Спорт
Чалханоглу: Интер е многу посилен од Милан, Златан е престар за глупостите кои ги прави
Хакан Чалханоглу влезе во остар напад на неговиот поранешен клуб Милан и посебно на Златан Ибрахимовиќ по навредите кои ги доби од навивачите на „росонерите“, оценувајќи дека Интер е „многу посилен“ тим од шампионот Милан.
Турскиот репрезентативец играше за Милан од 2017 до 2021, кога како слободен агент замина во градскиот ривал, нешто што не беше пречекано добро кај „росонерите“. Секако, сеирот беше голем кога токму Милан го освои скудетото, и Чалханоглу беше мета на исмевање кај навивачите на градскиот ривал.
„Беше тешко, бидејќи сум во ист град, но носам поинакви бои. Но, јас работев напорно и знаев дека ова беше мојата шанса да отидам кај италијанските шампиони. И тогаш кога тимот во кој дојдов не го освои скудетото, тогаш луѓето се однесуваа како тоа да е моја вина. Среќен сум во Интер и поддршката од фановите е фантастична. Играв четири години во Милан, но никој не го пееше моето име на трибините, тука тоа се случува кога се загревам. Интер и така се многу посилен тим од Милан“, вели Чалханоглу.
За односите со Златан Ибрахимовиќ, тој има што да каже.
„Тој има 40 години, а не 18, така што не сфаќам како прави такви глупости. Сака да биде во центарот на вниманието. Тој воопшто не придонесе на скудетото оваа сезона, едвај играше, но само сака да биде најгласен. Покрај тоа, тој постојано ми се јавува, ме кани на вечера, дури пишуваше и во книгата за мене. Искрено, не ми е грижа многу“, вели Чалханоглу.
?Hakan Çalhanoğlu: Zlatan'ın benimle ilgili sözlerine cevap vermeyeceğim. O, ilgi çekmeyi seviyor. Ben Milan'da oynarken sürekli arayan, yemeğe çıkmak isteyen, birlikte motosiklet kullanan kendisiydi. Taraftarın ilgisini çekmek için bana yaptıkları doğru değil. (Tivibu Spor) pic.twitter.com/zi4zxlo5p6
— Fanatik (@fanatikcomtr) June 22, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.