Спорт
Атлетиката се врати со светски рекорд на „Невозможните игри“ во Осло (галерија+видео)
Норвежанецот Карстен Вархолм постави нов светски рекорд на 300 метри со пречки при рестартирањето на светската атлетика по корона вирусот со „Невозможните игри“ во Осло.
24-годишниот Вархолм успеа да истрча 33.78, соборувајќи го рекордот на Британецот Крис Раулинсон во 2002 за 0.7 секунди.
Пред трибини исполнети со „картонски луѓе“ и танчарки кои се придружуваа на социјалното дистанцирање, егзибицискиот митинг во норвешката престолнина беше дел од Дијамантската лига со необични далечини и необични случки.
Full race video of Karsten Warholm’s fastest 300m hurdles in history at the Impossible Games in Oslo. pic.twitter.com/cdoO1SOKHA
— Nick Zaccardi (@nzaccardi) June 11, 2020
Филип Ингебригтсен постави норвешки рекорд на 1.000 метри со време од 2:16:48, по што своите двајца браќа Јакоб и Хенрик се натпреваруваше во тимската трка со пет члена на 2.000 метри против кенискиот тим кој трчаше во исто време во Најроби, за да остварат победа.
Шведскиот скокач Арманд Дуплантис беше присутен на арената заедно со мал контигент сонародници, скокна 5.86 метри, за победа пред Французинот Рену Лавилени, кој скокаше во градината во својот дом во Франција.
Најинтересниот финиш беше во женската трка на 300 метри со пречки, во кој Данката Сара Слот Петерсен ја победи Норвежанката Амали Јуел за само два илјадити делови од секундата.
Следниот митинг е „Игрите на инспирација“ на 9 јули во Цирих, каде што ќе се направи малку поамбициозен обид за атлетски митинг – 30 спортисти ќе се натпреваруваат во осум дисциплини на седум стадиони.
The #ImpossibleGames has proven to be a an IMPOSSIBLE mission for Team Cheruiyot ??. 4000 miles apart, 2 different stadiums, ONE competition. Is this what future holds for TRACK & FIELD competitions? pic.twitter.com/oh1fwIRW2r
— GREAT RIFT ATHLETICS (@greatRIFTsports) June 11, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.