Кетрин Меаклим, Питер Маршал и Тереза Алшамар со нови светски рекорди на последниот ден од Светскиот куп во кратки базени што се одржа овој викенд во Сингапуркиот рекорд на 100 метри градно во Рим.

Кетрин Меаким од Јужна Африка го постави новиот светски рекорд на 400 метри мешано со ново време од 4.22.88 што е за три стотинки подобар резултат од тој на Миреија Белмонте Гарсија во декември 2008 година.Питер Маршал од САД е новиот рекордер на 50 метри грбно со време од 22.61, пред русинот Станислав Донетс кој исплива со време од 23.34 и Гилјерме Гуидо од Бразил 23.39.Тереза Алшамар беше најбрза на 50 метри пеперутка со нов светски рекорд 24.38. Инге Декер од Холандија освои сребро со испливани 25.09, а Мариеке Гуерер од Австралија се закити со бронзата со 25.14.Аркадиј Вјачанин од Русија се закити со злато на 200 метри грбно и за малку не го сруши рекордот од Арон Пирсол, бидејќи Русинот исплива во време од 1.46.41. Даниел Блекбороу освои сребро, а Авртон Дики бронза. На 100 метри мешано кај дамите најбрза беше Хинкелине Шрудер од Холандија со испливано време од 58.32, а сребрена беше Емили Сибом од Австралија, додека бронза освои Френ Маршал од Велика Британија.Во дисциплината 200 метри градно најбрза беше Кетрин Меаклим со 2.20.52 пред Австралијките Лејсел Џонс со 2.21.31 и Сара Катсолулис со 2.22.83.На 50 метри слободно Николас Дос Сантос од Бразил за една стотинка беше побрз од фаворитот Роланд Шојман. Бразилецот исплива со време од 20.74, а Шојман 20.75. Метју Абод од Австралија беше трет со време од 20.90.Џесика Шипер од Австралија ја оправда фаворитската улога со поставувањето на нов национален рекорд од 2.03.27 и златен медал во Сингапур, а Менди Лотс од Јужна Африка го освои среброто со време од 2.04.24. Фелисити Галвез од Австралија исплива во време од 2.04.30 доволно за бронзата. Мајкл Патерсон од Јужна Африка беше најбрз на 100 метри пеперутка со време од 49.51 пред Гарт Тјун со 50.36 и Геоф Хуегил со 50.47.Во Лос Анџелес, пак, беа доделени златните Гугл награди за најдобри американски пливачи каде доминираа Рајан Лохти и Ребека Сони.Рајан Лохти ја освои наградата за најдобар пливач и ја прекина двегодишната доминација на Мајкл Фелпс. Наградите дојдоа благодарение на одличните резултати на 200 метри мешано и во штафетата 4 пати по 200 метри слободно на светскиот шампионат во Рим оваа година.„Арон и Мајкл! Момчиња вие ме притиснавте до границата и не знам каде би бил сега без вас“, изјави Лохти. Ребека Сони пак, ја освои наградата на најдобра пливачка, бидејќи го подобри светскиот рекорд на 100 метри градно во Рим./крај/всм/сл