Спорт
Битола е подготвена за завршниот турнир во Купот, трофејот го брани МЗТ
Извор и фото/ kfsm.mk
Завршниот турнир во Купот „Благоја Георгиевски-Буштур“2024, од четврток до сабота, ќе се одржи во Битола. Организатор на турнирот е КК Пелистер заедно со Општина Битола. Титулата ја брани МЗТ.
МЗТ одбраната на титулата во Купот на Македонија, во четврток ќе ја започне против Гостивар.
„Пред се да изразам задоволство што Купот се игра надвор од Скопје, сите нас треба да не радува што се појавуваат нови кошаркарски центри како што е Битола. Можеби Битола долго време важи за ракометен град, но верувам дека со развојот на кошарката и тоа ќе се помени. Самото име МЗТ носи своја тежина и како 11-кратен освојувач на купот одиме по нов трофеј. Играме со Гостивар, тим предводен од тренер кој е легенда на македонската кошарка и кој ќе знае како да ја подготви својата екипа. Врзавме неколку победи на АБА2 турнирот, без лажна скромност дојдовме во Битола за да го одбраниме трофејот“, изјави Миодраг Тодоровиќ.
На спротивната страна, Јорданчо Давитков како предводник на Гостивар се пожали на проблеми со ростерот, но и најави борба на својот тим во обид да приреди изненадување.
„Битола е кошаркарски град, се надевам дека ќе има полна сала и дека во трите дена ќе бидеме дел од кошаркарски празник. Екипите се доста израмнети и ќе мора сите да се намачат за да стигнат до победите што ги посакуваат. Нека биде се на висина на задачата, па најдобриот нека победи на крај. Можеби е клише, но во купот нема фаворити, тоа е специфично натпреварување во кое многу послаби екипи победувале поголеми фаворити. Ние имаме навистина многу повредени играчи, МЗТ е еден од фаворитите, ние ќе одиграме најдобро што можеме, па ќе видиме колку е тоа најдобро што можеме доволно за да стигнеме до добар резултат“, прокоментира Јорданчо Давитков.
Тренерот на Работнички, Горан Самарџиев, најави дека „центарци“ се подготвени да атакуваат на трофејот.
„Како играч имам многу куп-трофеи, но сега сум во поинаква улога. Работнички секогаш атакува на трофеи, поголем акцент ставаме на титулата, но кога сме тука секако дека ќе сториме се за да го кренеме и куп-пехарот“, прокоментира Горан Самарџиев.
„Црвено-белите“ од Скопје во четвртфиналето ќе се сретнат со ТФТ, ривал што два пати го совладаа во првенството.
„За нас купот засекогаш ќе остане специјално натпреварување, нешто што одговара на нашиот менталитет бидејќи со себе носи и емоција и инспирација. За некој да го освои купот треба да биде на физички план подготвен за три врвни меча во три дена, што не е нималку лесно. Противник ни е Работнички, екипа што е во завршна фаза на враќањето на победнички патеки. Тоа е тим што ни ги нанесе двата најубедливи пораза оваа сезона. Фокусот ни е на првиот меч, а сонуваме за финале в сабота“, изјави стратегот на ТФТ, Боро Смилковски.
Еуро Никел и Чаир ќе излезат на мегдан во четвртфиналето од Купот на Македонија, два тима што важат за пријатни изненадувања оваа сезона.
„Имаме максимален респект кон противникот, знаеме дека имаат претрпено играчки промени во однос на првиот меѓусеен дуел. И тие и ние имаме своја математика, ни останува да се претставиме во најдобро светло “, изјави тренерот на Еуро Никел, Тодор Манев.
Во таборот на Чаир владее оптимизам дека во дебито на куп-натпреварувањето ќе се успее да се стигне најмалку до една победа.
„Сосема заслужено сме дел од ова натпреварување. Еуро Никел е тим што го респектираме, тие се единтвениот тим што успеа да слави против нас во Чаир. Ги увидовме грешките од тој меч, добро ќе се подготвиме, се наоѓаме во добра форма од три победи по ред и верувам дека ќе одиграме добар меч“, прокоментира стратегот на Чаир, Ерхан Рамадан.
Пелистер и Феникс 2010 ќе го одиграат последното четвртфинале на првиот ден од програмата на завршниот турнир од Купот на Македонија. Битолчани како домаќини не ја кријат желбата да стигнат до трофејот пред своите верни навивачи, но против себе ќе го имаат Феникс, тим од кој беа елиминирани лани од ова натпреварување.
Овие два тима се сретнаа пред неколку дена во домашното првенство, победи Пелистер.
„Феникс е традиционално незгоден ривал на Пелистер, натпреварот пред неколку дена се покажа како доста тежок за нас. Имајќи го во предвид фактот дека за 13 дена игравме шест меча и истрошеноста беше видлива, во однос на тоа како се одвиваше мечот. Се надевам дена во наредните денови ќе се стабилизираме и добро ќе се подготвиме за она што не очекува в четврток. Во моментов сме фокусирани само на Феникс, тим што цела сезона игра квалитетно, воопшто не размислуваме на ништо друго“, изјави стратегот на „пелистерци“, Дарко Радуловиќ.
Феникс лани приреди изненадување со пласманот во големото финале, а скопскиот клуб ќе допатува во Битола со уште поголем оптимизам, најавувајќи атак на големиот трофеј.
„Ние лани игравме финале, оваа година сме дојдени за да го освоиме трофејот. Ќе бидам краток. Го почитуваме секој противник, Пелистер е квалитетна екипа, наптреварот ќе биде тежок, но ние доаѓаме за да се обидеме да го освоиме трофејот“, прокоментира тренерот Денис Дервишевиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Фото и Видео) Спектакл во Париз – Свечено отворени 33. ЛОИ
Вечерва во француската престолнина Париз на спектакуларен начин беа отворени 33. Летни олимписки игри. Париз по пауза од 100 години повторно е домаќин на најголемиот спортски настан. Спектаклот не го распипа ниту дождот кој цело време паѓаше.
Од 26 јули до 11 август во Париз, како и во 16 други градови во Франција и во далечниот Тахити ќе се одржат 329 настани во 32 спортови, на кои ќе учествуваат 10.714 спортисти.
Прв пат во историјата отворањето на ОИ беше на стадион, туку церемонијата се одвиваше на реката Сена.
Парадата на бродови започна под мостот Аустерлиц, низ Сена бродовите пловеа шест километри и минуваа под историските мостови и препознатливите знаменитости како катедралата Нотр Дам и Лувр.
Бродовите со спортистите на крајот пристигнаа пред Трокадеро, шеталиштето спроти Ајфеловата кула. Таму се одржа официјалниот дел од протоколот и палењето на олимпискиот оган.
Организаторите подготвија околу 100 чамци, на кои беа сместени околу 10.500 спортисти. Поголемите национални делегации имаа свои бродови, додека помалите ги делеа со другите.
Македонија во Париз ќе настапи со шест спортисти: Никола Ѓуретановиќ (пливање, 400 метри слободно), Анастасија Мојсовска (спортско стрелаштво, 10 метри воздушна пушка), Дарио Ивановски (атлетика, маратон), Владимир Егоров (борење до 57 килограми, слободен стил), Еди Шерифовски (џудо) Милијана Рељиќ (таеквондо).
Знамето на отворањето го носеа Милијана Рељиќ и Дарио Ивановски.
Македонската делегација на бродот беше заедно со делегациите на Луксембург и Мадагаскар.
Церемонијата започна со скеч снимен претходно. Францускиот актер и комичар Џамел Дебуз го донесе факелот на стадионот, а потоа сфати дека отворањето нема да се одржи тука. Факелот потоа го презеде Зинедин Зидан, легендата на францускиот и светскиот фудбал.
Првата, како и обично, беше грчката делегација. Зад неа е олимписки тим на бегалци.
Некаде на почетокот настап имаше поп ѕвездата, Лејди Гага. Отворањето не можеше да помине без познатиот танц „Кан-кан“. Извореден настап имаа хеви металците од францускиот бенд Гожира, момците беа најавени од „Марија Антоанетаe“, француската кралица, како ја држеше отсечената глава. А по хеви метал бендот следуваше дел од операта Кармен, а потоа следуваше настап на уште една голема ѕвезда Аја Накамура.
…Gaga oh la la!
Excuse us as we pick our jaws off of the floor 🤯 @ladygaga just blew us away with a dazzling French cabaret performance at the #Paris2024 #OpeningCeremony! pic.twitter.com/oXBtU8wit3
— The Olympic Games (@Olympics) July 26, 2024
И модна ревија беше дел од церемонијата на свеченото отворање.
Дефилето заврши со делегацијата на земјата организатор. Франција на ЛОИ ќе настапи со 500 спортисти.
Here they come, Team France, the host nation! 🇫🇷
And while we're at it, let's sail across the waters, to Tahiti, where the surfing competition will take place. 🌊#Paris2024 #OpeningCeremony pic.twitter.com/P3U5McBRuR
— The Olympic Games (@Olympics) July 26, 2024
На крајот беше кренато олимпиското знаме, пред Ајфеловата кула со нотите на олимписката химна во изведба на 60 хористи на Радио Франција и 90 членови на националниот оркестар.
Потоа свои обраќања имаа Тони Естанж, претседател на Организациониот комитет „Париз 2024“, првиот човек на интернационалниот олимписки комитет, Томас Бах и претседателот на Франција, Емануел Макрон кој ги прогласи 33. ЛОИ за отворени.
И за крајот остана палењето на олимпискиот оган. Мистериозниот човек кој не прошета низ Париз му го предаде факелот на Зинедин Зидан, легендарниот фудбалер потоа му го врачи на Рафаел Надал, потоа го презеде Серена Вилијамс, па мина низ рацете на славната Надија Команечи, легендарниот Карл Луис, Амели Морезмо, Тони Паркер, Мишел Гигу, Мари Жосе Перек…за на крајот да дојде до легендите на францускиот спорт атлетичарката Мари-Жосе Перек и џудистот Теди Ринер.
Целата церемонија заврши со изведбата на Селин Дион.
Главен режисер на свеченото отворање е Томас Жоли, француски театарски режисер и актер, настапија околу три илјади уметници, 400 од нив беа танчери.
Според прогнозите свечената церемонија на отворањето на ЛОИ ја следеа околу 600.000 луѓе. Дури 222.000 билети биле бесплатни, додека 104.000 биле продадени.
Низ француската метропола исто така беа поставени 80 големи екрани.
Француската полиција објави дека целиот настап минал без инциденти. За безбедноста се грижеле 45.000 полицајци и жандарми и 10.000 војници.
Спорт
Македонската делегација продефилира на свеченото отворање на ЛОИ
Македонската делегација продефилира на свеченото отврање на Летните олиписки игри во Париз. Француската престолнина по 100 години повторно го организира најголемиот спортски настан.
Македонија во Париз ќе настапи со шест спортисти: Никола Ѓуретановиќ (пливање, 400 метри слободно), Анастасија Мојсовска (спортско стрелаштво, 10 метри воздушна пушка), Дарио Ивановски (атлетика, маратон), Владимир Егоров (борење до 57 килограми, слободен стил), Еди Шерифовски (џудо) Милијана Рељиќ (таеквондо).
Знамето на отворањето го носеа Милијана Рељиќ и Дарио Ивановски.
Македонската делегација на бродот беше заедно со делегациите на Луксембург и Мадагаскар.
🇲🇰MACEDONIA 🇲🇰 ❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️#ceremoniedouverture #OpeningCeremony #Paris2024 pic.twitter.com/lnHJUTVMHI
— 🙀 VeryBadMjay / ВериБедМјау 😹 (@veribedmjay) July 26, 2024
Спорт
Вестбрук и официјално е играч на Денвер
Ветеранот Расел Вестбрук (35) официјално стана играч на Денвер Нагетс. Вестбрук со франшизата од Колорадо потпиша двегодишен договор вреден 6,8 милиони евра. Веста за трејдот на Вестбрук во таборот на Нагетс ја објави добро информираниот НБА инсајдер Шамс Шаранија. .
Поранешниот кошаркар на Оклахома, Хјустон, Вашингтон, Лејкерс и Клиперс во Денвер ќе му се придружи на Никола Јокиќ, кој инсистираше на неговиот трансфер.
Вестбрук беше трејдуван од Клиперс во Јута, по што „џезерите“ го откупија неговиот договор и кошаркарот стана слободен играч.
Нагетс добија играч кој во текот на кариерата беше она што денес е Никола Јокиќ, трипл-дабл машина. Вестбрук се уште го држи НБА рекордот по бројот на натпревари во кои забележал двоцифрени бројки три статистички категории.
Тоа го направи на 199 натпревари.
Покрај тоа, тој ја освои титулата МВП во сезоната 2016/2017, два пати беше најдобар стрелец во лигата, девет пати учествуваше во „Ол-стар“ натпреварот и неодамна беше избран меѓу најдобрите НБА играчи на сите времиња.
Денвер, секако, не ја добива најдобрата верзија на Расел Вестбрук, ниту блиску до тоа, туку играч кој пред се со своето искуство може да придонесе Јокиќ и неговиот тим да го задржат највисокиот квалитет на игра.
ДУИ за Балансерот: Тоа е опасен обид за намалување на влијанието на Албанците во јавниот и институционалниот живот на државата
Демократската унија за интеграција најостро ја осудува одлуката на владата со моноетнички легитимитет да ја смени формулата „балансер“ од 29,5%...
Пратеници на службените електронски адреси добиле заканувачки пораки
МВР соопшти дека вчера во 13.58 часот во Полициската станица Центар, претставник на една политичка партија пријавил дека на 23.07.2024...
Иселениците повеќе нема да ја одредуваат етничката застапеност во државните институции, сменет е процентот на балансерот
Министерот за јавна администрација, Горн Минчев, објави дека се изменети процентите на балансерот, кој од 2022 година ја броеше и...
По 200.000 денари субвенција за занаетчиите за нов алат, машини или нов производ, пријавување до 1 октомври во Економија
Занаетчиите што купиле нов алат, машини или имале нов производ во 2023 и 2024 година ќе може да се пријават...
До декември потешките операции, место во Клинички, ќе се прават во „8 Септември“ и во „Св. Наум Охридски“, Таравари најави нов тендер за компресорска станица
Хируршките сали во Клиничкиот центар ќе функционираат со надворешни компресори и со намален интензитет до декември. Ова решение како привремено...
Наместо Скопје, прашина на подножјето на Водно – што се случувало во сеизмолошката станица за време на скопскиот земјотрес
Денес, 26 јули, одбележуваме 61 година од скопскиот катастрофален земјотрес, кој остави длабоки траги во историјата на градот Скопје. Земјотресот...
Амбулантата во Илинден готова до Нова година, ќе почне со општи лекари, а веќе се бараат и интернист, педијатар, гинеколог…
До Нова година ќе биде пуштена во употреба реновираната амбуланта во општина Илинден, која ќе ги опслужува и жителите на...
Телефонот на врховниот судија Георгиев упатува на друго кривично дело – одземени и досиеја при претресот во Академијата за судии
Два мобилни телефона од лице вработено во Академијата за судии и јавни обвинители, како и видеозапис и две досиеја –...
„Вреди“ го прозва Али Ахмети откога СДСМ ја призна грешката за измените на Кривичниот законик
Претседателот на СДСМ, Венко Филипче, ја призна грешката, дали ова ќе го направи и Али Ахмети од ДУИ, прашуваат од...
Почвата кај Берово не се смирува: утрово регистриран уште еден земјотрес
Земјотрес од 3,1 степени утрово е регистриран во околината на Пехчево и Берово. Според информациите на Сеизмолошката опсерваторија, земјотресот се...
Камала Харис до Нетанјаху: Ставете крај на војната во Газа
Американскaта потпретседателка Камала Харис, која се очекува да биде кандидат на Демократската партија на претседателските избори во ноември, одржа, како...
(Видео) Американска пратеничка со говорна мана одржа говор користејќи глас со вештачка интелигенциј
Американската пратеничка од Вирџинија Џенифер Векстон користеше програма за вештачка интелигенција (АИ) за да се обрати синоќа пред Претставничкиот дом...
Сончево со мала до умерена локална облачност и температури до 38 степени
Времето денеска ќе биде сончево со мала до умерена локална облачност. Ќе дува умерен, а наместа долж Повардарието и во...
Починато бебе во Богданци: подолг период било хоспитализирано
Вчера во 09.10 часот во СВР Струмица, лекар од Итна медицинска помош Гевгелија пријавил дека во Богданци починало машко бебе....
Во канал за наводнување пронајдена почината жена од Кочанско
Денеска во Полициската станица Кочани, К.Ј.(64) пријавил дека во канал за наводнување во близина на с.Оризари, кочанско, ја пронашол удавена...
Мицкоски по апелот на Филипче за нов кривичен законик: Што е со делата што застареа, а граѓаните плаќаат милиони отштета
Премиерот Христијан Мицкоски е согласен да биде донесен нов кривичен законик, кој ќе биде изработен според европските стандарди. Ова беше...
„Нема повеќе евтина храна на државна сметка“ – 50 отсто зголемени цените во владините објекти
Зголемување на цените на угостителските услуги во владините објекти за педесет отсто најави директорот на Службата за општи и заеднички...
Филипче призна дека згрешиле со измените на Кривичниот законик, на Владата ѝ предложи да донесе нов што им бил изготвен пред шест години
Претседателот на СДСМ, Венко Филипче, вели дека претходната влада згрешила што ги донела измените на Кривичниот законик, со кој застаруваат...
Таравари и со скратен буџет ќе ги вработува оние со договор на дело: Ќе најдеме решение и тие до крајот на годината да бидат редовно вработени
По одлуките за вработување на специјализантите и дополнувањето на позитивната листа на лекови, кои министерот за здравство, Арбен Таравари, ги...
Гром предизивка пожар во општина Старо Нагоричане
Гром предизвикал пожар на сува трева и шума во село Бајловце, општина Старо Нагоричане, информираа од регионалниот центар за управување...
