Понижувачкиот пораз од Мура, во Марибор, му ги отвори очите на новиот менаџер на Тотенхем, Антонио Конте.

„Тотенхем во овој момент е далеку од врвните тимови. Сега навистина видов во каква ситуација се наоѓаме.“, изјави Конте.

Англиските медиуми тврдат дека Тотенхем ќе бара засилувања во зимскиот преоден рок, а според овие извори, Конте веќе ја направил листата на оние кои ќе го напуштат клубот.

Наводно на таа листа се Мет Дохерти, Деле Али, Дависон Санчез, Ден Дејвис, Хари Винкс, Танги Ндомбеле и Џек Кларк.

Листата може да биде проширена со уште некое име. Неколкумина имале рок до крајот на годината да му му докажат на менаџерот дека треба да останат во клубот.

Бен Чилвел, поради повреда, ќе отсуствува најмалку шест недели. Левиот бек на Челси се повреди во вторникот, против Јувентус, во Лигата на шампионите.

„Откако ќе минат тие шест недели ќе знаеме дали ќе може да игра или ќе треба да се оперира“, изјави менаџерот на Челси, Томас Тухел.

Чилвел се повреди по еден дуел со Адрејен Рабио.

Поранешниот играч на Лестер на последните пет натпревари за Челси постигна четири гола.

Фудбалерот на ПСЖ, Анхел Ди Марија, во интервју за „РМЦ спорт“, говорел за иднината на соиграчот Килијан Мбапе. Тој е сигурен дека Мбапе ќе го напушти Париз.

„Тука се работи за лична одлука, тоа е реалноста. Килијан знае во која насока треба да му се развива кариерата. Секако дека сите ние сакаме да го продолжи договорот, задоволство е да се игра со него. Јас со него имам одлична соработка, би било сјано кога би можел и понатаму да играм со него во ПСЖ“, рекол Ди Марија.

Водечките европски медиуми шпекулираат дека на 1.јануари ќе потпише преддоговор со Реал Мадрид.