Спорт
Ден „Д“ за Антиќ и Олимпијакос, Мекејлеб против Реал

Вечерва, во кошаркарската Евролига, ќе бидат познати сите учесници во четвртфиналето. За преостанатите три места, кои водат во четврт финалето, во конкуренција се пет екипи, од кои во најдобра положба се Монтепаски на Лестер Бо Мекејлеб и Билбао.
Вечерва, во кошаркарската Евролига, ќе бидат познати сите учесници во четвртфиналето. За преостанатите три места, кои водат во четврт финалето, во конкуренција се пет екипи, од кои во најдобра положба се Монтепаски на Лестер Бо Мекејлеб и Билбао. Пласман меѓу најдобрите осум веќе обезбедија Панатинаикос, Уникс, Барселона, Макаби и ЦСКА Москва.Екипата на Перо Антиќ, Олимпијакос, за противник пред своите навивачи ќе го има турскиот Галатасарај. Математиката за екипата на Антиќ е јасна, со победа од најмалку два поени разлика, Олимпијакос ќе се пласира во четвртфиналето, каде од оваа група веќе се наоѓа ЦСКА.Група Е:18:45 ч. Анадолу Ефес-ЦСКА Москва20:45 ч. Олимпијакос-ГалатасарајТабела: ЦСКА 4-1, Галатасарај 3-2, Олимпијакос 2-3, Ефес 1-4.Неизвесно ќе биде во Ф групата, каде три тима конкурираат за двете места кои водат во четвртфиналето. Најголеми шанси за пласман меѓу најдобрите осум од оваа група имаат Монтепаски и Билбао, додека на Реал му е потребно вистинско чудо за да биде во следната рунда. Реал ќе му гостува на Монтепаски и ќе му биде потребн победа со најмалку 23 поени разлика за да биде четвртфиналист, во секоја друга варијанта Монтепаски и Билбао се во наредната фаза. Група Ф:20:45 ч. Уникаха-Билбао20:45 ч. Монтепаски-БилбаоТабела: Монтепаски 4-1, Билбао 3-2, Реал 3-2, Уникаха 0-5. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Панчев: Хуманитарен меч Вардар-Црвена звезда на 16. април

Легендата на македонскиот, југословенскиот фудбал и Црвена звезда, Дарко Панчев е скршен од тага по трагедијата во Кочани, во која во пожар во дискотеката „Пулс“ загинаа 59 лица, а преку 150 се повредени.
Европски и светски шампион со Црвена звезда, Панчев во разговор за „Спортклуб“, откри дека разговарал со генералниот директор на најтрофејниот српски клуб, Звездан Терзиќ, црвено-белите да му гостуваат на Вардар во Скопје. Идеката на Панчев е да се одигра хуманитарен натпревар.
„Останува само да се одреди датум, Црвена звезда за се ќе се договори со Вардар, директорот Терзиќ го спомна 16 април, благодарам, што друго да кажам. Во име на Кочани, Скопје и цела Македонија, Ви благодариме за грижата, за тоа што се прави за повредените, за нивниот транспорт и за лекувањето во Србија, благодареност до братскиот народ“, рече Панчев.
Спорт
Аргентина без Меси против Уругвај и Бразил

Капитенот на Аргентина, Лионел Меси нема да настапи на претстојните натпревари против Уругвај и Бразил.
Откако синоќа блескаше во победата над Атланта во МЛС лигата, Меси заработи повреда на мускулот, а по тестовите беше одлучено дека во овој прозорец нема да настапува за репрезентацијата.
Аргентина веќе обезбеди пласман на Мундијалот, прва е во јужноамериканскиот поредок со 25 бода, пет повеќе од Уругвај, па Лионел Скалони не сакаше ништо да ризикува.
Иако најави пензионирање, Меси сепак ужива во дресот на „гаучосите“, па останува да се види дали ќе игра и на СП 2026 година, кое сега не е така далеку, за нешто повеќе од една година.
Спорт
Стефан Ристовски ќе го напушти Динамо Загреб

Поранешниот капитен на фудбалската репрезентација на Македонија, Стефан Ристовски, веројатно ќе го напушти Динамо Загреб по завршувањето на сезоната. Ристовски, еден од капитените на најтрофејниот хрватски клуб со доаѓањето на тренерот Фабио Канаваро остана без местото во стартната посатав.
Договорот на Ристовски истекува на 30 јуни 2025 година, а потоа ќе стане слободен играч доколку, се разбира, во меѓувреме не потпише нов договор со актуелниот хрватски шампион. Платата на Ристовски според сегашниот договор е околу 700.000 евра годишно.
„Индекс“ пишува дека на подготовките му бил понуден нов договор, но со значително намалување. Новиот договор би бил за најмалку една третина помал од стариот, што значи дека Ристовски би можел да заработува околу 450 илјади евра годишно.
Во овој момент одлуката на Ристовски не е потврдена, но тој најверојатно нема да потпише нов договор. Проблемот не е во парите, туку во тоа што не е задоволен од статусот што би можел да го има следната сезона на „Максимир“.
Тој има 33 години и се уште може да најде сериозна минутажа во европскиот фудбал, а источните лиги и земјите кои нудат профитабилни договори се секогаш опција за играчите кои се пред крајот на кариерата.
Ристовски одигра 177 натпревари за Динамо и одигра важна улога во освојувањето на многу трофеи, но се чини дека и клубот и тој се повеќе се свесни дека влегуваат во нова ера.