Спорт
Барса остана без Иниеста и Санчез

Еден од најдобрите фудбалери на каталонскиот гигант Барселона и на шпанската репрезентација Андрес Иниеста ќе биде вон терените најмалку три седмици, откако во четвртфиналниот дуле од Купот на Кралот против Реал ја повреди тетивата на коленото.
Еден од најдобрите фудбалери на каталонскиот гигант Барселона и на шпанската репрезентација Андрес Иниеста ќе биде вон терените најмалку три седмици, откако во четвртфиналниот дуле од Купот на Кралот против Реал ја повреди тетивата на коленото. Андрес Иниеста се повреди во 30 минута од мечот по што беше заменет, а на негово место влезе Педро кој во 43 минута на додавање од Лионел Меси ја доведе во предност Барселона од 1:0.На истиот натпревар против најлутиот ривал мадридски Реал, „каталонската гордост“ остана без уште еден, по повредата на напаѓачот Алексис Санчез, кој поради проблемите со рамото ќе паузира околу две седмици, соопшти официјалната интернет страница на Барселона. Ова е тежок момент за тренерот Пеп Гвардиола, бидејќи од претходно надвор од тимот се Давид Виља, Ибрахим Афелај, а Сејду Кеите со репрезентацијата на Мали настапува на африканскиот Куп на нациите, додека во меѓувреме Максвел беше продаден во Пари Сен Жермен. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Клоп: Вирц ќе покаже дека е неверојатен талент

Ливерпул не игра добро оваа сезона без оглед на инвестицијата од 500 милиони евра во засилувања. „Црвените“ се во серија од четири порази, што им се случува прв пат по ноември 2014 година.
По поразот од Манчестер Јунајтед (1:2) на „Енфилд“, менаџерот Арне Слот ја презеде вината врз себе, но Флоријан Вирц трпи најмногу критики од медиумите.
Германскиот ас платен за 125 милиони евра, засега не успеа да покажа ништо. Нема голови, забележа една асистенција (Комјунити Шилдс) на 11 натпревари. Билансот на Александар Исак е нешто подобар, кој постигна гол и една асистенција на шест натпревари, а беше платен за рекордни 145 милиони евра.
„Ќе ги изедете сопствените критички зборови ако продолжите да зборувате против Вирц. Тој е неверојатен талент и ќе го докаже тоа“, изјави поранешниот менаџер на Ливерпул, Јирген Клоп.
Спорт
Најдобриот во светот се врати во тимот на ПСЖ

Усман Дембеле од Пари Сен Жермен се врати во тимот по неколку недели отсуство поради повреда на бутниот мускул и ќе биде достапен за натпреварот против Баер Леверкузен во Лигата на шампионите.
Дембеле се повреди во септември, кога беше со француската репрезентација, а за време на паузата престојуваше во специјализирана клиника во Доха (Катар), каде што беше подложен на терапија.
Последниот натпревар за клубот го одигра на 30 август против Тулуз, кога постигна два гола и една асистенција (6:3).
Оваа сезона, тој играше и против Анже и Нант, односно Тотенхем во Суперкупот на Европа.
Францускиот фудбалер се врати на тренинзите со тимот минатата недела, но не беше во составот за првенствениот натпревар против Стразбур (3:3).
За потсетување, тој во меѓувреме ја освои и „Златната топка“.
Foto/ EPA
Спорт
Карагер: Време е Салах да седне на клупата за резерви

Алармот е силно вклучен во црвениот дел на Ливерпул. Актуелниот шампион минува низ криза, во каква што не бил од ноември 2013 година. Ливерпул се наоѓа во серија од четири порази, три од нив се во Премиер лигата (Кристал Палас, Челзи, Манчестер јунајтед).
Ливерпул, вчера доживеа пораз на домашен терен од Манчестер јунајтед (1:2). Тимот кој минатата сезона супериорно ја освои титулата, на почетокот на новата не личи на себе и покрај тоа што челниците вложија 500 милиони евра во нови играчи.
Проблемите се евидентни, особено во одбраната, но се чини дека најгорливиот проблем е првиот стрелец, Мохамед Салах. Египѓанецот е во ужасна форма, не успева да направи разлика на теренот. Токму тој е означен како еден од виновниците за лошите реузлтати.
„Ливерпул има два гостувања, Лигата на шампионите против Франкфурт, а потоа оди кај Брентфорд. Мислам дека Салах не треба да ги започне двата натпревари“, изјави аналитичарот, инаку поранешен капитен на Ливерпул, Џејми Карагер за „Скај Спортс“.
„Тој секогаш треба да биде стартер на „Енфилд“, бидејќи Ливерпул ќе биде на врвот, на работ од шеснаесетникот, а денес постигнува голови почесто во такви ситуации. Но, мислам дека во гостувањата Салах не треба да биде стартер на секој натпревар, со оглед на формата во која се наоѓа. Мора да играат Исак и Вирц бидејќи потрошија многу пари на нив“, рече Карагер.
Ливерпул е четврти во лигата со 15 бода од осум натпревари, четири зад лидерот Арсенал.
Foto/ EPA