Анхел Ди Марија е лут што не добил повик во репрезентацијата на Аргентина за претстојните квалификациски натпревари за пласман на Светското првенство. Играчот на ПСЖ полудел бидејќи му било кажано дека селекторот започнал со подмладувањето на репрезентацијата.

„Доколу реално ги гледате работите тогаш ќе се прашате па зошто тогаш тука е Меси? Зошто се тука Агуеро и Отаменди? Доколку се работи за смена на генерациите тогаш и тие не траб да бидат тука. Имам 32 години и се уште можам да играм на високо ниво, исто како Нејмар и Мбапе“, рекол Ди Марија.

„Не можам да разберам зошто не сум повикан. Никогаш не добив вистинско објаснување, се чини дека не ме сакаат повеќе. Едноставно повеќе не можам да моччам“, завршил Ди Марија кој денес дозна дека е суспендиран на четири натпревари бидејќи на дербито со Марсеј плукна еден противнички фудбалер.

Баерн Минхен и Севиља вечерва во Будимпешта ќе се борат за првиот трофеј во новата сезона. Шампионот во Лигата на шампионите и освојувачот на лига Европа ќе го одиграат финалниот натпрева во Суперкупот на УЕФА.

Натпреварот е посебен бидејќи е првиот, во организација на УЕФА, од почетокот на пандемијата на коронавирусот кој ќе се игра пред публика. УЕФА дозволи на „Пушкаш арена“ да бидат присутни 20.000 навивачи.

Сепак оваа бројка ќе биде помала бидејќи поради растот на бројот на заразени во Унгарија, особено во Будимпешта, навивачите на Баерн и Севиља ги вратиле своите билето.

Тимовите за овој меч добија по 3.000 билети, а според информациите од Севиља вратиле 2.500, а од Баерн околу 2.000 влезници.

Натпреварот во Суперкупот на УЕФА ќе започне во 21 часот.

Фудбалскиот клуб Челси го потврди доаѓањето на новиот голман Едуард Менди од Рен. Трансферот на Сенегалецот изнесува околу 30.000.000 евра.

Челси на социјалните мрежи го претстави голманот со напомена дека за место во првиот тим ќе се бори со Кепа Аризабалага и Вили Кабаљеро.

„Петр Чех и нашиот технички тим го идентификуваа Едуард како најдоброто решение за нашиот тим, поради тоа сакавме да дојде кај нас“, изјавила директорката Марија Гранковскаја.

Менди е седмото големо засилување на Челси во овој преоден рок. Претходно клубот ги купи Хаким Зијеш, Тимо Вернер, Бен Чилвел и Каи Хаверц, а како слободни играчи на „Стенфорд Бриџ“ простигнаа Маланг Сар и Тијаго Силва.

Доаѓањето на Менди веројатно значи и крај на кариерата за Кепа Аризабалага во клубот.