Белгија, репрезентација која се наоѓа во најтесниот круг на фаворити за највисок пласман на ЕУРО 2020, со победа ги започна натпреварите во Б-групата. Белгијците, во Санкт Петербург, без многу труд ја победија Русија со 3:0.

Белгија без Кевин Де Брујне, Аксел Витсел и Еден Азар (одигра 15 минути), забележаа рутинска победа над Русија.

Белгија максимално ги казни грешките на своите противници, победникот го реши во првите 35 минути.

Лукаку во 10.минута ја искористи грешката Самедов и го постигна првиот гол на мечот. Нова грешка руската одбрана направи во 34.минута, овој пат ги казни Мение.

До крајот на полувремето, Русите во паника се бране да не примат уште некој гол.

Второто полувреме, Белгијците рутински го одработија, ја контролираа играта, не дозволија ниту една сериозна ситуација пред голот на Куртоа, а во 88. минута, со својот гол, Лукаку стави точка на мечот.

Белгија, во второто коло, на 17.јуни ќе игра против Данска, додека Русија за противник ќе ја има Финска.

Француските тенисери, Никола Мау и Пјер Иг Ербер, ја освоија титулата на Ролан Гарос.

На домашен терен, Мау и Ербер во финалето ја победија двојката од Казахстан, Александар Бублик и Андреј Голубјев со 4/6, 7/6, 6/4. Мечот траеше два часа и 10 минути.

Ова е втора титула за Мау и Ербер на Ролан Гарос. Претходно победија во 2018 година.

Французите досега имаат четири заеднички гренд слем трофеи.

Финска ја победи Данска со 1:0 во своето деби на големите натпреварувања. Киксот на Каспер Шмајхел и промашениот пенал на Пјер-Емил Хојберг го решија победникот на овој натпревар.

Скандинавската пресметка ја обележа моментот во 43.минута, кога најдобриот дански играч, Кристијан Ериксен колабираше на теренот. Десет минути му лекарските екипи се бореа за неговиот живот, потоа тој во свесна состојба беше пренесен во болница.

Мечот беше во прекин еден час, фудбалерите се договориле да продолжи, а поддршка добиле и од Ериксен, кој од болницата им се јавил на соиграчите.

Данска доминираше во текот на целиот натпревар, голманот Храдецки во првиот дел одбрани три тешки удари, а апсолутен херој стана во 74.минута, кога го одбрани пенал.

Финците, од првата вистинска, акција на натпреварот и од првиот удар кон голот на Шмајхел постигнаа гола. Похјеанпало ги наскока данските дефанзивци упати удар со глава, Шмајхел не реагираше најдобро и топката заврши во неговиот гол.

Историски момент за Финска, го постигнаа првиот гол и ја забележаа првата победа на европските првенства.