Спорт
Бејл ќе започне нова кариера
Само неколку дена откако го објави крајот на блескавата фудбалска кариера, Герет Бејл најави нов спортски предизвик.
Велшанецот на Инстаграм потврди дека ќе учествува на претстојниот професионален голф турнир.
Во натпреварувањето чиј награден фонд е седум милиони евра, поранешната ѕвезда на Тотенхем и Реал Мадрид ќе им се придружи на познати личности кои ќе ги одмерат силите против најдобрите светски професионалци.
Пред неколку години, Предраг Мијатовиќ, поранешен напаѓач и спортски директор на Реал Мадрид, истакна дека за Бејл, Велс е прв на листата на приоритети, втор е голфот, а клубот каде што зема плата е на третото место.
Неговата изјава толку многу ги воодушеви велшките навивачи што во 2019 година ветија дека ќе го стават на знамето кое ќе се вее од трибините за време на натпреварот против Унгарија.
Тој натпревар беше клучен за двете репрезентации во ловот на ЕП, а по неа Бејл се фотографираше со тоа знаме во преден план.
Сега кога ја заврши фудбалската кариера, голфот го зазеде првото место во неговиот живот.
Зад Велшанецот е импресивна кариера во која освои пет трофеи во Лигата на шампионите и три шампионски титули на Шпанија.
Се прослави играјќи за Тотенхем, од кој во 2013 година се пресели во Реал Мадрид за тогаш рекордни 100 милиони евра.
За Реал Мадрид настапи на 258 натпревари и постигна 106 голови. Тој ги постигна двата најважни гола за клубот во финалето на Лигата на шампионите во 2018 година против Ливерпул.
Тој во игра како резерва влезе во 62. минута при 1:1, за две минути подоцна да ја затресе мрежата на „црвените“.
Во првите сезони во Реал беше одличен, но подоцна стана голем финансиски товар за клубот кој го испрати на позајмица во Тотенхем, а по истекот на договорот замина во Америка.
Во последните години тој стана омразен во Реал бидејќи изјави дека „може да игра голф додека не му истече договорот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) На Хезоња му „пукна филмот“, упати жестоки пцовки кон судијата Пукл
Реал Мадрид поведе со 2-0 во четвртфиналната серија против Басконија. Победата 101:90, мина во сенка на исклучувањето на нервозниот Марио Хезоња.
На три минути до крајот на натпреварот, во ситуација кога Реал имаше комотна предност од 93:77, по еден дуел Хезоња се најде на паркетот, побара фаул, не го доби, а потоа почна да му се жали на словенечкиот судија Саша Пукл.
Судијата поради бурниот протест му додели техничка, а откако Хезоња продолжи, му даде уште една.
Хезоња седна на клупата, а кога му покажаа дека мора да ја напушти салата му „пукна филмот“. Тогаш капитенот на хрватската репрезентација испука канонада од навреди кон судијата Пукл.
Една по друга се редеа пцовките кои ги забележа камерата.
Ќе биде интересно да се види каква казна го чека Хезоња со оглед на она што го кажа, а што Пукл сигурно добро го разбра. Прашање е и што судијата внел во записникот.
Expulsion de Mario Hezonja qui a probablement donné des nouvelles du pays aux arbitres ! #EveryGameMatters #SkweekLive pic.twitter.com/8hR3oe8M5K
— The Upset Media (@TheUpset_media) April 25, 2024
Спорт
Само легендарните Брајан Клаф и Алекс Фергусон се пред Гвардиола
Манчестер Сити на Пеп Гвардиола не знае за пораз на последните 30 натпревари.
Во ерата на Премиер лигата, само Манчестер Јунајтед на Алекс Фергусон имаше подолга серија без пораз во една сезона во сите натпреварувања.
Граѓаните, синоќа убедливо го победија Брајтон на гости со 4:0 и тоа им беше јубилеен 30-ти последователен натпревар без пораз сезонава. Во оваа серија остварија 24 победи.
Од формирањето на Премиер лигата, само на Манчестер Јунајтед имале подолги серии. Во сезоната 1993/94 имале серија од 34 натпревари, а еден натпревар помалку во сезоната 1998/99.
Последен тим што ги победи „граѓаните“ сезонава (без изведување пенали) беше Астон Вила на 6 декември на „Вила Парк“ (1:0).
Најдолгата серија во историјата на англискиот фудбал ја има Нотингем Форест предводен од легендарниот Брајан Клаф, кога во историската 1978 година нанижа 40 натпревари без пораз во сите натпреварувања.
Спорт
(Видео) Јокиќ и Денвер победија во Лос Анџелес, Ембид постигна 50 поени во важната победа на Филаделфија
Актуелните шампиони Дебвер Нагетс победа ги дели од пласман во конференциското полугинале. Нагетс поведоа со 3-0 во серијата против Лос Анџелес Лејкерс. Третиот печ, на теренот на пртивникот го добија со 112:105. На Истокот, Филалделфија Севентисиксерс го намали резултатот во серијата против Њујорк Никс на 2-11, a Орландо Меџик повеоа со 3-0 против Кливленд Кавалирс. Филалделфија победи во третиот натпревар со 125:114, а Орландо со 121:83.
Никола Јокиќ одигра одличен натпревар, забележа 24 поени, 15 скока и девет асистенции. Јокиќ шутираше 9/13 од поле, а 6/7 од линијата за слободни фрлања.
Покрај Јокиќ, уште тројца играчи на Денвер имаа 20+ поени. Гордон постигна 29, Мареј 22, а Портер Јуниор 20 поени.
Во поразениот тим Дејвис беше најефикасен со 33 поени и15 скока, додека Џејмс заврши со 26 поени и девет асистенции. Целосно потфрли Дианџело Расел кој мечот го заврши со нула поени.
Џоел Ембид, актуелниот МВП на лигата, одигра одличен натпревар постига 50 поени, со 13-19 од поле и дури 19-21 од линијата за слободни фрлања. Ембид имаше и осум скока, четири асистенции и блокада, тимот со него на теренот имаше +16. Тајрис Макси беше одличен со 25 поени и седум асистенции, Оубре постигна 15, а Пејн 11 поени.
Во поразениот тим Џејлен Бренсон постигна 39 поени, Харт го следеше со 20, Ануноби постигна 17, а Хартенштајн 14 поени.
Орландо се на чекор до полуфиналето на Истокот. До убедливата победа над Кливленд ги предводеа Банкеро со 31 поен и 14 скокови, Сугс со 26 и Вагнер со 16 поени. Ален и Леверт постигнаа по 15 поени за Кливленд, додека Мичел мечот го заврши со 13 поени.