Рафаел Варан се подготвува да го напушти Реал Мадрид. Преговорите околу новиот договор завршиле неуспешно. Реал ќе мора да го продаде бидејќи договорот на Варан истекува наредното лето.

Варан, кој се наоѓа со Франција на ЕП, пред новинарите одговарал на прашањата поврзани со неговата иднина.

„Мислам дека сега не е вистински момент да зборувам на таа тема. Фокусиран сум на ЕУРО. Луѓе сме, можеме да разговараме на таа таме, но ако ме прашувате, тоа не е тема за која секојдневно разговарам во соблекувалната. Доколку треба со некого да разговарам, тоа се луѓето кои се задолжени за тоа“, рекол Варан.

Според медиумите, Челси биле подготвни да платата 60 милиони евра за услугите на Варан.

Рафаел Варан последните десет години е играч на Реал, за „кралскиот клуб“ одиграл 360 натпревари, постигнал 17 голови.

Фудбалската репрезентација на Италија, со убедлива победа над Турција (3:0), го отвори Европското првенство. Азурите ја продолжија својата серија, немаат пораз на последните 28 натпревари, под водство на селекторот Роберто Манчини.

Манчини со Италија е на добра пат да израмни рекорд старт 83 години.

Во далечната 1938 година, Италија под водство на Виторио Поцо немала пораз на 30 натпревари.

За да го израмни рекордот на таа легендарна генерација, Италија треба да остен непоразена во преостанатите два натпревари во А-групата, против Швајцарија и велс.

Последниот пораз Италија го доживеала од Португалија, во Лигата на нации (0:1), во 2018 година.

По овој пораз Италија има скор од 23 победи и пет нерешени резултати.

Три натпревари ќе се одиграа денес на Европското првенство во фудбал.

Првиот натпревар, во 15 часот, ќе го одиграат Велс и Швајцарија. Ова ќе биде осмиот меѓусебен дуел на овие репрезентации, Швајцарија има пет победи, Велс само една.

Швајцарија, од ноември минатата година, имаат серија од шест победи, Велс на последните пет натпревари забележале два порази.

Според прогнозите овие две репрезентации, заедно со Турција, ќе се борат за второто место во групата.

Од 18 и 21 часот на програмата се мечевите во Б-групата.

Данска ќе ја пречека Финска. Во дуелот на скандинавските репрезентации, Данска е апсолутен фаворит против дебитанто Финска.

Данска нема пораз на последните пет натпревари, во последниот контролен меч пред ЕП, одиграа 1:1 со Германија. Финците, немаат победа на последните шест натпревари, три пати играле нерешени, три пати загубиле.

Русија, на домашен терен во Санкт Петербург, ќе ја пречека Белгија, репрезентација која се наоѓа во најтесниот круг на фаворити за висок пласман.

Белгија, против Русија ќе игра без двете најголеми ѕвезди, Кевин Де Брујне и Еден Азар. Без овие двајца Белгијците забележале победи на 10 од последните 11 натпревари.

Русите ќе се бидат да дојдат до позитивен резултат со цврста игра во одбраната и Артјом Дзјуба во нападот.