Еурофарм Пелистер загуби во Лигата на шампионите од бранителот на титулата, Магдебург 26:31 (12:15). Македонскиот шампион остана на две победи, против Магдебург го забележа седмиот пораз оваа сеозна. Магдебург во девет натпревари има исто толку победи.

Пелистер скапо ја продаде кожата против, во овој момент најдобриот тим во светот. Играчите на магдебург отворија со предност 1:4, Пелистер не им дозоволи премногу да се одлепат, некако држеше приклучок. Во финишот на првиот дел Германците стекнаа шест гола предност, но Пелистер го заврши првиот период со три гола (12:15).

По слилно сценарио се играше и во вториот дел, Магдебург рутински ја одржуваше разликата и на крајот заслужено победи.

Голманот Митревски со 11 одбрани беше најдобар во редовите на Пелистер. Стрелците ги предводеа крилата Манаснов и Радивојевиќ со по пет гола.

EPA/GEORGI LICOVSKI

Атлетико Мадрид ја забележа третата победа во Лигата на шампионите, воедно му го нанесе првиот пораз на Интер во елитното натпреварување. „Јорганџиите“ во Мадрид славеа победа со 2:1, со голот на Хозе Марија Хименез во 93-та минута.

Интер има за што да жали, еден час доминираше на „Метрополитано“, но таквата игра му донесе само еден гол. Атлетико го засили темпото од 55-та минута и на крајот ризикот им се исплатеше.

Со малку среќа, Атлетико од првата опасна акција постигна гол во деветтата минута преку Хулијан Алварез. Чоло Симеоне потоа ги повлече своите фудбалери, кои се бранеа во низок блок.

Одбраната на Атлетико ја проби Пјотр Зјелински во 54-та минута. До 60-та минута Диего Симеоне ги изврши сите измени, Атлетико ја презеде контролата врз играта и на рајот успеа да победи буквално од последниот напад со голот на дефанзивецот Хименез.

Исклучително интересен натпревар одиграа Олимпијакос и Реал Мадрид. Славеа гостите од Мадрид со 4:3.

Херој на „кралскиот клуб“ беше Килијам Мбапе, стрелецот на сите четири гола. Францускиот ас постигна хет-трик за само шест мунути и 42 секунди, кога ја понипти предноста до која дојде Олимпијакос со голот на Чикиња.

По водството на Реал 1:4, по гол постигнаа Тареми и Ел Каби, но Олимпијакос немаше сили да дојде барем до еден бод.

Фудбалерите на Пари Сен Жермен, во спектакуларен меч го победија Тотенхем со 5:3.

Херој на победата на актуелните европски шампиони беше португалскиот играч од средниот ред Витиња, кој постигна три од петте гола на својот тим.

Тотенхем два пати водеше со головите на Ришарлисон и Коло Муани, а ПСЖ се враќање во мечот со головите на Витиња. Потоа за „светците“ погодија Фабијан Руиз и Пачо. Коло Муани со својот втор гол ја врати неизвесноста, но Витиња со третиот гол ги реши дилемите околу конечниот победник.

До крајот на натпреварот, домашниот тим остана со еден играч помалку, откако Лукас Ернандез доби директен црвен картон во судиското продолжение.

Фудбалерите на Ливерпул не можат да излезат од кризата, која веќе долго го тресе клубот од „Енфилд“. На домашен терен, Ливерпул доживеа тежок пораз од ПСВ Ајндховен (1:4).

По победите над Астон Вила и Реал Мадрид, се чинеше дека кризниот период е зад екипата на Арне Слот, но натпреварите против Сити, Форест, а сега и екипата од Ајндховен, го докажаа токму спротивното.

Ливерпул беше во негатива од шестата минута, кога Иван Перишиќ постигна гол од пенал. Домаќинот одговори преку Собослај и сè изгледаше дека оди кон пресврт кога екипите заминаа на пауза.

Проблемот за Ливерпул беше што нивните играчи не се „појавија“ на теренот во второто полувреме. Гус Тил и Кухаиб Дриуш (двапати) ја затресоа мрежата на Мамардашвили и со тоа можеби му го потпишаа отказот на холандскиот стручњак.