. Овој крилен напаѓач има 24 години и пристигнува на „Сити Граунд“ како замена за Ентони Еланга, кој се приклучи на Њукасл.
Швајцарскиот интернационалец постигна девет гола и запиша шест асистенции на 41 натпревар за Болоња минатата сезона и имаше голем придонес во освојувањето на Купот на Италија.
Ендој претходно играше за Базел, Ница и Лозана.
Фото/ Принтскрин
Спорт
Лидс извиси, Паишао се сели во Марсеј

Фудбалерот на Феенорд, Игор Паишао, е блиску до трансфер во Олимпик Марсеј, кој постигна договор за обештетување со холандскиот клуб.
На овој начин, францускиот клуб ја доби трката со Лидс јунајтед за потписот на бразилскиот фудбалер. Паишао доби дозвола да отпатува во Марсеј на лекарски прегледи. Претходно, „Екип“ објави дека Марсеј подготвил нова понуда за овој играч, додека Лидс се обидел да го грабне испраќајќи понуда вредна 32 милиони евра.
Феенорд претходно одби две понуди од Марсеј, првата од 16 милиони евра и втората од 28 милиони евра. Феенорд ја прифати третата понуда од 35 милиони евра.
Марсеј претходно ги доведе Анхел Гомес од Лил, како и Си Џеј Еган-Рајли од Барнли и Факундо Медина од Ленс.
Во меѓувреме, враќањето на напаѓачот Пјер-Емерик Обамејанг во клубот се очекува да се случи во наредните денови.
Паишао одигра 47 натпревари за Феенорд минатата сезона со 18 гола и 14 асистенции. Неговата примарна позиција е лево крило, но може да игра и како офанзивен играч од средниот ред.
Тој пристигна во Холандија во летото 2022 година, а претходно играше за Коритиба и неговиот матичен клуб Лондрина.
Фото/ Принскрин
Спорт
Родриго го одбил Тотенхем

Челниците на Тотенхем побарале и добиле дозвола од Реал Мадрид да отворат преговори со крилниот напаѓач Родриго. Бразилецот е отворен за сорабптак со друг клуб, но Тотенхем не е во неговите планови.
Актуелниот освојувач на Лига Европа сакаше да ја искористи можноста и да донесе капитално засилување пред да се врати во Лигата на шампионите по три години, но веднаш стана јасно дека ништо нема да произлезе од тоа.
Шпанскиот инсајдер Санти Ауна ја информираше јавноста дека Тотенхем се распрашувале за неговата цена, а потоа брзо се отрезниле. Поранешниот играч на Сантос сака да се докаже во „поголем клуб од Тотенхем“.
Од почетокот на преодниот рок се споменуваше дека следната станица во кариерата на крилниот напаѓач би можеле да бидат Арсенал и Ливерпул, кои, со заминувањето на Дијаз во Баерн, ослободија место на позицијата лево крило ги обезбедија потребните пари за 24-годишникот од Сао Паоло.
Родриго пристигна во „кралскиот клуб“ од својата татковина во 2019 година, во трансфер вреден 45.000.000 евра. Оттогаш, во 270 настапи, постигна 68 гола и забележа 51 асистенција. Освои две Лиги на шампиони, како и три титули во шпанското првенство.
Foto/ „X“