Спорт
Алвеш: Во Барселона се чувствувам како суперхерој
Дани Алвеш вели дека со новото облекување на дресот на Барселона ќе чувствува како суперхерој по емотивното враќање на „Камп ноу“.
Иако има 38 години, а по заминувањето од Каталонија по шест сезони, во 2016 година, бразилскиот десен бек ја доби довербата на својот поранешен соиграч, а сега тренер на клубот, Чави, и тој сега вели дека и покрај сите проблеми, Барселона останува најдобриот клуб на светот.
„Се обидував да се вратам дома долго време. Двапати се обидов, но не беше возможно. Сега имам задоволство и привилегија да се вратам во клубот. Секогаш велев дека два дреса ме прават да се чувствувам како суперхерој – тој на бразилската репрезентација и тој на Барселона. Тоа ми дава сила и адреналин и ќе го покажам тоа. Најубавите фудбалски сеќавања ми се тука од Барселона, тука ми е домот, најблиските роднини ми се тука, така што не е чудно што се вратив. Секогаш мораме да веруваме дека сме Барселона, најдобриот клуб на светот. Можеби тоа некому му звучи како демагогија, но знам што зборувам – Барселона е најдобриот клуб на светот, Барселона е уникатна“, вели Алвеш, кој има одиграно 391 натпревар за Барселона.
¡La alegría de estar de vuelta! ?@DaniAlvesD2 la pasa bien en su primer día de regreso al Barça. ??
?: @FCBarcelona pic.twitter.com/w1oASk7mnB
— TNT Sports México (@tntsportsmex) November 15, 2021
Reencuentros especiales ? pic.twitter.com/FiXOQ88pQs
— FC Barcelona (@FCBarcelona_es) November 15, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.