Спорт
Sunday Times: Мурињо летово се враќа во Англија
Угледниот „Сандеј Тајмс“, пишува, дека тренерот на Реал Мадрид, Жозе Мурињо, по завршувањето на сезоната ќе се врати во Премиер лигата.
Угледниот „Сандеј Тајмс“, пишува, дека тренерот на Реал Мадрид, Жозе Мурињо, по завршувањето на сезоната ќе се врати во Премиер лигата.Мурињо во тековната сезона, во првенството, има 17 од можните 20 победи, забележа 100% учинок во Лигата на шампиони, единствен кикс му е испаѓањето во четвртфиналето на националниот Куп.„Жозе е уморен од ситуацијата во клубот – од интригите и задкулисните игри. Без оглед на тоа дали ќе ја освои титулата во Примера или Лигата на шампиони, тој летово ќе се врати во Англија. Парите му се најмалку важи“, пишува „Сандеј Тајмс“, повикујаќи се на извор близок до Португалецот. Мурињо во Англија може да бира на чија клупа ќе седне, интерес за него покажуваат двете екипи од Манчестер, а и иднината на неговиот сонародник, Вилас-Боаш, на клупата на Челзи е неизвесна, слично е и со Арсен Венгер во Арсенал.Мурињо, кој во 2010 година според ФИФА беше тренер на годината, се наоѓа на вистински пат, на Реал, по три години да му ја донесе титулата во националниот шампионат. Згора на тоа „специјалниот“ е познат по тоа да ги напушта екипите кога се наоѓа на врвот, таков беше случајот со Порто и Интер, од двете екипи замина по освојувањето на тројната круна. крај/sunday times/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.