Спорт
Брејк на Булс во Милвоки, нови победи за Бостон и Филаделфија
Чикаго Булс израмнија на 1:1 во серијата со Милвоки, Бостон води 2:0 против Бруклин, а Филаделфија ја забележа и третата победа над Торонто.
Втората победа на Чикаго Булс над Милвоки Бакс во последните 19 натпревари и донесе брејк и 1:1 во плејоф серијата. Бакс немаа решение за Демар Дерозан кој ги предводеше Булс со 41 поен. Во победата 114:110, покрај Дерозан, кај Булс се истакнаа Никола Вучевиќ (24 поени, 13 скока и Зек Лавин (20 поени).
Најефикасен во редовите на Милвоки беше Јанис Адетокумбо со 33 поени, 18 скока и девет асистенции. Гркот стана најдобриот стрелец на Милвоки во плејофот, 1.715 поени. На вечната листа го мина Карим-Абдул Џабар, 1.692 поени.
Брук Лопез уфрли 25, Крис Мидлтон 16, а Џру Холидеј 15 поени.
Бостон Селтикс ја забележаа втората победа против Бруклин Нетс. За разлика од првиот меч, кога Џејсон Тејтум погоди за победа со звукот на сирената, овој пат Селтикс нешто полесно дојдоа до победата.
Селтикс со тимска игра го добија натпреварот. Само еден од играчите кои добија шанса постигна помалку од 10 поени. Џејлен Браун беше најефикасен со 22 поени, Џејсон Тејтум постигна 19, на кои придодаде шест скока и 10 асистенции.
Кај Бруклн, Кевин Дурент реализираше 27 поени, но погоди само четири од 17 шутеви од игра. Кеј Ди од линијата за слободни пстигна 18 поени.
Филаделфија една победа ја дели од пласман во наредната рунда. Третиот меч од серијата со Торонто, кошаркарите на Филаделфија од добија во продолжението со 104:101.
Блескаше Џоел Ембид кој постигна 18 поени во последната четвртина, а натпреварот го заврши со 33 поени и 13 скока. Тајрис Мекси и Џејмс Харден постигнаа по 19 поени.
О Џеј Ануоби го предводеше Торонто со 26 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).