Спорт
Најдоброто и најлошото од спортот во Македонија за 2009
Македонскиот спорт во 2009 година го одбележаа неколку светли моменти кои покажаа дека и покрај местењето на натпревари, скандали и беспарицата, со многу труд, упорност и желба можат да се постигнат одлични резултати.
Македонскиот спорт во 2009 година го одбележаа неколку светли моменти кои покажаа дека и покрај местењето на натпревари, скандали и беспарицата, со многу труд, упорност и желба можат да се постигнат одлични резултати.
Од позитивните достигнувања на македонскиот спорт за годината која изминува ги издвојуваме, подвизите на Сашко Кедев кој стана третиот Македонец кој успеал да се искачи на највисокиот врв на светот, Монт Eверест, и на Томи Стефановски кој стана третиот Македонец што го препливал каналот Ламанш.
Се разбира не може да се занемари одличното освоено 11-то место на Светското првенство во ракомет, од македонската репрезентација и рекордните 92 гола постигнати од страна на нашиот најдобар ракометар Кире Лазаров..
Позитивните моменти во спортот како да беа ставени во сенка на скандалите со необележаните влезници за пријателскиот натпревар со Европскиот шампион Шпанија, заминувањето на Слога Југо Mагнат, и Македонија Ѓорче Петров од првата лига, штрајкот на фудбалерите на Вардар, и обвинувањата за судијата Антон Генов од страна на УЕФА за местење на пријателскиот натпревар на Македонија против Канада.
Се надеваме дека 2010 ќе биде уште поплодна за македонските спортисти, и дека македонскиот спорт го чекаат уште светли моменти.Јануари 2009 година:
Трифун Костовски си поднесе оставка од функцијата претседател на ФК Вардар.
Со победата над Ј. Кореја Македонија од 32:31 на С.П. во Хрватска се пласира на 11-то место во светот, а капитенот Кире Лазаров е најдобриот стрелец на светот со постигнати 92 гола.
Февруари 2009
Македонската фудбалска репрезентација одигра нерешено 1:1 против репрезентацијата на Молдавија во пријателски натпревар. Горан Пандев го постигна својот 15-ти гол за репрезентацијата но Андроник израмни за Молдавија.
Март 2009 година:
Претседателот на ФИФА, Мишел Платини во посета на Македонија. Платини го посети споменикот на фудбалот во Скопје и изврши проверка на Арената Филип Втори чија северна трибина беше во фаза на финализирање.Ивана Рожман го освои последното 31 место на трката од 60 метри на Е.П. во атлетика во сала кое се одржа во Торино.Април 2009 година:
Каратистот Иво Цветковски освои злато во сениорска категорија до 67 килограми во Европската златна лига, турнирот кој се одржа ви Милано, а Симона Заборска освои бронза во категорија до 47 килограми.Мишел Платини ја поддржа осумгодишната суспензија за ФК Победа поради местење на резултати со дво мечот со Пјутник во квалификациите за ЛШ во 2004 година.
Мај 2009:
Македонскиот кардиолог Сашко Кедев стана третиот Македонец по Димитар Илиевски- Мурато и Глигор Делев кој го освоил највисокиот врв на светот Монт Еверест.
Мирасад Јонуз е именуван за нов селектор на Македонската фудбалска репрезентација по заминувањето на Сречко Катанец.
Јуни 2009 година:
Јошко Петровиќ е избран за селектор на женската ракометна репрезентација по оставката на Владимир Глигоров.Македонската фудбалска репрезентација во Скопје ја совлада репрезентацијата на Исланд со резултат 2:0. Стојков и Ивановски ги постигнаа головите за Македонија.
Јули 2009:
Македонската ватерполо репрезентација со три пораза и една победа се пласира на 13-то место на С.П. во водени спортови кое се одржа во Рим.
Поранешниот тренер на хрватската ракометна репрезентација, Лино Червар е именуван за нов тренер на скопски Металург.
Август 2009:
Шпанската фудбалска репрезентација со пресврт во второто полувреме ја победи Македонија на Арената Филип Втори со резултат 3:2. Македонија водеше во првото полувреме со двата гола на Горан Пандев, но Фернандо Торез, Џерад Пике и Алберт Риера и ја донесоа победата на Шпанија. Натпреварот против Шпанија беше ревијален натпревар по повод јубилејот 100 години постоење на фудбал во Македонија
Македонскиот пливач Томи Стефановски го преплива каналот Ла Манш за 7 часа, 42 минути и 32 секунди. Стефановски е третиот Македонец кој го препливал Ла Манш по Атина Бојаџи и Нико Нестор.
Септември 2009:
Македонскиот боксер Примислав Димовски го освои петтото место на С.П. во бокс кое се одржа во Милано.Македонската кошаркарска репрезентација го освои 9-то место на Е.П. во Полска. Македонија по пауза од 10 години повторно се натпреваруваше на едно Е.П. во кошарка.
Октомври 2009 :
Македонската фудбалска репрезентација ја порази репрезентацијата на Катар со 2:1 во пријателскиот натпревар кој се одржа во Скопје. Головите ги постигнаа Пандев и Христов по првичното водство на Катар. Горан Пандев со својот 18 гол стана прв стрелец во историјата на македонската репрезентација.
Фудбалерите на Вардар стапија во штрајк по незадоволството од финансиската состојба во која се наоѓа најтрофејниот македонски клуб.
Ноември 2009:
Македонската фудбалска репрезентација во пријателски натпревар одигран во Струмица ја совлада репрезентацијата на канада со резултат 3:0. Седловски го постигна првиот гол на натпреварот а Горан Пандев ги постигна останатите два, од кои еден од пенал.
Македонската ватерполо репрезентација во скопскиот базен Младост беше поразена од репрезентацијата на Хрватска со конечен резултат 9:7 од деби натпреварот од Светската лига во ватерполо.
Декември 2009:
Со две екипи помалку, без Слога Југо Магнат и Македонија Ѓорче Петров продолжи фудбалското првенство на Македонија.ФК Вардар најави повлекување од Првата македонска лига, а причина за тоа е раскинот на договорот со 17 годишниот Стефан Ристевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барселона ја потопи „жолтата подморница“
Фудбалерите на Барселона лесно го победија Виљареал во 17-то коло од Примера (2:0), со што ја забележаа својата осма последователна победа во шпанската елита.
Избраниците на Ханси Флик, во Виљареал, го отворија резултаот во 12-та минута, кога Рафиња погоди од пенал.
Потоа следуваше шоуто на Ламин Јамал. Прво, Ренато Веига доби директен црвен картон во 39-та минута за наивен старт врз суперталентираниот 18-годишник, а пота Јамал во 63-та минута го постави конечниот резултат.
Јамал го постигна својот седми гол во 14-от лигашки натпревар, има и седум асистенции.
Од неуспехот во Ел Класико, Каталонците имаат само победи, со импресивна гол-разлика од 26:8. Во следниот натпревар, тие ќе гостуваат кај нивниот голем ривал Еспањол.
Барселона е на чело на табелата со 46 бода, четири повеќе од Реал Мадрид, Венаш зад водечката двојка е Атлетико, додека „жолтата подморница“ го зазема четвртото место.
Foto/ depositphotos
Спорт
(Видео) Астон Вила не запира, Роџерс му пресуди на Манчестер Јунајтед
Фудбалерите на Астон Вила го победија Манчестер Јунајтед (2:1) на свој терен во дербито на 17-то коло од Премиер лигата. Астон Вила ја забележа скромната шеста победа во 61-от меѓусебен дуел со Јунајтед во Премиер лигата.
Головите, со кои Вила ја продолжи победничката серија ги постигна Морган Роџерс во 45-тата и 58-та минута. На другата страна, Матеус Куња погоди во третата минута од судиското продолжение во првото полувреме.
За да биде уште полошо за „црвените ѓаволи“, капитенот и најдобар играч Бруно Фернандес се повреди и ја напушти играта на полувремето.
Единствениот позитивен факт е дебито на Џек Флечер (18), син на познатиот Дарен, играч на првиот тим на Јунајтед од времето кога клубот предовен од сер Алекс Фергусон владееше во Премиер лигата.
Роџерс речиси постигна два идентични гола на овој натпревар, со прецизен удар во спротицниот агол, при што првиот беше особено импресивен.
Куња постигна гол по големата грешка на Мети Кеш и добрата реакција на Патрик Доргу.
Куња беше тој што ја имаше најдобрата шанса во 68-та минута за израмнување, но неговиот удар со глава заврши покрај стативата.
Вила ја забележа својата 10-та победа по ред во сите натпреварувања и моментално е трета во Премиер лигата со 36 бода, три помалку од лидерот Арсенал. Следен противник за тимот на Унаи Емери е Челзи.
Јунајтед е седми со 26 бода, а негов следен ривал е Њукасл.
Фото/ Depositphotos
Спорт
Тренерот на Милан се соочува со жестока казна
Тренерот на Милан, Масимилијано Алегри, е соочен со долга суспензија поради навреда на спортскиот координатор на Наполи, Габриел Оријали, за време на полуфиналето на италијанскиот Суперкуп помеѓу двата клуба во четврток вечерта.
Како што објавува „Газета Спорт“, тренерот на второпласираниот тим од Серија А би можел да добие казна од неколку натпревари во домашното првенство поради несоодветните зборови што му ги упатил на поранешниот италијански фудбалер.
Во случај да не добие суспензија, трофејниот италијански стручњак веројатно ќе биде „удрен во џебот“, а Дисциплинската комисија е таа што треба да одлучи каква казна ќе му одреди на Алегри.
Од Наполи веќе изјавија дека се надеваат, дека Алегри ќе добие соодветна казна за своето простачко однесување.
„Се надеваме дека овој целосно неконтролиран напад нема да помине незабележано, особено затоа што, со 33 камери вклучени во продукцијата на настанот, беше невозможно да не се види што се случи“, се вели во соопштението на клубот кој ќе се бори против Болоња за титулата победник на италијанскиот Суперкуп.
За потсетување, Милан ќе го игра својот следен натпревар во Серија А само во недела, 28 декември во Верона.
Foto/ freerangestock

