Спорт
Браќата Вилијамс во Катар ќе играат за разни репрезентации
Браќата Вилијамс, фудбалери на Атлетик Билбао, на Светското првенство ќе настапуваат за две различни репрезентации. Постариот брат Инаки ќе игра за Гана во Катар, додека Нико ќе игра за Шпанија.
Инаки Вилијамс, летово реши да игра за Гана, земја од која потекнуваат неговите родители, иако играше за „Црвената фурија“ во јуниорските категории.
Од друга страна, Нико доби покана од Луис Енрике, што беше големо изненадување, а тој во интервју за „Марка“, откри дека по тренингот дознал дека добил покана за Светското првенство.
„Го завршив тренингот и дознав дека добив покана. Воопшто не го очекував тоа, затоа не го ни следев пресот. Многу сум среќен и сигурно ќе дадам се од себе за Шпанија, секогаш кога селекторот ќе ми даде можност“, изјави Нико, додека Инаки очекуваше дека ќе биде поканет.
„После тренингот ги видов членовите на стручниот штаб како се смеат и ми рекоа дека добив покана. Се изненадивме кога слушнавме дека и Нико оди во Катар. Го прегрнав бидејќи сум среќен и горд на него. Не можевме да замислиме дека и двајцата еден ден ќе одиме на Светско првенство, а особено дека ќе играме за различни репрезентации“, призна Инаки.
Нивните родители биле многу горди кога дознале дека и двајцата одат на Мундијалот, но се чини дека знаат за кого повеќе ќе навиваат.
„Нико веќе знае за кого ќе навиваат ха ха. Секогаш се со постариот, а се и од Гана, па логично е повеќе да ме поддржуваат“, низ смеа изјави постариот од браќата Вилијамс.
Гана е во група со Португалија, Уругвај и Јужна Кореја, а Шпанија ќе игра против Германија, Костарика и Јапонија. Постои можност браќата Вилијамс да играат еден против друг во четвртфиналето на Светското првенство.
Само еднаш се случи брат да игра против брат на Светското првенство, а тоа беше во 2010 година во Јужна Африка кога Џером и Кевин-Принс Боатенг играа еден против друг. Џером играше за Германија, а Кевин-Принс за Гана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.