Спорт
Абрамович е само петти на листата на најбогати фудбалски газди
Фудбалските фанови подолго време се восхитуваат на финансиската моќ на Роман Абрамович и неговата подготвеност да плаќа големи суми за фудбалери со кои се стигнува до големи титули, но последната листа на најбогати фудбалски газди го поставува само на петтото место.
На врвот според „Дејли стар“, без изненадувања е Шеик Мансур, газдата на Манчестер сити со богатство од фантастични 20 милијарди долари. 50-годишниот Мансур преку својата Абу Даби јунајтед групација го презеде Сити за 210 милиони фунти во 2008 година, по што изгради тим кој освои пет титули од Премиер лигата, шест од Лига купот и два ФА купа.
Борбата за врвот, сепак, не беше лесна – тој го „победи“ газдата на Ред бул, и следствено на РБ Лајпциг и Ред бул Салцбург, Дитрих Матешиц, кој има богатство од 19 милијарди долари. По него следуваат претседателот на Јувентус, Андреа Ањели со 14 милијарди долари и газдата на Хофенхајм, контроверзниот Дитмар Хоп со 13 милиони долари.
54-годишниот Абрамович, кој е газда на Челси од 2003 година, е петти со богатство од 12 милијарди долари. Под него, да потсетиме, Челси освои 5 титули од Премиер лигата, 5 од ФА купот, 3 од Лига купот, 2 од Лигата на шампионите и 2 од Лига Европа.
ТОП 10 НАЈБОГАТИ ФУДБАЛСКИ ГАЗДИ
1.Шеик Мансур – Манчестер сити (20 милијарди $)
2.Дитрих Матешиц – РБ Лајпциг (19 милијарди $)
3.Андреа Ањели – Јувентус (14 милијарди $)
4.Дитмар Хоп – Хофенхајм (13 милијарди $)
5.Роман Абрамович – Челси (12 милијарди $)
6.Филип Аншуц – ЛА галакси (10 милијарди $)
7.Стен Кренке – Арсенал (9 милијарди $)
8.Насер Ал-Хелаифи – Пари Сен-Жермен (8 милијарди $)
9.Жанг Џиндонг – Интер Милано (7.6 милијарди $)
10.Роберт Крафт – Њу Ингланд револушн (6 милијарди $)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Спектакуларно последно коло во ЛШ
Лигашката фаза од Лигата на шампионите заврши со спектакуларното последно коло, во кое се одиграа 18 натпревари истовремено.
Клубовите пласирани од првото до осмото место на единствената табела директно влегоа во осминафиналето. Оние кои завршија од 9-то до 24-то место ќе играат меѓусебно во плејоф за да влезат во осминафиналето.
Арсенал, Баерн, Ливерпул, Тотенхем, Барселона, Челзи, Спортинг и Манчестер Сити директно влегоа во осминафиналето.
Во плејофот се пласираа: Реал Мадрид, Интер, ПСЖ, Њукасл, Јувентус, Атлетико Мадрид, Аталанта, Баер Леверкузен, Борусија Дортмунд, Олимпијакос, Клуб Бриж, Галатасарај, Монако, Карабаг, Бодо/Глимт и Бенфика.
Лига на шампиони, 8. коло:
Ајакс – Олимпијакос 1:2
/Долберг 69П – Мартинс 52, Хезе 79/
Арсенал – Каират Алмати 3:2
/Ѓокереш 2, Хаверц 16, Мартинели 36 – Жоргињо 7П, Рикардињо 90+4/
Атлетик Билбао – Спортинг 2:3
/Сансет 3, Гурузета 28 – Диоманде 12, Тринкао 62, Сантос 90+4/
Атлетико Мадрид – Бодо/Глимт 1:2
/Серлот 16 – Сјоволд 34, Хог 59/
Барселона – Копенхаген 4:1
/Левандовски 48, Јамал 60, Рафиња 69, Рашфорд 85 – Дадасон 5/
Баер Леверкузен – Виљареал 3:0
/Тилман 12, 35, /
Бенфика – Реал Мадрид 4:2
/Сјелдеруп 36, 54, Павлидис 45+5, Трубин 90+8 – Ембапе 30, 58/
Борусија Дортмунд – Интер 0:2
/Димарко 81, 90+4/
Клуб Бриж – Марсеј 3:0
/Ѓакон 4, Вермант 12, Станковиќ 79/
Ајнтрахт Франкфурт – Тотенхем 0:2
/Коло-Муани 47, Соланке 77/
Ливерпул – Карабаг 6:0
/МекАлистер 15, 61, Вирц 21, Салах 50, Екитике 57, Киеза 90/
Манчестер Сити – Галатасарај 2:0
/Халанд 11, Шерки 29/
Монако – Јувентус 0:0
Наполи – Челзи 2:3
/Вергара 33, Хојлунд 43 – Фернандез 18, Педро 61, 82/
Пафос – Славија Прага 4:1
/Драгомир 17, Бруно 53, Силва 84, Оршиќ 87 – Чалупек 44/
ПСЖ – Њукасл 1:1
/Витиња 8 – Вилок 45+2/
ПСВ – Баерн 1:2
/Саибари 78 – Мусијала 58, Кејн 84/
Унион Сент Жил – Аталанта 1:0
/Калаили 70/
Спорт
Германија ја детронизира Франција, Хрвастка на „мускули“ ја победи Унгарија
Ракометарите од Хрватска и Германија се пласираа во полуфиналето на Европското првенство. Првите избегнаа катастрофа против Унгарците со пресврт (27:25), вторите ја изненадија Франција во феноменален натпревар (38:34).
Хрватска – Унгарија 27:25 (13:15)
И покрај фактот дека беа во водство до последните 15 минути, избраниците на Чема Родригез потклекнаа во последната четвртина од натпреварот, што немаше никакво значење за нив.
Хрватска се мачеше против борбените Унгарци, успеа да го постигне толку посакуваниот пресврт и да го потврди пласманот меѓу четирите најдобри ракометни нации на Стариот континент, со серијата 7:1 во средината на второто полувреме, со која од минус четири се дојде до предност од два гола.
Најефикасни во победничкиот тим беа Лука Ловре Кларица, Давид Мандиќ, Марио Шоштариќ и Тин Лучин со по четири гола. Унгарците ги предводеа Бенце Имре (7) и Зоран Илиќ (5).
Германија – Франција 38:34 (19:15)
Во натпреварот што го одлучи тимот што обезбеди пласман во полуфиналето од првата група зад Данска, „панцерите“ направија изненадување и ги надиграа бранителите на трофејот во извонреден натпревар.
Во исто време, Франција остана без директен пласман на Светското првенство, што значи дека ќе мора да игра во квалификациите.
Предводени од Јури Кнор, Германците имаа водство од пет гола до почетокот на втората половина од играта, но противникот се разбуди во продолжението и им приреди на публиката во Хернинг трилер завршница.
Момците на Гисласон ги збија редовите и успеаја да го одбијат налетот на Французите.
Инспирираниот Кнор ја предводеше Германија со 10 гола, додека Дика Мем постигна гол повеќе на спротивната страна.
Доколку Данците ја победат Норвешка како што се очекува, ќе се натпреваруваат против Исланд во борбата за финалето. Ова значи дека втората двојка ќе биде Хрватска – Германија, додека Шведска и Португалија ќе играат во плејофот за петтото место.
Спорт
Пакета си ја исполни желбата, се враќа во Фламенго
Лукас Пакета го напушта Вест Хем и се враќа дома во Фламенго.
Како што беше најавено во текот на претходните недели, Пакета успеа да го натера Вест Хем да преговара и да добе обесштетување, од актуелниот шампион на Јуѓна Америка од 42.000.000 евра.
Ова е рекорден трансфер за бразилскиот клуб, а претходното најскапо засилување беше Самуел Лино, кој минатото лето, пристигна од Атлетико Мадрид за 22.000.000 евра.
Лукас Пакета сакаше да се врати во својот матичен клуб, во својот роден град, од кој замина како тинејџер во големиот Милан, како еден од најталентираните Бразилци, за дури 38.500.000 евра. Милан беше преголем залак, тој го напушти „Сан Сиро“ по само 18 месеци и замина во Лион за 23.000.000 евра.
Тој експлодираше во Лион, што беше причина Вест Хем да го купи по две години, во летото 2022 година, за 42.900.000 евра.
Пакета така се враќа во својот Рио по точно седум години, а навивачите подготвуваат спектакуларен пречек за најскапото засилување во историјата на клубот.
Треба да се напомене дека Пакета е во својот најдобар период, бидејќи има 28 години и ќе биде лидер на тимот на Фелипе Луис во борбата за сите трофеи.
Одигра 139 натпревари за Вест Хем, постигна 23 гола и додаде 15 асистенции.
Foto/ depositphotos
(Видео) Симнете ги розовите очила и погледнете ги работниците – порачаа синдикатите до функционерите на протестот за повисоки плати, се бара 600 евра минималец
Со транспарентот „Протестираме за плата“, голем број граѓани излегоа на улиците за да го поддржат протестот на Сојузот на синдикатити...
Ако не се реши проблемот со превозниците, ќе трпи цела Европа, порача Николоски од Загреб
Заменик-претседателот на Владата и министер за транспорт Александар Николоски порача дека доколку не се изнајде решение за проблемот со превозниците...
Бојан Маричиќ избран за нов претседател на Државната изборна комисија
Поранешниот вицепремиер за евроинтеграции и министер за правда во Владата на СДСМ, Бојан Маричиќ, е избран за нов претседател на...
Запленети 150 килограми марихуана, ја транспортирале со шлеп возило од Струга до Свети Николе
Јавен обвинител донесе наредба за спроведување на истражна постапка против три лица за кои постои основано сомнение дека сториле кривично...
По ревизорскиот извештај, Обвинителството отвори предмет за Општина Охрид
Јавното обвинителство отвори предмет по извештајот на Државниот завод за ревизија за Општина Охрид, во кој утврди дека се граделе...
(Видео) Филипче: Имам информација дека следи ново задолжување од 300 милиони евра
Претседателот на СДСМ, Венко Филипче, на одговор на новинарско прашање информираше дека следува ново задолжување од 300 милиони евра, a...
Левица: Премиерот со џемпери од по 2.000 евра барањата за минимална плата ги прогласи за „политичка агенда“
Левица го осуди настапот на премиерот Мицкоски, со кој легитимните синдикални барања за зголемување на минималната плата ги оцени како...
По срамниот настап во Собранието, Џихан Ахмед ја повлече кандидатурата за членка на комисијата за заштита од дискриминација
Џихан Ахмед ја повлече својата кандидатура за член на Комисијата за спречување и заштита од дискриминација, откако нејзиниот настап во...
Независниот полициски синдикат против мешање на политиката и партиите во работничкиот протест
Згрозени сме од мешањето на политиката и поддршката која опозициските партии преку повици и мобилизирање на членството оркестрирано ја даваат...
Затоа за граѓаните на Македонија нема покачување на платите, не работат „приватно“ како Мицкоски, велат од СДСМ
„ВМРО го вработилo, па така во „приватниот бизнис“ Христијан Мицкоски бил директор на ЕЛЕМ, па советник на Груевски, па еве...
„Обвинителството да не молчи, Заев и Филипче ги злоупотребиле државните институции за насилно преземање на болницата Жан Митрев“, велат од ВМРО-ДПМНЕ
„Сведоштвото на Жан Митрев јасно покажува дека Заев и Филипче брутално ги злоупотребиле институциите. Заев и Филипче смислиле план и...
Фицо шокиран од Трамп: „Тој е опасен и полудел“
Словачкиот премиер Роберт Фицо им рече на лидерите на Европската унија на самитот минатата недела дека неговата средба со Доналд...
(Видео) Трамп: Уште една прекрасна армада прекрасно плови кон Иран токму сега
Американскиот претседател Доналд Трамп изјави дека „уште една“ американска воена флота е на пат кон Иран. „Патем, уште една прекрасна...
(Видео) Санти мраз во Њујорк, има мртви, температурите под нулата: Бура ги опустошува САД
Санти мраз и делумно замрзнатите делови од реката Хадсон беа пријавени по силната зимска снежна бура во вторник, 27 јануари,...
(Видео) Американска конгресменка нападната со непозната течност во Минеаполис
Американската конгресменка, Илхан Омар, беше нападната со непозната течност за време на јавна трибина во Минеаполис во вторник. Полицијата соопшти...
Русија бара територијални отстапки од Украина, Зеленски сака средба со Путин
Украинскиот претседател Володимир Зеленски е подготвен директно да преговара со лидерот на Кремљ, Владимир Путин, за чувствителни прашања како дел...
Колку Руси и Украинци загинаа во војната? Анализа откри застрашувачки бројки
Бројот на руски и украински војници убиени, ранети и исчезнати во речиси четиригодишната војна би можел да достигне два милиони...
Намалена видливост поради магла на неколку патни правци
Поради протест блокирани се повеќе гранични премини за влез и излез од државата на товарни моторни возила. Како што известуваат...
(Фото) Ѓорѓиевски: Кејот на Вардар ќе добие нов лик
Градоначалникот на град Скопје, Орце Ѓорѓиевски, вчера вечер, преку социјалните мрежи порача дека кејот на Вардар ќе добие нов лик....
МНР со реакција до Бугарија: Македонија останува подготвена за дијалог што ќе се води во духот на европските вредности, Европа се гради со доверба и резултати, не со етикетирања и политички квалификации
Македонското Министерство за надворешни работи реагира на денешното соопштение објавено на веб-страницата на Министерството за надворешни работи на Република Бугарија....
