Спорт
Робен ја победи Англија, Франција победи во Германија

Холандија и Франција, како гости победија во контролните средби, против Англија односно Германија. Гостинска победа забележа и Аргентина, 1:3 против Швајцарија, а трите гола ги постигна најдобриот светски играч Лео Меси.
Холандија и Франција, како гости победија во контролните средби, против Англија односно Германија. Гостинска победа забележа и Аргентина, 1:3 против Швајцарија, а трите гола ги постигна најдобриот светски играч Лео Меси. Холандија на „Вембли“, предводена од Аријан Робен, во исклучително квалитетен меч, ја победи Англија со 2:3. Крилниот напаѓач на Баерн постигна два гола, а еднаш стрелец за „лалињата“ беше Хунтелар. Дефанзивецот Гери Кејхил и напаѓачот Ешли Јанг беа стрелци за „гордиот албион“. Раритет на овој пријателски натпревар е што четворица фудбалери поради повреди пред време го завршија мечот: Џерард, Смолинг и Стариџ кај Англија, односно Хунтелар кај Холандија. Франција со головите на Жиру и Малуда, во Бремен ја победи Германија со 1:2. Германците на овој меч настапија без повредените Швајнштајгер и Лам, додека кај Франција недостигаше Бензема. Во дуел на селекциите кои ќе играат на Еуро 2012, Данска загуби од Русија со 0:2, Широков и Аршавин погодија за „зборнаја“. Шпанија ја декласира Венецуела со 5:0, три гола на овој натпревар постигна напаѓачот на Валенсија Роберто Солдадо. Полска, кодомаќинот на Европското првенство, на отворањето на новиот стадион во Варшава, одигра без голови со Португалија. Изненадувачки пораз на домашен терен забележа Италија, која минимално загуби од САД. Резултати:Грузија-Албанија 2:1Летонија-Казахстан 0:0Молдавија-Белорусија 0:0Ерменија-Канада 3:1Унгарија-Бугарија 1:1Израел-Украина 2:3Црна Гора-Исланд 2:1Малта-Лихтенштајн 2:1Романија-Уругвај 1:1Турција-Словачка 1:2Данска-Русија 0:2Австрија-Финска 3:1 Швајцарија-Аргентина 1:3Германија-Франција 1:2Италија-САД 0:1Северна Ирска-Норвешка 0:3Полска-Португалија 0:0Република Ирска-Чешка 1:1Англија-Холандија 2:3Шпанија-Венецуела 5:0. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Интер оствари рекорден приход

Италијанскиот фудбалски гигант Интер оствари рекордни 567 милиони евра приходи во изминатата финансиска година, беше објавено на веб-страницата на клубот.
Финансиските извештаи за сезоната 2024/25 покажуваат приходи од 567 милиони евра, што е зголемување од 94 милиони евра во споредба со претходната сезона. Ова е рекорд, не само за Интер, туку и за италијанскиот фудбал како целина. Претходниот рекорд го држеше Јувентус кога имаше приходи од 464 милиони во првата сезона на Роналдо.
Рекордните приходи на Интер се резултат на зголемените приходи од домашните и европските натпреварувања, како и учеството во првото издание на проширеното Светско клупско првенство. Во исто време, имаше зголемување на комерцијалните приходи од спонзорства и натпревари.
Интер ја затвори финансиската година со нето добивка од 35,4 милиони евра, во споредба со загуба од 35,7 милиони евра во претходната финансиска година. Интер ја заврши рекордната финансиска година без трофеј.
Во финалето на Лигата на шампионите загуби од ПСЖ, во Серија А беше втор од Наполи, во Купот на Италија испадна во полуфиналето против градскиот ривал Милан, „росонерите“ беа подобри и во финалето на Суперкупот на Италија, додека на клупскиот Мундијал клубот загуби од Флуминензе.
Спорт
Детали го делат Бенитез од клупата на Панатинаикос

Трофејниот шпански стручњак Рафаел Бенитез (65) треба да го преземе грчкиот тим Панатинаикос во наредните денови, откако че бидат дефинирани деталите за идната соработка.
Великанот од Атина е во потрага по тренер по заминувањето на Португалецот Руи Виторија, кој беше отпуштен на 15 септември, еден ден откако „зелените“ загубија од Кифисија со 3:2.
Во меѓувреме, Панатинаикос значително ја подобри играта и резултатите под водство на привремениот тренер Христос Контис и забележа голема победа во Лигата на Европа против Јанг Бојс (4:1), но во клубот, и покрај очигледниот напредок, бараат ново, по можност звучно име за клупата.
Според грчките медиуми, изборот паднал на тренерот кој ја освои Лигата на шампионите со Ливерпул во 2005 година, две титули во Ла Лига и Купот на УЕФА со Валенсија и Лигата на Европа со Челзи.
Истите извори наведуваат дека Бенитез пристигнал во Атина со приватен авион во четврток наутро за финални преговори со челниците на клубот и најверојатно за потпишување на договорот.
Наводно, Панатинаикос му нуди дури пет милиони евра само за едногодишна соработка.
Спорт
Џексон Хејс ќе добие пасош на Словенија

Центарот на Лос Анџелес Лејкерс, Џексон Хејс (25), откри дека е во процедура за добивање словенечки пасош за во иднина да може да игра со Дончиќ и во репрезентацијата.
Хејс е член на Лејкерс од 2023 година, претходно играше за Њу Орлеанс.
Наскоро би можел да биде опција за селекторот на Словенија, Александар Секулиќ, кој бара играч на позицијата „пет“ по повлекувањето на Џош Нибо за последниот Евробаскет.
Нибо, да потсетиме, поради повреда, не доби дозвола од својот клуб Милано да игра за Словенија, што ги принуди челниците на КС Словенија да најдат посигурно решение за наредните години.
Изборот падна на Хејс, со кого неговиот соиграч Лука Дончиќ ги водеше преговорите.
„Лука е мој човек. Работиме заедно за да добиеме словенечки пасош и да можеме да играме за Словенија следното лето“, ги изненади Хејс новинарите по натпреварот со Далас.
Хејс со тоа би бил четвртиот странец во последните неколку години во дресот на Словенија, по Ентони Рандолф, Мајк Тоби и Џош Нибо.
Словенија беше европски шампион во 2017 година со Рандолф.