Спорт
Бостон ќе ја повлечат „петката“ на Кевин Гарнет (Видео)
Бостон Селтикс во чест на Кевин Гарнет ќе го повлечат дресот со бројот 5. Гарнет е дел од шампионскиот тим на славната франшиза кој во сезоната 2007/2008 ја освои титулата во НБА лигата.
Бостон низ историјата освоиле 17 шампионски титули, последната им ја донесе генерацијата предводена од Кевин гарнет, Пол Пирс и Реј Ален.
„Чест и задоволство ми претставува тоа што мојот број е пензиониран во Бостон. Секогаш ќе имам голема почит кон сосптвениците, генералниот менаџер Дени Ејнџ, тренерот Док Риверс, поранешните соиграчи и целата Селтикс-нација“, рекол Гарнет.
Еден од најдобрите крилни-центри во историјата на лигата во 2007 година од Минесота пристигна во Бостон. За Селтикс одиграл 396 натпревари, на кои во просек по натпревар бележел 15,7 поени, 8,3 скока, 2,7 асистенции, 1,2 украдени топки и една блокада.
Ко-сопственикот на Селтикс Вик Грусбек рекол дека Гарнет бил клучниот фактор во походот на титулата во 2008 година.
„Тој секогаш ќе биде мојот омилен Селтикс“, рекол Грунсбек.
Гарнет ја заврши кариерата во 2016 година во дресот на Бруклин Нетс. Тој е единствениот играч во историјата кој во кариерата бележел преку 25.000 поени, 10.000 скока, 5.000 асистенции, 1.500 украдени тпки и 1.500 блокади.
Исто така тој е единствениот што шест сезони во низа имал просек од најмалку 20 поени, 10 скока и пет асистенции.
Учествувал 15 пати на Ол стар натпреварите, а во 2004 година како играч на Минесота бил прогласен за МВП на регуларниот дел од сезоната.
Гарнет е најдобриот играч во историјата на Минесота поради што се очекува и Тимбервулс да го повлечат бројот 21 што го носел во оваа франшиза.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Скандал во Рим, Ѓоковиќ удрен во главата со шише за вода
Новак Ѓоковиќ доби шише во глава, кое беше фрлено од трибините додека даваше автограми.
Инцидентот се случи по победата на Ѓоковиќ, во второто коло на Мастерсот во Рим, над Французинот Корентин Муте 6:3, 6:1.
Додека најдобриот во светот давал автограми од трибините излетало шише со вода кое завршило во неговата глава.
Ѓоковиќ од болка паднал на земја, додека луѓето од организацијата притрчале да му помогнат. Новак останал долго да лежи, што јасно покажува дека шишето било полно и прилично тешко, а ударот бил многу болен. Според некои новинари од местото на настанот, Ѓоковиќ има расекотина на главата.
Како што пишува „Спортмесиасет“, српскиот ас веднаш бил пренесен во болница на преглед, имал благи вртоглавици, но генерално се чувствува добро. Се шпекулира и дека се работи за случајност, а шишето испаднало од ранецот на гледач од трибините и завршило со главата на Новак.
Ова го потврди и организаторот кој соопшти дека инцидентот се случил кога едно дете се наведнало преку оградата за да му даде на Ѓоковиќ тетратка на потпис, а од ранецот на детето испаднало алуминиумско шише со вода и завршило во главата на Ѓоковиќ.
This is shocking.
Novak Djokovic was hit on the head with a water bottle thrown from the stands while he was signing autographs.
Disgusting.pic.twitter.com/Pwt2sjBisl
— Relevant Tennis (@RelevantTennis) May 10, 2024
Спорт
(Видео) Новак Ѓоковиќ заврши на клиника, удрен e со шише во глава
Српскиот тенисер Новак Ѓоковиќ се пласираше во третото коло на Мастерсот во Рим, кој по голема борба го совлада Французинот Корентин Муте со 2:0 (6:3, 6:1), а по мечот се случи сериозен инцидент кога тој беше удрен во глава, најверојатно со шише.
View this post on Instagram
Српскиот тенисер веднаш се струполи на подот, а присутните велат дека има траги од крв.
Someone threw a water bottle at Novak Djokovic’s head when he was signing autographs.
He ends up on the floor.
Absolutely disgusting behavior from whoever did this.
The world is becoming a very sad place.
— The Tennis Letter (@TheTennisLetter) May 10, 2024
Имено, Новак е познат како некој кој има трпение за сите фанови. Така беше и овој пат во Рим. Новак без разлика на трудот што го имаше за време на натпреварот, се посвети на навивачите фотографирајќи и давајќи автограми. но, на излегување од теренот, некој фрлил шише и го удрил Новак во главата. Српскиот тенисер легнал на подот и веднаш се фатил за глава. Според присутните, Новак има расекотина, а забележливи се и траги од крв.
Како што јавија италијанските новинари, тој веднаш отишол во амбуланта и се пожалил на мачнина.
Спорт
(Видео) Мбапе објави дека заминува од ПСЖ
Една голема епизода во кариерата на Килијан Мбапе заврши. Францускиот фудбалер вечерва и официјално потврди дека на крајот од сезоната го напушта Пари Сен Жермен.
Но, вториот дел од енигмата сепак останува, бидејќи Мбапе не кажа каде ќе ја продолжи кариерата. Иако, цел свет тоа одамна го насетува.
Епизодата на Килијан во Париз не заврши славно. Трофејот во Лигата на шампионите и оваа сезона остана недостижен за брзиот напаѓач, иако „светците“ важеа за големи фаворити во полуфиналето против Борусија Дортмунд.
Сите други домашни трофеи одамна престанаа да ја задоволуваат гладта и на Ембапе и на навивачите на францускиот клуб.
И покрај тоа што не кажа каде ќе ја продолжи кариерата, тоа најверојатно ќе биде Реал Мадрид.
Мбапе вечерва преку видео порака се прости од навивачите на Пари Сен Жермен.
„Отсекогаш сум велел дека ќе ви се обратам кога ќе дојде вистинското време. Сакам да ве информирам дека ова е мојата последна сезона во Пари Сен Жермен. Нема да го продолжам договорот и оваа авантура ќе заврши во следните неколку недели. Мојот последен натпревар ќе го одиграм на „Паркот на принцовите“ во недела.
Се борам со многу емоции. Имав можност и голема чест да бидам дел од најголемиот клуб во Франција и еден од најдобрите во светот, што ми овозможи да дојдам овде и да почувствувам како е да се игра во голем клуб под притисок. Нашредував како играч, се разбира со едни од најдобрите фудбалери во историјата. Некои големи шампиони. Запознав многу луѓе, созреав како личност, со сета слава и грешки што ги направив“, изјави Мбапе.
MERCI. 🔴🔵 @PSG_inside pic.twitter.com/t0cL2wPpjX
— Kylian Mbappé (@KMbappe) May 10, 2024