Спорт
Фојц е новиот лидер во Светскиот куп

Швајцарецот Беат Фојц, со победа во супервелеслалом, го отвори тридневното натпреварување во Светскиот куп во норвешкиот Квитфјел.
Швајцарецот Беат Фојц, со победа во супервелеслалом, го отвори тридневното натпреварување во Светскиот куп во норвешкиот Квитфјел. Фојц, кој со оваа победа го презеде лидерското место во вкупниот поредок, на супервелеслаломската трка го подели првото место со Австриецот Клаус Крол. Двајцата скијачи имаа идентично време, 1:32.35 минути. Третото место го освои домашниот натпреварувач Кетил Јансурд кој задоцни само три стотинки зад победниците. Швајцарецот со освоените 100 бода се искачи на третото место во поредокот во оваа дисциплина, тој има 25 бодови помалку од лидерот Аксел Лунд Свиндал, втор е Дидие Куш со 331 бод. Фојц е лидер во вкупниот поредок, тој има 1.140 бодови, пет повеќе од Марсел Хиршнер, додека трет е Ивица Костелиќ кој паузира поради повреда. Викендов во Норвешка ќе се возат уште две трки, во супревелесалом и спуст. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Цунода не е загрижен за својата иднина во Ред Бул

Јапонецот Јуки Цунода, се огласи по повод шпекулациите дека Ред Бул би можел да го замени со Исак Хаџар наредната сезона.
Јапонскиот возач беше прашан да ги коментира овие шпекулации пред Големата награда на Азербејџан.
„Не знам на какви озборувања мислите“, им рече Цунода на новинарите.
Кога му објаснија, тој одговори дека „тоа не се факти“ и дека се занимава само со сопствените перформанси.
„Јас само се фокусирам на она што можам да го направам“, додаде Цунода.
„Дури и минатата година, кога имаше слична ситуација, ги кажав истите работи“.
Шампионатот во Формула 1 продолжува со трката за Големата награда на Азербејџан во Баку. Викендот во главниот град на Азербејџан започнува денес, главната трка ќе се вози в недела.
Фото/ Принтскрин
Спорт
Ерлинг Халанд експресно до 50 голови во ЛШ

Норвежанецот Ерлинг Халанд постави уште еден рекорд, кој тешко дека некој ќе го достигне во блиска иднина.
Водечкиот гол за Сити против Наполи го постигна Ерлинг Халанд во 56-та минута. Тој ја искористи асистенцијата на Фил Фоден и го спречи дотогаш извонредниот голман на Наполи Вања Милинковиќ Савиќ.
Тоа беше јубилеен 50-ти гол на Норвежанецот во Лигата на шампионите, со што постави нов рекорд. Дојде до 50 голови во елитното натпреварување најбрзо во историјата на натпреварувањето, му беа потребни само 49 натпревари.
Халанд се изедначи со легендарниот Французин Тиери Анри на листата на најдобри стрелци во Лигата на шампионите на сите времиња. Тие го делат деветтото и десеттото место со по 50 гола.
Норвежанецот е сè уште далеку од најдобрите стрелци во ова натпреварување, но има само 25 години и времето работи за него…
Foto/ EPA
Спорт
„Црвениот картон го уништи натпреварот, жал ми е што го заменив Де Брујне“

Тренерот на Наполи, Антонио Конте, не го криеше своето разочарување по поразот на неговиот тим (0:2) од Манчестер сити на „Етихад“ во првото коло од Лигата на шампионите.
Италијанскиот шампион со големи амбиции пристигна на натпреварот со „Граѓаните“, откако претходно ги забележа сите победи во Серија А, но раниот црвен картон на Џовани Ди Лоренцо ги чинеше подобар резултат во Англија.
Капитенот на Наполи доби директен црвен картон во 21-та минута, што имаше доста влијание врз текот на играта. Сити победи со головите на Ерлинг Халанд и Џереми Доку во второто полувреме.
„Чувствувам горчлив вкус во устата. Имам впечаток дека и играчите се чувствуваат така, бидејќи сите сме разочарани. Се подготвувавме за натпреварот како што сакавме да играме во првите 20 минути, а црвениот картон го уништи натпреварот. Дали беше оправдан црвен или не, не знам… Но, секако беше тешко да се игра со Манчестер и со еднаков број на играчи на теренот. По црвениот картон, беше невозможно. Да останевме со 11 играчи на теренот, немаше да им биде лесно“, рече Конте.
Очигледно, пресвртницата во натпреварот беше црвениот картон на Ди Лоренцо, кој го остави Наполи со играч помалку поголемиот дел од натпреварот. Таквиот развој на ситуацијата го принуди Конте да го замени Кевин Де Брујне од теренот за да создаде рамнотежа во тимот.
„Понекогаш ѓаволот се меша, има суров пресврт на судбината. Минатата година имавме само еден црвен картон. Денес играме во Лигата на шампионите, а по дваесет минути сме со играч помалку. Ми беше жал што го заменив Кевин немаше задоволство да игра на својот стар стадион против својот поранешен клуб.“
Foto/ EPA