Спорт
Еврокуп: Победи на Војдан и Пеџа, пораз за Мејси и Илиевски
Војдан Стојановски и Пеџа Самарџиски со своите екипи се приближија до четвртфиналето во кошаркарскиот Еврокуп, додека Џеремаја Мејси и Владо Илиевски со својот тим се далеку од пласманот меѓу најдобрите осум.
Војдан Стојановски и Пеџа Самарџиски со своите екипи се приближија до четвртфиналето во кошаркарскиот Еврокуп, додека Џеремаја Мејси и Владо Илиевски со својот тим се далеку од пласманот меѓу најдобрите осум. Во рамките на Групата Ј, Доњецк на Војдан Стојановски забележа убедлива победа над Химки од 85:67. Македонскиот репрезентативец натпреварот го заврши со 8 поени, еден скок и 2 загубени топки. По четири одиграни кола, Доњецк, поради подобриот меѓусебен скор го презеде водството на табелата од Химки, двата тима имаат по три победи и еден пораз. Со оваа победа Доњецк избори пласман во четвртфиналето, каде веќе се Валенсија и Спартак Санкт Петербург, единствените две екипи со максимален учинок во четири одиграни кола во Топ 16 фазата. Пеџа Самарџиски имаше одличен настап во победата на Лијетувос Ритас на гостувањето во Берлин кај Алба. Литванскиот преставник, во натпревар од Групата Л, победи со 62:79, а Самарџиски имаше учинок од 7 поени, 6 скока и по две асистенции и украдени топки. Во оваа група пласманот во четвртфиналето си го закомпликува и го направи речиси невозможен Локомотив Кубан, на Џеремаја Мејси и Владо Илиевски. Рускиот тим загуби во Тревизо од Бенетон со 87:76. Мејси натпреварот го заврши со 14 поени и 5 скока , додека Илиевски имаше само епизодна улога, на паркетот мина нешто повеќе од четири минути, за кои во статистиката запиша еден скок и една украдена топка. На врвот Бенетон се израмни со Лијетувос Ритас, двата тима имаат по три победи и еден пораз, додека Локомотив има две победи и два порази. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.