Спорт
Бускет од медиумите дознал дека Барса повторно ќе ги намалува платите
Капитенот на Барселона, Серхио Бускетс изјави дека клубот не го информирал за намерата да им ги намали платите на играчите, потенцирал дека е лут, бидејќи информацијата ја дознал од медиумите.
Бускетс има намера лично да разговара со претседателот на клубот Џоан Лапорта и со играчите за ситуацијата во која се наоѓа клубот.
„Слушнав многу муабети, кога ќе се вратам од годишниот одмор не знам што ќе ми кажат во клубот. Каква одлука и да донесат би сакал лично да ми ја соопштат, не сакам за клупските одлуки да дознавам од медиумите. Тие не ни предложија, не ни кажаа ништо што и вие не сте слушнале“, изјавил Бускетс и дополнил.
„Ништо не ме изненадува, тоа е дел од играта, но мислам дека не е добра одлука тоа да се направи преку медиумите, секогаш е подобро да се разговара директно, лице в лице. „Секогаш сум подготвен да помогнам и да го најдам најдоброто решение, поради тоа би сакал да се сретнам со претседателот и да разговарам, а не да дознавам работи од медиумите.“
Бускетс влегува во последната година од договорот со Барселона, а раководството би можело да му понуди нов договор со помала плата.
Тој одигра 50 натпревари во сите натпреварувања оваа сезона и му помогна на клубот на крајот да го заземе второто место на табелата во Примера.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Спектакл во Париз – Швјонтек спаси меч топка па ја победи Осака
Бранителката на титулата на Ролан Гарос, Ига Швјонтек, мина низ пекол во второто коло против поранешната број 1 Наоми Осака. Тенисерката од Полска беше пред елиминација, но на крајот по три часа спектакуларен тенис „Филип Шатрие“ го напушти со високо кренати раце.
Швјонтек ја победи Осака со 7:6, 1:6, 7:5.
Јапонката која во периодот од 2018 до 2022 година освои четири грен слем титули пропушти меч топка во осмиот гем решавачкиот сет.
Швјонтек подобро го започна мечот, прва направи брејк, но Осака откако го врати брејкот дојде и до сет топка. Бранителката на трофејот успеа да се извлече од таа ситуација, да избори тај-брејк во кој ја прегази противничата со 7:1.
Од тој момент на Осака започна да домиира, експресно го доби вториот сет, изедначи на 1:1, а потоа поведе и со 3:0 во третиот сет. Дојде Јапонката и до 5:2, во наредниот гем имаше меч топка и тука застана. Едноставно нејзината игра се распадна, започна да греши, а Швјонтек нанижа пет гема и го заклучи мечот.
Спорт
Македонија СП ќе го почне во Вараждин против Унгарија, Гвинеја и Холандија
Фото/ facebook.com/rfmofficia
Ракометната репрезентација на Македонија ги доби противниците на 29. Светско првенство во ракомет. Македонија ќе игра во Д групата во Вараждин против Унгарија, дебитантот Гвинеја и Холандија.
Група А (Хернинг): Германија, Швајцарија, Полска, Чешка
Група Б (Хернинг): Данска, Тунис, Алжир, Италија
Група Ц (Пореч): Австрија, Кувајт, Катар, Франција
Група Д (Вараждин): Унгарија, Гвинеја, Македонија, Холандија
Група Е (Осло): Норвешка, САД, Бразил, Португалија
Група Ф (Осло): Шведска, Чиле, Јапонија, Шпанија
Група Г (Загреб): Словенија, Зеленортски острови, Куба, Исланд
Група Х (Загреб): Хрватска, Бахреин, Аргентина, Египет
Првите три селекции од секоја група одат во вториот круг, каде ќе бидат формирани нови четири групи. Во четвртфиналето ќе се пласираат првите две селекции од секоја од тие четири групи. Од четвртфиналето ќе се игра нокаут систем.
Светското првенство ќе се игра од 12. јануари до 2.февруари 2025 година во Норвешка, Данска и Хрватска.
Спорт
Официјално: Венсан Компани е нов тренер на Баерн
Венсан Компани, поранешниот менаџер на англискиот премиерлигаш Барнли, е назначен за нов тренер на Баерн Минхен.
Договорот со 38-годишниот Белгиец е потпишан на три години, до летото 2027 година.
Компани го наследи Томас Тухел, со кого Баерн заврши на третото место во Бундеслигата. За прв пат по 12 години, славниот клуб од Минхен не освои ниту еден трофеј во сезоната.
🗨️ Vincent Kompany: “Ich freue mich auf die Herausforderung FC Bayern. Es ist eine große Ehre, für diesen Club tätig sein zu dürfen – der FC Bayern ist eine Institution im internationalen Fußball.” pic.twitter.com/lJozy9UtPH
— FC Bayern München (@FCBayern) May 29, 2024
„Се радувам на предизвикот во Баерн. За мене е голема чест што го претставувам овој клуб – Баерн е институција на светскиот фудбал“, изјави Венсан Компани по повод именувањето.
Компани го донесе Барнли во Премиер лигата пред една година, но оваа сезона тие завршија на 19-то место и испаднаа. Белгиецот претходно беше тренер на Андерлехт.
„Сакам кога мојот тим ја има топката, кога е креативен, но мораме да бидеме агресивни и храбри на теренот. Се радувам за работата со играчите и процесот на градење на тимот. Кога има основа, доаѓа успехот“, изјави Компани за официјалниот сајт на Баерн.