Спорт
Доделени наградите 13 ноември за најуспешни спортисти

Сојузот на спортови на град Скопје во четврток во Скопје ги додели наградите 13 ноември за 2009 година на најуспешни спортисти и спортски работници во поединечни категории.Наградата 13 ноември за најдобар спортист ја освои боксерот Примислав Димовски за освоеното петто
Сојузот на спортови на град Скопје во четврток во Скопје ги додели наградите 13 ноември за 2009 година на најуспешни спортисти и спортски работници во поединечни категории.
Наградата 13 ноември за најдобар спортист ја освои боксерот Примислав Димовски за освоеното петто место на Светското првенство во бокс кое се одржа во Милано.
Наградата Спортист со посебни достигнувања ја добија Сашко Кедев, за подвигот искачување на Монт Еверест,а и Томи Стефановски за препливувањето на Ла Манш.
Наградата 13 ноември во категоријата тренери ја освоија Руждија Калаш од боксерскиот клуб „Скопје“, Бошко Заборски од областа на каратето.
Градоначалникот на Скопје Коце Трајановски и директорот на Агенцијата за млади и спорт Драган Ѓурчевски се наградени за особен придонес и развој на спортот.
Признанието за особен придонес во спортот го добија Владо Аницинов од асоцијацијата на лекари и победник на интернационалниот турнир на лекари-тенисери, Живко Поповски и претставниците на спелеолошкото друштво “Врело“, за успешната експедиција во 2009 година.
Наградата 13 ноември за професори по физичко воспитување ја добија: Светлана Илиевска професор во ОУ „Владо Тасевски„, Розалија Ангеловска од ОУ „Живко Трајковски“ и Љупчо Станковски професор во „Методиј Метовски- Брицо“.
Наградата 13 ноември спортски работници ја добија Петар Забарзовски, од кајакарскиот клуб „Илинден“, Стефан Поликовски соработник во областа на ватерполото./крај/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Погребан Диого Жота, соиграчите од Ливерпул дојдоа со венци во форма на дресови

Погребот на португалскиот фудбалер Диого Жота и неговиот брат Андре Силва се одржа во Гондомар.
Членови на семејството, пријатели и колеги фудбалери присуствуваа на погребната церемонија.
Претставници на Ливерпул беа, меѓу другите, Вирџил ван Дајк и Енди Робертсон.
Едниот носеше букет цвеќе во форма на дрес со број 20 (бројот на Жота), а другиот со број 30 (бројот на Андре Силва).

Тука беа и португалските репрезентативци Бруно Фернандеш, Рубен Дијас, Жоао Феликс, Бернардо Силва, Руи Патрицио, а поранешниот соиграч Жоао Мутињо положи венец во име на Вулверхемптон.

Спорт
„Во Фенербахче ми нудеа допинг“

Францускиот фудбалер Алан Сен Максиман излезе во јавноста со многу сериозни обвинувања против Фенербахче, каде што играше претходната сезона.
Тој беше позајмен од Ал Ахли во турскиот клуб. Одигра 31 натпревар, забележа четири гола и исто толку асистенции.
Сен Максиман беше гостин во подкаст со францускиот јутјубер Зак Нани и искажа зборови што ќе одекнат.
Имено, тој изјави дека му нуделе допинг во турскиот клуб, со закани дека не смее да зборува за тоа.
„Фенербахче не стана шампион и не е шампион 11 години поради работи што немаат никаква врска со фудбалот. Клубот е опколен од надворешни влијанија. Дури и се обидоа да ме натераат да земам допинг таму во еден момент. Луѓето не го знаат тоа, бидејќи не можете отворено да зборувате за тоа кога сте таму, тие ви се закануваат од сите страни. Ти велат: „Ако зборуваш, ќе ти направиме ова или она“. Во Турција бев во ситуации што ги надминуваат границите на фудбалот“, рече Максиман.
Сепак, тој зборуваше со пофалби за Жозе Мурињо, но дека атмосферата во Истанбул е многу проблематична.
Се очекува Фенербахче да даде соопштение во оваа пригода.
Foto/ EPA
Спорт
Ливерпул остатокот од договорот на Жота ќе му го исплати на неговото семејство

Ливерпул ќе ги исплати преостанатите две години од договорот на починатиот Диого Жота на неговото семејство.
Како што објави португалскиот „Рекорд“, клубот од „Енфилад“, откако ќе го повлече дресот со број 20, ќе ги измири и преостанатите две години од договорот, кои ќе му бидат исплатени на семејството на починатиот Жота.
Фудбалскиот свет беше запрепастен од информацијата дека португалскиот фудбалер загинал во сообраќајна несреќа, кога тој и неговиот брат починале во Шпанија, во близина на португалската граница во областа Замора.
Жота беше член на Ливерпул, каде што пристигна во 2020 година и оттогаш постигна 65 гола во 182 натпревари. Со Ливерпул ја освои Премиер лигата, ФА Купот и два Лига Купа.
Во текот на својата кариера играше и за Пакош Фереира, Атлетико Мадрид, Порто и Вулверхемптон.
Играше 49 пати за Португалија и постигна 14 гола, двапати освојувајќи ја Лигата на нации.
Погребот на браќата Жота ќе биде оваа сабота.
Foto/ EPA/PETER KLAUNZER