Спорт
Во организацијата на СП Катар вложи 200 милијарди долари, се надева дека ќе заработи 20
Светското првенство во Катар ќе биде најскапото во историјата. Трошоците за организација изнесуваат неверојатни 200 милијарди долари. Русија пред четири години потроши 20 пати помалку пари за организацијата на СП.
Сјајните нови стадиони чинат повеќе од седум милијарди долари, додека системот на подземната железница што поврзува пет од осумте стадиони чинеше околу 36 милијарди долари.
Трошоците за проширување на меѓународниот аеродром Хамад, каде капацитетот беше зголемен од 40 на 58 милиони патници годишно, исто така изнесуваа неколку милијарди долари. Се изградија патишта, хотели, сали…
Со само 2,8 милиони жители, Катар е една од најбогатите земји во светот. Голем дел од трошоците за инфраструктура што му се припишуваат на Светското првенство се дел од поширокиот план за развој на земјата до 2030 година.
Групите за човекови права сè уште вршат притисок врз ФИФА и Катар да ги обесштетат многуте работници кои загинаа или беа повредени за време на градежната експанзија која започна во 2010 година кога Катар ја доби организацијата на СП.
Катар се надева дека ќе привлече повеќе од 1,2 милиони странски навивачи за време на турнирот. Земјата очекува да заработи од Мундијалот 20 милијарди долари.
Трошоци за организација на светските првенства:
СП Катар 2022 година – 200 милијарди долари
СП Русија 2018 – 11,6 милијарди
СП Бразил 2014 – 15 милијарди
СП Јужна Африка 2010 – 3,6 милијарди
СП Германија 2006 – 4,3 милијарди
СП Јапонија/Јужна Кореја 2002 година – 7 милијарди
СП Франција 1998 година – 2,3 милијарди
СП САД 1994 – 500 милиони
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.