Осасуна славеше во Виљареал со 2:1 и му го нанесе на домаќинот првиот пораз во сезоната. Екипата од Памплона, со четвртата победа на последните пет натпревари, се искачи на делба на втората позиција заедно Реал, Атлетико и Севилја. Виљареал, има само две победи сезонава, а покра овој пораз пет пати одиграа нерешено. Тимот на Унаи Емери со 11 бода се наоѓа на 11 место на табелата.

Осасуна првиот дел го заврши со предност од еден гол. Торо погоди во 26.минута по одличната тимска акција.

Виљареал во мечот се вратија во 55.минута, со голот на Џерард Морено.

Овој резултат беше активен до 86.минута, кога Аиса Манди направи катастрофална грешка, која ја искористи Чими Авила. Аргентинецот погоди низ нозете на сонародникот Херонимо Рули.

Во наредното коло Осасуна ќе ја пречка Гранада, додека Виљареал ќе гостува кај Атлетик во Билбао.

Наполи го задржа максималниот ефект во Серија А. Во осмото коло, Наполи го победи Торино со 1:0. Наполи се врати на челната позиција на табелата со 24 бода, два повеќе од Милан и седум од Интер.

Фудбалерите на Наполи доминираа на теренот на стадионот „Диего Армандо Марадона“, пропуштија неколку шанси и порано да го решат победникот. Најдобрите ги имаа Лоренцо Инсиње не реализира пенал во првиот дел, неговиот удар го одбрани Вања Милинковиќ-Савиќ. Во второто полувреме, Лозано ја погоди стативата. Претходно поради офсајд, ВАР го поништи голот на Ди Лоренцо.

Свои шанси имаше и Торино, најдобрата ја пропушти Брекало во второто полувреме, кога Оспина го одбрани неговиот удар.

Решавачкиот момент на мечот се случи во 81.минута, кога одличната тимска акција со удар ја заврши Мертенс, голманот на Торино одбрани, еден од неговите играчи не успеа да ја избие топката, Елмас се постави пред него, топката се одби до Осимен кој со глава ја смести во голот.



Тотенхем славеше во Њукасл со 3:2, во претпоследниот натпревар од осмото коло. Тотенхем со оваа победа се израмнија со Брајтон на четвртото место, двата тима имаат по 15 бодови.

Ерата на саудиските газди, започна добро за Њукасл, но заврши со пораз. Калум Вилсон по 120 секунди игра го совлада Љорис, за голема радост на 52.000 публика на „Сент Џејмс парк“.

До крајот на полувремето Тотенхем направија целосен пресврт. Ндомбеле постигна убав гол за израмнување во 17.минута, а пет минути подоцна Кејн му донесе предност на Тотенхем.

Во 40.минута, навивач колабираше на трибините. Натпреварот беше прекинат, судијата Андре Маринер ги испрати играчите во соблекувалната. Лекарите навремено интервенираа, по укажаната помош, навивачот во стабилна состојба е префрлен во болница.

Маринер го продолжи првиот дел за седум минути, а во третата минута од „неговото“ време Сон зголеми на 1:3.

Во вториот дел, Њукасл останаа со играч помалку. Џоџо Шелви на теренот влезе во 60.минута, а во 83. поради вториот жолт картон ја напушти играта. До крајот Дајер си постигна комичен авто-гол и ги постави конечните 2:3.