Спорт
Рутен си замина од ПСВ

По серијата лоши резултати, во домашното првенство и поразот во Лига Европа од Валенсија 2:4, раководството на ПСВ Ајндховен, тренерот Фред Рутен поднесе оставка на функцијата. Капката која ја прели чашата е последниот првенствен пораз од Бреда.
По серијата лоши резултати, во домашното првенство и поразот во Лига Европа од Валенсија 2:4, раководството на ПСВ Ајндховен, тренерот Фред Рутен поднесе оставка на функцијата. Капката која ја прели чашата е последниот првенствен пораз од Бреда. Раководството на клубот, соопшти дека екипата до крајот на првенството ќе ја водат Ернест Фабер и Филип Коку. Двајцата се поранешни фудбалери на ПСВ, но без некои позначајно тренерско искуство. Фабер е асистент на холандскиот селектор Берт ван Марвијк, додека коку му беше помошник на Рутен. Фабер и Коку на клупата на ПСВ ќе дебитираат во четврток, во реванш осминафиналниот натпревар во Лига Европа против Валенсија. ПСВ во холандското првенство се наоѓа на делба на третата позиција заедно со Твенте и Херенвен, трите тима имаат по 48 бодови. Лидер во Холандија е АЗ Алкмар со 52 бода, Ајакс е втор со три бода помалку. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Македонија загуби во Копер, Словенија обезбеди пласман на ЕП

Фото/ facebook.com/rfmofficial
Ракометната репрезентација на Македонија доживеа уште еден тежок пораз од Словенија во квалифкациите за пласман на Европското првенство. Вечерва во Копер Словенија славеша со 38:27 (20:12).
Натпреварот се одигра на денот кога Македонија ја потресе големата трагедија што се случи во дискотеката „Пулс“ во Кочани. Во пожар загинаа 59 лица, а 155 се повредени. Европската ракометна федерација не го прифати барањето на Ракометната федерација на Македонија, натпреварот да се одложи.
Во првиот дел, Македонија одигра лоша одбрана, им дозволи на Словенците да постигнат 20 голови. Словенците постепено ја градеа разликата. Во средишницата од првиот дел имаа серија од 3:0, а полувремето го финишираа со серија 5:1.
Со оглед на големата предност, Словенците рутински го одработеа второто полувреме. Со овој триумф Словенија обезбеди пласман на ЕП. Со четири победи во исто толку натпревари Словенците ќе бидат први во групата, во која Литванија со шест е втора, Македонија има само два бода, Естонија е без освоен бод.
Македонија ќе има можност во мај да обезбеди место на ЕП, кога ќе игра против Литванија и Естонија.
Кузмановски ја предводеше Македонија со шест гола, по три постигнаа Пешевски, Лазаревски, Атанасијевиќ и Костески. Најефикасни играчи кај Словенија беа Влах со девет и Милиќ со седум гола.
Спорт
(Видео) Јувентус декласиран и од Фиорентина

Јувентус доживеа уште еден тежок пораз во Серија А. На „Артемио Франки“ во Фиренца, во 29.коло, Фиорентина го победи Јувентус со 3:0.
Ова е втор последователен пораз за „Старата дама“, по оној во Торино минатиот викенд од Аталанта (4:0).
„Виола“, со блиц-криг во само три минути ги реши дилемите околу победникот. Робин Госенс во 15. минута го постигна првиот гол, а капитенот Роландо Мандрагора го зголеми водството во 18. минута по асистенција на Никола Фаџоли.
Јуве не успеа да се опорави од тоа, а точка на натпреварот стави Алберт Гудмундсон во 53. минута со прецизен удар од далечина.
Фиорентина е осма на табелата со 48 бодови, додека Јувентус е петти со 52 бода.
Спорт
(Видео) Њукасл го освои Лига купот, во финалето го победи Ливерпул

Њукасл јунајтед по седум децении освои трофеј во англискиот фудбал. Попладнево на „Вембли“, фудбалерите на Њукасл, во гиналето на Лига купот, го победија Ливерпул со 2.1.
Њукасл поведе во големото финале во 45. минута. Ден Бурн скокна високо по корнерот што го изведе Трипие и го погоди подалечниот агол.
Мрежата на Ливерпул се затресе во 51. минута по одличниот удар на Александар Исак, а славјето на фудбалерите на Њукасл беше прекинато поради проверка на ВАР. Џон Брукс само ја потврди својата одлука.
Сепак, минута подоцна немаше дилеми дека се беше јасно со голот на Исак за 2:0.
Ливерпул можеше брзо да се врати во игра, во 59. минута Кертис Џонс упати одличен удар, но Ник Поуп одлично одбрани.
Исак имаше шанса да погоди за 3:0 во 64. минута, но и Кевин Келер покажа дека е одличен голман. Тоа беше негова четврта одбрана на натпреварот, Ливерпул успеа да ја погоди мрежата во судиското надополнување, проверката на ВАР траеше неколку минути бидејќи судијата на почетокот покажа дека е офсајд, но се покажа дека голот на Федерико Киеза е регуларен.
Њукасл, му ја препушти инцијативата на Ливерпул, но создаде серија на шанси. Избраниците на Еди Хау упатија 17 удари кон голот, од кои шест во противничкиот гол. За тоа време, „црвените“ упатија само осум шута и само три од нив одеа во рамките на голот.