Тренерот на Барселона Кике Сетиен рекол дека тој има само делумна одговорност што клубот нема да ја одбрани титулата во Ла Лига.

До крајот на сезоната во Шпанија останаа уште две кола, во кои Реал ќе влезе со четири бода повеќе од Барселона. Доколку утре Реал го победи Виљареал тогаш и теоретски ќе ја обезбеди 34 титула во клупската историја.

Реал до пол-позицијата дојде благодарение на деветте победи, во исто толку натпревари, откако беше рестартирана сезоната. Во исто време Барселона победи шест пати, а три пати играше нерешено (Севилја, Селта, Атлетико Мадрид).

„Ја преземам одговорноста, но не во целост“, рекол Сетиен.

„Секако дека секогаш први на удар се тренерите. Меѓутоа не мислам дека е катастрофа што три пати одигравме нерешено. Заслугите одат кај Реал, тие победија на сите натпревари“.

Кике Сетиен знае и зошто неговиот тим не бележел подобри резултати.

„Немавме свежина. Екипи какви што се Ваљадолид и Осасуна имаа повеќе играчи во ротацијата од нас. Тешко не погоди повредата на Френки де Јонг“.

Барселона утре вечер ќе ја пречека Осасуна.

Кристијан Ерикес во јануарскиот преоден рок за 20 милиони евра го напушти Тотенхем и стана играч на Интер. Клубот од Лондон мораше да го продаде пред истекот на неговиот договор откако тој ги одби сите понуди да остане во Лондон.

Трансферот на репрезентативецот на Данска го иницираше спортскиот директор на Интер Бепе Марота, тренерот Антонио Конте повеќе го сакаше Артуро Видал во својот тим.

Ерикесен не се прилагоди најдобро на новиот тим, ниту на градот Милано. Се уште живее во хотел. Не добива многу простор кај тренерот Конте, кој по победата над Торино му порача на Данецот „дека Италија не е Англија и мора сериозно да ја свати Серија А“.

Поттикнати од оваа изјава на Конте одделни италијански медиуми денес шпекулираат дека Интер во претстојниот преоден рок ќе се обиде да го продаде Ериксен.

Според нив челниците на клубот од „Џузепе Меаца“ веќе ја одредиле цената за Данецот. Ериксен ќе може да го напушти клубот доколку некој понуди 60 милиони евра за неговите услуги.

Тренерот на Атлетико Мадрид Диего Симеоне нее изненаден од интересот на другите клубови за голманот Јан Облак (27). Словенецот четири години е најдобриот голман во Ла Лига, а оваа сезона досега примил 26 гола на 36 натпревари.

Медиумите вчера објавија дека Челси ќе се обиде да го донесе Облак на „Стенфорд Бриџ“. Според шпекулациите Челси за Облак го нуди најскапиот светски голман Кепа Аризабалага и 30 милиони евра.

„Не сум изненаден, секоја година нашите најдобри фудбалери се на мета на најдобрите клубови во светот. Нормално е да ги барате најдобрите, а ние имаме многу такви играчи. Некои заминаа, некои останаа. Логично е и нормално е да постои интерес за Облак, тој е напиот капитен и важен играч во тимот“, рекол Симеоне и дополнил.

„Тој е играч кој прави разлика на теренот, важен за нас е и на теренот и во соблекувалната, напредуваше на сите полиња, како голман и внатре во групата“.

Облак кариерата ја започна во Олимпија од Љубљана, четири години мина во Бенфика, а во Атлетико е од 2014 година. За неговиот трансфер „јорганџиите“ издвоија 16 милиони евра.

Облак има договор со Атлетико до 30 јуни 2023 година и откупна клаузула од 120 милиони евра.