Серхи Дардер, со години беше лидер на Еспањол, а откако тимот испадна од Примера, тој одбил да се пресели во Барселона.

Дардер (29), откри дека во летниот преоден рок добил понуда од градскиот ривал на Еспањол, Барселона.

„Имав можност да потпишам со Барселона ова лето, тешко е да се одбие таков тим. Маночу часови поминав во размислување што да правам. Но, кога главата се олади, разумот не ми дозволи да прифатам, со оглед на тоа што бев во Еспањол. Ниту 1% од мене не можеше да го прифати тоа. Еспањол секогаш ќе биде клубот на мојот живот, не гледам друга опција“, рече Дардер.

Серхи Дардер, во летниот преоден рок сепак го напушти Еспањол. Интересно е што се реши кариерата да ја продолжи во Мајорка, и покрај тоа што за него се интересираа и Барселона и Атлетико Мадрид.

Мајорка за трансферот на Дардер издвои осум милиони евра.

Нема напредок во преговорите меѓу Виктор Осимено и Наполи околу новиот договор. Наполи не се откажува од намерата Ниегиецот и во иднина да го предводи нападот на тимот од стадионот „Диего Армандо Марадона“.

Двете страни во претходниот период се сретнале 13 пати, но договор се уште нема.

Претседателот на Наполи, Аурелио де Лаурентис сака Осимен да потпише нов договор со тимот до 2027 година.

Во Наполи сметаат дека тоа би можело да се случи до крајот на годината, но како што сега стојат работите, речиси и да не постојат шанси Осимен да го парафира новиот договор до крајот на 2023 година.

Нигериецот бара минималната годишна плата од 10 милиони евра.

За Осимен се заинтересирани многу клубови, најмногу од Саудиска Арабија, но тој не сака да ја продолжи кариерата таму, што ги зголемува шансите во иднина да го гледаме во дресот на некој клуб од Европа.

Шохеи Отани потпиша еден од најголемите договори во спортската историја.

Отани ќе им се приклучи на Лос Анџелес Доџерс, договори на десетгодишна соработка вредена 700 милиони долари.

За споредба, Леброн Џејмс и Мајкл Џордан заедно заработиле 628 милиони долари во текот на своите кариери во НБА лигата.

Јапонецот е најдобриот бејзбол играч во светот, а во последните пет години играше за ЛА Ејнџелс.

Отани го потпиша најголемиот договор во историјата на американскиот спорт, од претходниот рекорд е „посилен“ за 300 милиони долари.

Договорот на Отани е поголем за 64 отсто во однос на претходниот рекорд вреден 426,5 милиони долари, што ги доби Мајк Троут од Ејнџелс во 2019 година кога потпиша 12-годишен договор.

„Ветувам дека секогаш ќе го правам најдоброто за тимот и дека секогаш ќе продолжам да давам се од себе за да бидам најдобрата верзија од себе. Сакам да одам напред не само за Доџерс туку и за светскиот бејзбол“, напиша Отани на социјалните мрежи.

Отани е роден на 5 јули 1994 година, неговата мајка играла бадминтон, додека татко му работел во локална фабрика за автомобили и бил аматерски бејзбол играч.

Отани важи за најдобар бејзбол играч во светот, во 2021 и 2023 година едногласно беше избран за МВП, а беше втор во 2022 година.