Спорт
Азаренка ја прегази Шарапова во финалето на АО
Белоруската тенисерка Викторија Азаренка победи на првиот Грен слем во сезоната, Отвореното првенство на Австралија. Азаренка, во финалето, убедливо за 82 минути, ја совлада Марија Шарапова со 2:0 (6:3, 6:0).
Белоруската тенисерка Викторија Азаренка победи на првиот Грен слем во сезоната, Отвореното првенство на Австралија. Азаренка, во финалето, убедливо за 82 минути, ја совлада Марија Шарапова со 2:0 (6:3, 6:0). За Азаренка ова е прва титула од Грен слем турнирите, додека Шарапова остана четири, Русинката последната Грен слем титула ја освои во 2008 година. Покрај титулата Азаренка го заработи и првото место на ВТА листата, таа од утре и официјално ќе биде број 1 во женскиот тенис. Во првиот сет беа видени три брејка, од кои два на самиот почеток на мечот, а потоа Азаренка доби шест од преостанатите седума гема, со што го реши првиот сет ос 6:3. Белорусинката во вториот сет доплнително го засили ритамот, погодуваше буквално се‘, не дозволувајќи и на Шарапова да освои ниту еден поен. Пресудни за победата на Азаренка беше бројот на неизнудени грешки, таа направи 14, а нејзината противничка речиси двојно повеќе, вкупно 30. Двете тенисерки имаа по 14 директни поени, Азаренка имаше 4, а Шарапова 3 двојни сервис грешки. Азаренка освои 5 од 7 брејк шанси, наспроти Шарапова која од четирите можности само еднаш и го одзеде сервисот на противничката. Новата шампионка на АО, доминираше и во сервисот, освои 68% од поените на својот прв сервис, наспорти 53% колку што освои Шарапова. Многу поебедлив е односот на освоени поени на втор сервис, Азаренка освои 53%, наспорти скромните 18% на Шарапова. Грен слем финалето во Мелбурн беше седма пресметка на Азаренка и Шарапова, Белорусинката води се 4:3. Азаренка победи во трите финални мечеви во кои противничка и била Шарапова. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.