Спорт
Ал Хилал и Ал Ахли во полуфиналето на СП за клубови

Фудбалерите на Ал Хилал и Ал Ахли се пласираа во полуфиналето на Светското клупско првенство.
Ал Хилал по изведувањето на пенали, во рабат, го победи Видад од Казабланка со вкупни 6:4.
Видад поведе во 52. минута со голот на Ајуб Ел Амлуд. Тимот од Мароко остана со играч помалку во првата минута од судиското надополнување, откако вториот жолт картон го доби Јахја Жабран.
Три минути подоцна Мохамед Кано од пенал го израмни резултатот и натпреварот влезе во дополнителните 30 минути. Таму немаше промена на резултатот, па победникот го решија пеналите.
Фудбалерите на Ал Хилал ги погодија сите пет пенали, додека Јахи Атијах-Алах промаши во првата серија за Видад.
Ал Хилал на 7. февруари ќе игра во полуфиналето на Светското клупско првенство против бразилскиот Фламенго.
Египетските фудбалери на Ал Ахли се пласираа во полуфиналето на Светското клупско првенство, откако во Танџер, Мароко го совладаа Сиетл со 1:0.
Стрелец на единствениот гол на натпреварот беше Мохамед Магди во 88. минута.
Ал Ахли на 8. февруари во полуфиналето на Светското клупско првенство ќе игра против Реал Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хамилтон во Сингапур сруши рекорд на Михаел Шумахер

Луис Хамилтон успеа да сруши рекордот на Михаел Шумахер на неделната трка за Големата награда на Сингапур.
Седумкратниот светски шампион, кој од оваа сезона вози за тимот на Ферари, го освои осмото место во Сингапур, откако во финишот јамше проблеми со сопирачките, но успеа да груши рекорд на славниот Германец.
Британецот го извози најбрзиот круг на гореспоменатата трка. Тоа му успеа во последните 15 кругови кога на својот болид стави меку пневматици, во обид да го стигне Кими Антонели на петтото место.
Не успеа во тоа но го извозе најбрзиот круг. Со тоа успеа да заврши барем една голема награда со најбрз круг 16 години по ред.
Хамилтон го сруши рекордот на Михаел Шумахер, кој го постави во Ферари, со кој доминираше во Формула 1 на почетокот на овој век.
Спорт
(Видео) Чави мораше да молчи додека не го чуе името на подобар играч од средниот ред од него – Еве кога проговори

Еден од најдобрите играчи од средниот ред на сите времиња, за многумина во кругот на најдобрите фудбалери на сите времиња, Чави, се согласи на популарна игра во која мора да молчи додека не го чуе името на играч за кој мисли дека бил или е подобар од него.
Во случајот на Чави, се бараше подобар играч од средниот ред.
На Чави му беа понудени многу имиња на играчи на позициите во средниот ред пред да го прекине молчењето.
За него, тоа не беа ниту Стивен Џерард, Френк Лампард, Кевин Де Брујне ниту Андреа Пирло, иако со изразот на лицето ја покажуваше колку ги почитува. Прозборе кога му го спомнаа Зинедин Зидан.
Легендата на Барселона и шпанската репрезентација освои сè во својата кариера. Со Барселона, за која одигра 767 натпревари со учинок од 85 гола и 184 асистенции, осум пати беше шампион на Шпанија и четири пати ја освои Лигата на шампионите. Со Шпанија, за која постигна 12 гола во 133 настапи, ја освои титулата светски шампион (2010) и двапати беше европски шампион (2008, 2012).
Ја заврши кариерата во Ал Сад од Катар.
Xavi when asked "Stay quiet until we mention a better midfielder than you."
byu/mynamestartswithCa insoccer
Спорт
Ваков влез во сезона Милан немале 20 години

Фудбалерите на Милан досега одиграа шест натпревари во Серија А, а статистичарите извлекоа информации што укажуваат колку е дефанзивно моќен тимот.
Тимот што го предводи Масимилијано Алегри, моментално е трет во италијанското првенство. Досега примија само три гола, а Рома е единствениот тим во лигата што прими помалку од нив (2).
Она што се издвојува е фактот дека во шесте одиграни натпревари, Милан на четири од шестте натпревари не прими гол.
Откако за победа се доделуваат три бода (сезона 1994/1995), црвено-црните од „Сан Сиро“, само еднаш имале ваков старт, во сезоната 2006/2007.
Резултатите на Милан во Серија А оваа сезона:
1. коло: Милан – Кремонезе 1:2
2. : Лече – Милан 0:2
3. коло: Милан – Болоња 1:0
4. коло: Удинезе – Милан 0:3
5. коло: Милан – Наполи 2:1
6. коло: Јувентус – Милан 0:0