Спорт
Ангеловски со подмладен тим и нови голмани ќе оди во Шпанија
Селекторот на фудбалската репрезентација го објави списокот на играчи на кои смета за квалификацискиот натпревар за пласман на Европското првенство против Шпанија во Гранада, што ќе се одигра на 12-ти ноември.
Игор Ангеловски повика 21 фудбалер за натпреварот против Шпанија, а осуммина од нив се членови на младата репрезентација која избори пласман на Европското првенство. Голманот Алексовски, дефанзивците Велковски и Зајков, напаѓачот Маркоски и играчите од редот за врска Бабунски, Барди, Николов и Ѓорѓев кои со однесувањето, формата и игрите во селекцијата до 21 година го заслужија повикот на селекторот.
„Повикот на овие фудбалери не е затоа што јас тоа го ветив, туку едноставно тие тоа го заслужија. Не се во репрезентацијата ниту поради тоа што тоа јавноста го бараше, туку тие со квалитетот сами се наметнаа“, рече Ангеловски.
Списокот на селекторот за дуел со една од најквалитетните светски селекции е спој на младост и искуство.
„Она што на почетокот на нашата работа го поставивме како наша цел, а тоа е да се направи тим кој ќе биде спој на младост и искуство, тој тим да биде конкурентен во квалификациите и против секој противник и да успееме да забележиме подобри резултати од претходните циклуси, мислам дека првите две цели сме на добар пат да ги исполниме, а до крајот на циклусот ќе направиме сé што е во нашите можности и резултатите да бидат подобри, за разлика од оние претходни циклуси“, појасни македонскиот селектор.
Најголеми промени има на голманската позиција, каде за место меѓу диреците конкурираат Алексовски, Димитриевски и Гачевски.
„Одбраните на голманите не ни ја дадоа потребната сигурност и затоа посегнуваме по други решенија“, посочи селекторот и појасни: „Мислам дека Захов за разлика од европските натпревари (настапот на Шкендија во Лига Европа) неговата форма во домашното првенство оди во надолна линија. Прими, според мене, кикс гол во Битола, во Кратово и на крајот со Вардар. Поради тоа решив да не го повикам за овој натпревар. Мислам дека имаше и една лоша интервенција против Албанија, кога го примивме вториот гол. Мартин Богатинов можеби немаше директна вина, но тој не е стандарден во својот клуб. Јас барам голман кој ќе ни внесе сигурност“, објасни Агеловски.
Формацијата 3-5-2 со која Македонија играше во првите три квалификациски дуели, селекторот нема да ја менува, но тој не ја исклучи можноста да има некои освежувања во дефанзивниот дел на тимот.
„Ќе видиме со кој состав ќе настапиме, но дека ќе има освежувања во последниот ред тоа е сигурно“, додаде.
Конкретни прогнози за дуелот во Гранада селекторот не дава, но ја кажа од што би бил задоволен.
„Би бил задоволен доколку одиграме на уште повисоко ниво него на натпреварот со Италија. Сите три натпревари ги одигравме квалитетно, бевме конкурентни, но за жал не успеавме и резултатски добро да поминеме. Знаеме дека Шпанија е фаворит, според мене таа е една од најдобрите четири светски репрезентации. Јас ќе се обидам да го извлечам масимумот од мојот тим“, рече во продолжение Ангеловски.
Репрезентативците првиот собир ќе го имаат на 7.ноември, во Скопје ќе се подогтвуваат два дена, на 10-ти со чартер лет ќе отпатуваат за Шпанија, а дуелот со домаќинот ќе го одиграат на 12-ти во Гранада.
Списокот на Ангеловски за натпреварот со Шпанија:
Голмани: Алексовски (Вардар), Димитриевски (Химнастик, Шпанија), Гачевски (Вардар)
Одбрана: Шиков (Нефчи, Азербејџан), Жута (Ријека, Хрватска), Ристевски (Вашаш, Унгарија), Ристовски (Ријека, Хрватска), Мојсов (АЕК Ларнака, Кипар), Зајков (Шарлроа, Белгија), Велковски (Вардар)
Среден ред: Споровски (Вардар), Ѓорѓев (Грасхоперс, Швајцарија), Алиоски (Лугано, Швајцарија), Хасани (Шкендија), Бабунски (Црвена ѕвезда, Србија), Барди (Ујпешт, Унгарија), Николов (Вардар)
Напад: Пандев (Џенова, Италија), Несторовски (Палермо, Италија), Ибраими (Шкендија), Маркоски (Работнички)./крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Нереални сцени на натпреварот од Младинската лига на УЕФА во Келн
Младинската лига на УЕФА влезе во нокаут фазата, познати се сите учесници во осминафиналето.
Натпреварите одиграни во рамките на 1/16-финалето ги обележа дуелот во Келн.
Германскиот тим таму беше домаќин на Интер, а атмосферата беше неверојатна. Клубот ги распродаде сите 50.000 билети за натпреварот на младинскиот тим, а атмосферата беше еднаква на онаа што ја гледаме во најдобрите натпревари од Лигата на шампионите.
Cologne sold 50,000 tickets for today's UEFA Youth League game vs. Inter, setting a new competition attendance record 😲
Immense support. What an experience for those youngsters 👏pic.twitter.com/dU1OzIhtiO
— Men in Blazers (@MenInBlazers) February 4, 2026
Ова не му помогна на Келн да го елиминира Интер, иако домашниот тим беше блиску да се избори за пенал-рулетот. На крајот, загуби со 3:1, со два гола во судиското продолжение, Зарате Идалго постигна во 90+7, а Кукулис во 90+8 минута, во двата наврати асистент беше младиот Црногорец Вукоје.
Оваа фаза донесе и неколку големи изненадувања, Манчестер Сити и Барселона беа елиминирани од понатамошниот тек на натпреварувањето. ХЈК беше подобар од „граѓаните“, во Хелсинки победија по изведување на пенали – 3:3, 4:3.
Шпанскиот тим исто така немаше среќа по изведувањето на пенали, Макаби Хаифа беше подобар од Барселона во Унгарија – 2:2, 3:1. Резултатот од Варшава исто така беше изненадување, каде Легија го победи Ајакс – 2:1.
Претходно, во вторниотк, Жилина го победи Ливерпул со 2:1 пред 10.500 гледачи.
Плајсман во осминафиналето изборија: Атлетико Мадрид, ПСЖ, Бенфика, Виљареал, Спортинг, Бетис, Челзи, Бриж, Реал Мадрид, Ајнтрахт, АЗ Алкмар и Жилина.
Спорт
Порзингис „трејдуван“ во Голден Стејт
Летонецот Кристапс Порзингис ја продолжува кариерата во Голден Стејт Вориорс.
Претходната вечер тој беше дел од размената, која во Атланта Хокс ги донесе Бади Хилд и Џонатан Куминга.
Со оваа зделка, Атланата стави крај на возбудлив период во кој, да потсетиме, го разменија и лидерот Тре Јанг (во Вашингтон).
Доаѓањето на Порзингис меѓу „воините“ значи и дека франшизата од Сан Франциско официјално се откажа од обидите да го ангажира Јанис Адетокумбо, кој беше првата „мета“.
Американските медиуми објавуваат дека Вориорс испратиле неколку понуди за Јанис во последните недели, но од друга страна, добиле јасни сигнали дека Адетокумбо не е опција за размена.
За Голден Стејт, најважното прашање сега е здравјето на Прзингис, кој во последно време се мачи со повредите. Тој одигра само 17 натпревари за Хокс оваа сезона, а 42 во целата сезона 2024/2025 што ја помина со Селтикс.
Од таборот на „Воините“ се надеваат дека искусниот кошаркар, кој го одигра својот последен натпревар на 7 јануари, ќе може да се врати во форма навреме.
Според последните информации, Порзингис треба да се појави на теренот во следните натпревари.
Голден Стејт моментално е осми во Западната конференција со скор од 27-24.
Спорт
Гвардиола: Плативме многу, а лигата не му дозволува да игра
Манчестер Сити ќе се обиде да ја убеди Англиската фудбалска лига (ЕФЛ) да ги смени правилата на ЕФЛ Купот, за да може големото засилување, Марк Гуехи да настапи во финалето. Тренерот Пеп Гвардиола изрази големо незадоволство од фактот што централниот бек, платен 20 милиони фунти, нема право да игра против Арсенал на Вембли на 22 март.
Шефот на Сити откри дека веќе побарал од раководството на клубот да контактира со челниците на лигата за да му се дозволат на англискиот репрезентативец да игра.
Проблемот се појави поради одредено правило.
Правилата се променети оваа сезона, така што играчот може да игра за два различни клуба во истата куп сезона. На пример, Антоан Семењо играше за Сити во двата полуфинални натпревари против Њукасл и покрај тоа што штотуку пристигна во клубот.
Сепак, Семењо потпиша пред првиот натпревар на Сент Џејмс Парк, додека Гуехи пристигна по таа победа од 2:0. Затоа, тој немаше право да настапи на реваншот, а според постојните правила, дури ни во финалето.
„Се надеваме дека Марк ќе може да игра во финалето. Плаќата многу пари за да донесете фудбалер, а потоа не можете да го користите. Не разбирам зошто не можеме да го користиме во финалето. Се надевам дека ќе можеме да ги убедиме. Понекогаш е тешко да се разбере. Јасно е дека Марк не можеше да игра во реваншот затоа што не беше регистриран за првиот натпревар. Но, сега е финале, зошто не може да игра? Зошто? Ние го плаќаме, тој е наш играч. Тоа е логично“, рече Гвардиола.
Сепак, тој не е оптимист. Кога го прашаа дали мисли дека правилото ќе се промени.
Foto/ EPA
(Видео) Филипче: СДСМ има решение за 600 евра плата, помалку луксуз – поголеми плати за работниците
Стандардот на работниците практично е срозен изминатите две години. Соочени сме со ситуација во којашто владата на ВМРО и ЗНАМ...
62-годишен маж од Тетово починал по компликации од грип, соопшти ИЈЗ
Минатата недела во периодот од 26 јануари до 1 февруари во Македонија е регистриран уште еден случај на починато лице...
Во следните 15 дена платете го данокот на имот за 2022, 2023, 2024 и 2025 година, апелира Ѓорѓиевски кој веќе блокираше 15.000 сметки за неплатен данок од 2021 година
Близу 20 милиони евра по основ данок на имот за изминатите четири години должат на Град Скопје граѓаните и компаниите....
Родителите на загинатите во „Пулс“ се сомневаат дека се врши притисок врз сведоци, бараат надлежните да извршат проверка на мобилен телефон
Родителите на загинатите во „Пулс“ се сомневаат дека се врши притисок врз сведоци преку Вибер комуникација од затворот. „Имаме сознанија...
Виткоф објави дека е постигнат првиот договор меѓу Русија и Украина по пет месеци
Ексклузивните разговори во Абу Даби донесоа конкретен резултат, Русија, Украина и Соединетите Американски Држави постигнаа договор за размена на затвореници,...
Објавена петиција за забрана на социјални мрежи за деца до 12 години во Македонија
Граѓанската иницијатива „Иницијатива за безбедно детство“ објави петиција со која се бара воведување забрана за употреба на социјални мрежи за...
Продлабочување на стратешкото партнерство со САД во фокусот на средбите на Гаши во Вашингтон
За време на работната посета на Вашингтон, претседателот на Собранието, Африм Гаши, оствари средба со Даниел Џ. Лотон, заменик-помошник секретар...
Случајот со смртните закани врз новинарот Александар Видиновски да се истера до крај, бара Демократскиот сојуз
Демократскиот сојуз жестоко ги осудува примитивните напади и смртните закани врз новинарот Александар Видиновски на социјалните мрежи и ја поздравува...
(Фото) Сиљановска-Давкова се сретна со претседателот на ОАЕ: перспективите за продлабочување на билатералната соработка во фокусот на разговорот
Претседателката Гордана Сиљановска-Давкова, во рамки на учеството на Светскиот самит на владите во Дубаи, оствари средба со претседателот на Обединетите...
(Видео) Ѓорѓиевски: Нема вработувања во Град Скопје – нема да дозволам ниту еден денар од буџетот на скопјани да биде злоупотребен
„Нема вработувања во Град Скопје – нема да дозволам ниту еден денар од буџетот на скопјани да биде злоупотребен!“, порача...
Путин повторно го насамари Трамп, објави „Њузвик“
Претседателот Доналд Трамп минатата недела објави дека посредувал во еднонеделно примирје меѓу Русија и Украина, истакнувајќи го својот личен однос...
(Фото/видео) Руски беспилотни летала го нападнаа Киев, две жени повредени, неколку станбени згради оштетени
Две лица се повредени во руски напад што беше извршен синоќа со беспилотни летала врз Киев. Остатоци од беспилотните летала...
Поранешен британски министер под истрага поради Епстин, Стармер: Нè излажа повеќе пати
Британскиот премиер Кир Стармер изрази жалење за назначувањето на Питер Манделсон за амбасадор на Велика Британија во Вашингтон, велејќи дека...
Гутереш: Истекот на договорот „Нов СТАРТ“ е сериозен момент за глобалната безбедност
Генералниот секретар на Обединетите нации, Антонио Гутереш, оцени дека истекот на договорот „Нов СТАРТ“ е сериозен момент за меѓународниот мир...
Израел врати 54 тела и 66 кутии со останки во Газа
Министерството за здравство на Газа вчера објави дека 54 палестински тела и 66 кутии со човечки останки се префрлени во...
Кси го предупреди Трамп да биде внимателен со испораките на оружје за Тајван
Кинескиот претседател Кси Џинпинг го предупреди американскиот претседател Доналд Трамп во телефонски разговор во среда да биде „претпазлив“ во врска...
Зеленски: На Путин ќе му требаат 2 години и 800.000 војници за да ја освои источна Украина
Русија ќе мора да жртвува дополнителни 800.000 војници во следните две години ако сака воено да ја освои источна Украина,...
Почувствуван земјотрес во Битола, Охрид и околината: епицентарот во Албанија
Телеметриската сеизмолошка мрежа на Република Северна Македонија, на сеизмолошките станици инсталирани и одржувани од Сеизмолошката опсерваторија при Природно-математичкиот факултет во...
Гаши од Вашингтон: Северна Македонија останува лојален сојузник на НАТО и посветен партнер на САД
Претседателот на Собранието, Африм Гаши, кој престојува во работна посета на Вашингтон, САД, денеска се обрати на Форумот за безбедност...
Алиу истражува, но се сомнева дека ќе најде податоци за извозот на мозоци: Истечени се сите рокови за архивирање на документите
Стариот закон ги обврзува институциите да ги чуваат документите за извоз на мозоците како биолошки материјал 15 години, а новиот,...
