Спорт
Бејл се закани дека ќе остане во Мадрид и ќе игра голф

Герет Бејл и Реал Мадрид се подготвени да влезат во „војна“. Ова може да се заклучи од изјавата на Велшанецот до неговите соиграчи дека е подготвен да остане во шпанската престолнина и да игра голф цела сезона доколку клубот не му ги плати преостанатите 51 милиони евра од неговиот договор со „кралскиот клуб“.
Бејл остана цело време на клупата во последниот меч од Ла лига за Реал, поразот од 0:2 од Бетис, по што Зинедин Зидан изјави дека не би го ставил во игра дури и да имал четири замени. По ова се зголемија шпекулациите дека тој е на излез од клубот, но шпанското „Радиестато“ тврди дека тој не е многу загрижен и дека на своите соиграчи јасно им порачал:
„Имам уште три години од договорот. Ако сакаат да си заминам, ќе треба да ми платат 17 милиони евра по сезона. Ако не, ќе останам тука. Ако треба, ќе играм голф“, изјавил наводно Бејл.
Бејл е љубител на голфот до толку што голманот Тибо Куртоа во едно интервју во февруари едноставно го нарече „голферот“.
?Cuenta Fernando Burgos una frase de BALE en el vestuario del @realmadrid
“Tengo 3 años de contrato. Si quieren que me vaya que me paguen 17 millones netos por temporada. Y si no aquí me quedo. Y si tengo que jugar al golf, juego” pic.twitter.com/p52RoyNu7C
— Radioestadio (@Radioestadio) May 19, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Руни: ЈУнајтед нема лидер, Мегваер мора да биде стартер

Вејн Руни, легендарниот напаѓач на Манчестер Јунајтед, верува дека тренерот Рубен Аморим мора да врати искусен играч во тимот за да го реши проблемот со недостатокот на лидерство што беше очигледен во поразот во градското дерби.
Тимот на Аморим беше лошо поразен од Манчестер Сити со 3:0 во неделата, а резултатот само го продолжува лошиот почеток на сезоната за „Црвените ѓаволи“, пишува „Дејли Мејл“.
Јунајтед забележа само една победа во првите четири кола од Премиер лигата, а доживеа и понижувачка елиминација од Карабао Купот од Гримсби. Руни, најдобриот стрелец во историјата на клубот, го гледа недостатокот на лидери на теренот како клучен проблем и верува дека Хари Магваер би можел да ја реши таа ситуација.
Зборувајќи во емисијата „Вејн Руни Шоу“ на Би-Би-Си, тој праша зошто Магваер падна во втор план во оваа сезона. Против Сити, Аморим се одлучи за Лени Јоро, Матијс де Лихт и Лук Шо во одбрана од тројца играчи, додека Мегваер влезе од клупата на „Етихад“ дури во 62-та минута.
„Хари треба да биде во почетниот состав“, рече Руни. „Го слушнав Џими Флојд Хаселбејнк како зборува за тоа и колку на Англија ѝ недостигаше Хари Мегваер на Европското првенство, бидејќи тој е лидер. Седам размислувајќи како може да биде во тимот кога се игра во систем со тројца во задната линија. Тој треба да биде таму, на Јунајтед им недостига лидер.“
Руни се согласи со поранешниот капитен на Јунајтед, Рој Кин, во неговата критика за недостатокот на страст кај играчите во дербито. Натпреварот заврши без ниту еден жолт картон.
„Можеш да изгубиш на „Етихад“, но не видов ниту еден старт – дури ни кога резултатот беше 2:0, 3:0. Не видов никого да каже „знаеш што, нема да го трпам ова“ и да добие жолт картон или да направи жестпк фаул“, рече Руни.
„Таа страст, таа желба. Тоа продолжува и продолжува. Сакам да бидам што е можно попозитивен и да ги поддржувам тренерот и играчите, но многу е тешко да седам тука и да кажам дека гледаме напредок или дека гледаме работи што ќе донесат резултати во блиска иднина.“
Спорт
Шредер во избрано друштво

Денис Шедер, моторот на германската репрезентација и ја донесе на својата земја втората европска титулата во историјата. Германија, синоќа во Рига, успеа да ги обедини светската и европската титула. Во 2023 година во Манила, Германија предводена од Шредер стана светски првак.
Во драматично финале, Германија успеа да ја победи Турција со 88:83. До златото ги предводеше Шредер, кој постигна 16 поени и 12 асистенции. Шест од 16 поени постигна во последната минута. Голема помош доби од Исак Бонга (20 поени), кој беше прогласен за МВП на финалето.
Шредер на крајот од рацете на шпанската легенда, Хорхе Гарбахоса, ја доби наградата МВП, за најдобар играч на првенството. Оваа награда, Шредер ја доби и на Светското првенство во Манила.
Капитенот на Германија стана седмиот играч во историјата кој успеа да ги обедини овие две награди.
Претходно тоа им успеало на Дражен Далипагиќ, Сергеј Белов, Тони Кукоч, Дражен Петровиќ, Дирк Новицки и Пау Гасол.
Foto/ EPA
List of players with Eurobasket and World Cup MVPs:
Sergei Belov
Drazen Dalipagic
Drazen Petrovic
Toni Kukoc
Dirk Nowitzki
Pau Gasol
DENNIS SCHROEDERThe German point guard now pretty much a lock for the Hall of Fame. All the other players in the list have been inducted. pic.twitter.com/qqJfV3bCVe
— HoopsHype (@hoopshype) September 14, 2025
Спорт
(Видео) Ди Марија постигна гол директно од корнер

Иконата на аргентинскиот и светскиот фудбал, Анхел Ди Марија, продолжува да импресионира дури и во ветеранските години.
Росарио Централ на Ди Марија и Бока Јуниорс го одиграа дербито на осмото коло во Калусура.
Ди Марија во 24-та минута изведе корнер, ги изненади сите на стадионот, наместо центаршут постигна спектакуларен гол и го постави конечниот резултат.
¡¡¡GOLAZO OLÍMPICO DE FIDEO DI MARÍA PARA EL 1-1 DE ROSARIO CENTRAL ANTE BOCA!!! pic.twitter.com/DDWGnuSt9W
— SportsCenter (@SC_ESPN) September 14, 2025
По петтото реми во седум натпревари, тимот на Ариел Холан е сè уште непоразен, бидејќи забележа и две победи. Тимот од стадионот „Иганте де Арохито“ е на седмата позиција на Клаузура со натпревар помалку, па со нов триумф, би можеле да стигнат и до четвртото место.
Ди Марија се врати во својот клуб од детството ова лето, дојде од Бенфика како слободен играч. Оттогаш, тој одигра седум натпревари и постигна четири гола.
Фото/ Принтскрин