Поранешниот фудбалер од средниот ред на Милан, Антонио Ночерино вели дека „голот дух“ кој не беше признаен против Јувентус во 2012 целосно ја сменил историјата на „росонерите“.

Ночерино смета дека Милан ќе чека повеќе од 10-те години кои ги чекаше Интер за титулата токму поради поништениот гол пред девет години. Во 2011/12 Милан беа вклучени во битка за титулата со Јувентус, кога се сретнаа во Милано во февруари.

Ночерино го постигна првиот гол за водство на тимот на Масимилијано Алегри, а Сали Мунтари даде гол во второто полувреме, гол кој беше поништен, иако очигледно ја помина линијата зад Џиџи Буфон. Наместо водство од 2:0, Милан примија гол во финишот на мечот и на крајот ја загубија титулата со 4 поени заостанување зад Јувентус на Конте, кој тогаш почна низа од девет титули.

„Не полудевме по натпреварот, туку веднаш по голот. Беше неверојатно што не го признаа тој гол, иако беше очигледен. Тој момент ја смени историјата на Милан. Со голот ќе го освоевме скудетото, а големите играчи, Златан Ибрахимовиќ и Тијаго Силва немаше да заминат тоа лето. Клубот ќе инвестираше повеќе пари и ќе останевме конкурентни. Затоа тој ‘гол дух’ ја смени историјата на Милан“, вели Ночерино.

Од тој момент, Милан има само еден пласман во топ 4, завршувајќи на третото место следната сезона.

Боксерската легенда Флојд Мејведер Јуниор покажа поинаква страна од неговиот карактер веднаш по контроверзната и луда пресметка со Јутјуберот Џејк Пол во четвртокот.

Тепачката која се случи на настанот за промоција на мечот на Мејведер против братот на Пол, Логан Пол во јуни, го остави Џејк Пол со модро око и повреда на устата, а самиот Мејведер како луд човек одеше по ходниците пцуејќи и ветувајќи дека ќе го убие најмладиот брат Пол.

Меѓутоа, на промотивната фотосесија, 43-годишниот Мејведер, кој инаку изгледа во одлична физичка подготовка, беше професионален.

„Морам да бидам во контрола на работите. Види, јас знам што се продава. Видовте што се случи денеска? Тоа се продава“, изјави Мејведер.

Секако, оваа изјава фрла сомнеж на целиот инцидент – дали тој успеа толку бргу да се смири, или целата ситуација беше креирана само за публиката.

Mayhem in Miami 🤯🤯#MayweatherPaul pic.twitter.com/RwXosjT7OU

— SHOWTIME Boxing (@ShowtimeBoxing) May 6, 2021

Хаос во Мајами – Мејведер со тупаници го удираше Ју-тјуберот Џејк Пол

Британската влада ја постави Турција на црвената листа за патувања, што значи дека навивачите на Челси и Манчестер сити, кои ќе патуваат на финалето на Лигата на шампионите во Истанбул, ќе мора да поминат во карантин при враќањето дома.

Двата премиерлигашки клуба ќе добијат по 4.000 билети за финалето на 29 мај, но поради високиот број случаи на коронавирус во Турција, британската влада се обидува да лобира кај УЕФА преместување на финалето во Англија, тврди „Дејли телеграф“.

Проблемот е што дури и фудбалерите на двата клуба ќе мора да поминат двонеделен карантин при враќањето во Англија, што ќе претставува голем проблем за играчите на англиската репрезентација, кои ги почнуваат настапите на Европското првенство само 15 дена по финалето.