Лацио и Шахтјор со победи го отворија претпоследното коло во Лигата на шампионите. Лацио, во Е групата го победи Селтик со 2:0, а Шахтјор во групата славеше над Антверп со 1:0.

Лацио одигра лош натпревар против аутсајдерот Селтик, но успеа да искористи два кикс во одбраната на шкотскиот тим и во самиот финиш дојде до значајна победа, која го остави во игра за пласман во осминафиналето.

Ништо не се случуваше на „Олимпико“ 82.минути, исклучок е шансата на Фелипе Андерсон во раната фаза на натпреварот, а потоа ветеранот Имобиле искористи два лоши реакции во одбраната на Селтик и постигна два гола во 82. и 85.минута.

Лацио сега е лидер во Е групата со 10 бода, Атлетико има осум, Феенорд седум, Селтик еден бод. Вечерва во Ротердам Феенорд ќе го пречека Атлетико.

Голот на Матвиленко во 12.минута го реши победникот во Хамбург, каде Шахтјор го пречека Антверп. Можеше Шахтјор да постигне уште некој гол, но и вака со три бода остана во трката за пласман на една од првите две позиции.

Многи работи во Х групата можат да бидат појасни по завршувањето на натпреварот Барселона-Порто.

Во моментов на табелата Барселона, Порто и шахтјор имаат по девет бода, додека Антверп остана едниствената екипа без освоен бод сезонава во Лигата на шампионите.

facebook.com/rkalkaloid
Ракометарите на Алкалоид го забележаа четвртиот пораз во петтиот натпревар, во Ф групата во Лига Европа. Вечерва во Нови Сад, Војводина го победи Алкалоид со 34:29 (16:11).

Секој натпревар во Лига Европа е голема школа за младиот тим на Алкалоид. Тоа го покажа и дуелот против Војводина.

И овој натпревар, кога е во прашање Алкалоид го обележаа осцилации во играта и технички грешки.

Алкалоид парираше до резултат 8:7, потоа Војводина со серија 4:0 се одлепи на четири гола, а ракометарите на македонскиот вицепрвак во ниту еден момент не успеаја да ја оспорат предноста на противникот.

Ако и имаше дилеми околу конечниот победник по првото полувреме, Војводина сите дилеми ги реши во првите шест минути од вториот дел кога ја зголеми предноста на 20:13.

До крајот Алкалоид неколку пати успеа да дојде до минус од четири гола, но повеќе од тоа едноставно не можеше.

Војводина до победата го предводеа четворица играчи кои заедно постиггнаа 29 од 34 гола. Азиз постигна девет, Воркапиќ и Пуховски по седум, а Голубовиќ шест гола.

Најдобар играч на Алкалоид беше Серафимов со осум гола, Митев постигна шест, а Стојковиќ пет гола.

Војводина со оваа победа, четврта во пет натпревари си обезбеди место во нокаут фазата, додека Алкалоид остана на еден бод.

Сезоната во Лига Европа, Алкалоид ќе ја заврши на домашен терен против Ла Риоха.

Ривалството меѓу Надал, Ѓоковиќ и Федерер одбележа период од тениската историја.

Рафаел Надал, еден од најдобрите тенисери на сите времиња, напиша книга во која го спомна Новак Ѓоковиќ, најдобриот тенисер на светот.

Во таа книга се зборуваше за ривалството на Надал со Ѓоковиќ и Роџер Федерер.

In his book, Rafa Nadal explains the difference between beating Roger Federer and beating Novak Djokovic.

His basic strategy to beat Federer – patience.

However, he says that "there is no clear tactical plan" to beat Djokovic and that he can be "unstoppable". pic.twitter.com/KgHmFF3tor

— Swish 🍒 (@Zwxsh) November 28, 2023

„Кај Федерер правило е секогаш трпеливо да се исклучувате, знаејќи дека порано или подоцна ќе го натерате да направи грешка. Ѓоковиќ нема јасен тактички план. Едноставно, се работи за играње на најдобар можен начин, со максимален интензитет и агресивност, во обид да се задржи контролата на поенот, бидејќи во моментот кога ќе му дозволите да ја добие предноста, тој е незапирлив“, напиша Надал.

Надал во кариерата има освоено 22 Грен слем турнири, што го прави вториот најдобар тенисер во историјата, зад Ѓоковиќ кој има 24.