Спорт
Доктор од трибините го спасил Муамба

Лекарот Ендрју Динер, веднаш откако Патрис Муамба се струполил на тревникот на „Вајт Харт Лејн“, станала од своето место на источната трибина за да му помогне на фудбалерот.
Лекарот Ендрју Динер, веднаш откако Патрис Муамба се струполил на тревникот на „Вајт Харт Лејн“, станал од своето место на источната трибина за да му помогне на фудбалерот.
Динер на стјуардите им објаснил дека е доктор кардиолог, па заедно со лекарските екипи на двата тима, како и со екипата на Итната помош, се погрижил Муамба да има вистинска нега.
Токму др. Динер советувал играчот на Болтон да биде пренесен во специјализираната кардиолошка установа „London Chest Hospital“, а не во некоја од другите две болници кои се наоѓаат во близина на стадионот. Докторот знаел дека во таа установа Муамба, во тие критични моменти, ќе добие најдобра лекарска помош.
„Бев преплашен како и сите други. Се работи за млад човек, кој минута пред тоа трчаше по теренот. Сепак, присуствував на магијата, кога група на луѓе, медицински професионалци, беа фокусирани на својата работа. Не сум експерт, но по она што го видов, можам да тврдам дека Муамба и натаму е со нас благодарение на тие луѓе“, рече играчот на Тотенхем, Асу-Екото.
Лекарските екипи на англиските стадиони не беа присутни до 2006 година и тешката повреда на голманот на Челзи, Петр Чех.
По тој настан е констатирано дека екипата на Итната помош не можела навремено да дојде до него, по што е донесена одлука, нивни екипи да бидат присутни до самиот терен, но и на сите возила на Итната помош да им се овозможи лесен пристап до стадионите.
По целиот настан пофалби доби и судијата Хауард Веб, кој со помош на четвртиот судија, веднаш реагираше, повика помош, а потоа без размислување го прекина натпреварот. Пишани правила за вакви ситуации нема, но Веб имаше максимална контрола во целиот хаос. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер маршира кон титулата, ја победи Аталанта во Бергамо

Интер ја совлада Аталанта во Бергамо со 2:0 во 29. коло од Серија А и ја презеде лената позиција на табелата во Серија А.
Ова беше еден од најважните натпревари за двата тима во трката за титулата, вториот против третиот на табелата и уште една во низата победи на Интер против Ла Деа“.
Стрелци за гостите беа Карлос Аугусто во 54. минута и Лаутаро Мартинез во 87.
Ова беше осма последователна победа на Интер против Аталанта во сите натпреварувања.
Екипата на Џан Пјеро Гасперини очигледно не знае да игра против „неро-азурите“, а тоа беше случај и вечерва, а немоќта на домашните беше видлива по нервозните реакции кои доведоа до жестоки расправии и на крајот и до црвени картони.
Еден доби Џанпјеро Гаспреини поради бурни протести, а во 81. минута и Едерсон, кој поради протест доби жолт, по што следеше ироничен аплауз во лицето на судијата, поради што мораше да замине во соблекувалната.
Интер на врвот има 64 бодови, три повеќе од Наполи и шест од Аталанта.
Спорт
(Видео) Барселона со спектакуларен пресврт на „Метрополитано“, од 2:0 до 2:4 против Атлетико

Атлетико и Барселона одиграа уште еден спектакуларен натпревар, овојпат на „Метрополитано“ во Мадрид. Во 28.коло, Барселона победи со 4:2 иако до 72.минута имаше негатива од два гола.
Атлетико поведе со голот на Хулијан Алварез во 45.минута. Аргентинецот ја реализраше акцијата која ја започна Гризман, а Симеоне му асистираше на сонародникот.
„Јорганџиите“ предноста ја зголемија во 70.минута преку Серлот. Ова е шести натпревар по ред на кој Норвежанецот постигнува гол против Барселона.
Тука, Атлетико застана, дали остнаа играчите на Чоло Симеоне без енергија, по исцрпувачкиот меч против Реал во средата, најдобро може да одговори тој самиот.
Левановдки намали на 2:1 во 72.минута, а шест минути подцна Феран Торес го изедначи резултатот.
Во судиското надополнување целосен шок за „јорганџиите“. Ударот на Јамал од 20 метри во 92.минута удри во Реинилдо, топката целосно го смени правецот го измами Облак и заврши зад неговиот грб.
Точка на мечот ставо Феран Торес во 97.минута.
Барселона, со натпревар помалку, се изедначи со Реал на првото место. Двата тима имаат по 60 бодови, четири повеќе од Атлетико.
Спорт
(Видео) Гол и две асистенции за Фернадеш, Јунајтед победи во Лестер

Манчестер јунајтед забележа победа од 3:0 на стадионот „Кинг Пауер“ против Лестер. Повторно, капитенот Бруно Фернандеш имаше клучна улога во победата на „црвените ѓаволи“.
Португалскиот играч за врска повторно беше движечка сила, дури и кога енергијата на теренот опаѓаше. Фернандеш му асистираше на Хојлунд во 28. минута за првиот гол на гостите.
До тој момент, Лестер воопшто не остави лош впечаток. „Лисиците“ имаа добри шанси но беа лоши во реализацијата.
Во вториот дел избраниците на Рубен Аморим сакаа што поскоро да ја обезбедат победата, а Гарначо во 57. минута постигна гол, кој беше поништен поради офсајд.
Десет минути подцна повторно Фернандеш одигра важна улога и му асистираше на Аргентинецот кој овојпат можеше да го прослави голот.
Лестер можеше да се врати во 74. минута. Варди ја украде топката, го пронајде Буонаноте, но Де Лигт во последен момент со лизгачки старт спречи гол.
Бруно ја круниса играта со феноменален гол во 90. минута од 18 метри за конечени 0:3.
Со оваа победа Јунајтед ги прескокна Тотенхем и Евертон во поредокот, сега на 13. место со 37 бодови, додека Лестер е 19. со 17 бодови.