Тренерот на Пари Сен Жермен, Томас Тухел, рекол дека очекува уште подобра игра од својот најдобра играч Нејмар, Бразилецот викендов го постигна единствениот гол во 87 минута, во Лион со кој ПСЖ го победи домаќинот.

Нејмар минатата недела се врати во тимот, откако цело лето се поврзуваше со трансфер во Барселона и се рехабилитираше од повредата.

„Може уште подобро и ќе игра подобро. Потребен ни е во својата најдобра форма, особено во кога играме тешки натпревари. Важни ни се фудбалерите што можат да решат натпревар со еден потег“, рекол Тухел.

„Има договор со нас, 100 отсто е наш. Целосно е вклучен во тимот, делува дека е задоволен, се шегува и се смее со соиграчите…“, дополнил тренерот на Пари Сен Жермен.

Екипата на Тухел ја предводи табелата во Франција со 15 бода од шест одиграни натпревари.

Првиот човек на Кошаркарскиот сојуз на Хрватска, Дино Раѓа, ја отфрлил можноста Американецот Шејн Ларкин да добие хрватски пасош и во иднина да настапува за репрезентацијата на оваа земја.

Играчот на Анадолу Ефес истакнал дека бил подготвен да игра за Хрватска, по што се огласил Раџа.

„Неколку пати реков дека нема да носиме странци во репрезентацијата бидејќи тоа не е во интерес на хрватската кошарка“, рекол Раѓа. „Клубовите мора да почнат да ‘произведуваат’ играчи. Не може да очекувате репрезентацијата да ја подигне кошарката, тоа мора да го направат клубовите. Можам да разберам некој клуб да земе еден или двајца странци за да го подигне квалитетот, но странците што ги носиме не се квалитетни. Не сакам во Хрватска да играат Вотсоновци и Џонсоновци“, рекол Раџа.

Шејн Ларкин станува Хрват?

Поранешниот капитен на Манчестер Јунајтед, Рој Кин, упатил критики на сметка на „црвените ѓаволи“ по поразот од Вест Хем (2-00 во шестото коло во Премиер лигата.

Вест Хем само ја продлабочија резултатската криза во која се наоѓаат играчите на менаџерот Оле Гунар Солскјер од почетокот на сезоната. Јунајтед по шест кола имаат осум бода.

„Знаев дека Јунајтед се наоѓаат во лоша позиција, меѓутоа бев шокиран колку беа лоши против Вест Хем. Се беше лошо, немаат квалитет, карактер…“, рекол Кин.

Ирецот дополнил дека не гледал како Јунајтед ќе се извлечат од кризата.

„Ќе биде тоа долг пат. Јунајтед толку ниско падна, тоа е страшно. Минатата сезона играа лошо, а оваа сезона нема никаков напредок, дури и со тројца нови играчи“.

Манчестер Јунајтед во наредното коло, на 30 септември, ќе ги пречекаат Арсенал.