Севилја се врати на победите, откако со 2:1 го совлада на гости Депортиво Алавес, за да се искачи на четвртото место на табелата во Ла лига, со само еден поен заостанување зад второпласираната Барселона.

Јусеф Ел Несири донесе експресно водство за гостите од Андалузија уште во третата минута, но Алавес се врати преку Едгар Мендез во 15-тата минута, пред Сусо во 30-тата минута да го врати водството на Севилја со фантастичен гол од најмалку 25 метри. Алавес имаа совршена шанса да израмнат во 90-тата минута, но Хоселу не беше прецизен од белата точка.

Претходно, Леванте, без Енис Барди во составот, пропушти 0:2 водство да одигра 2:2 кај Кадиз, а со ист резултат заврши и мечот Валјадолид-Елче.

ЛА ЛИГА, 19.КОЛО

Кадиз – Леванте 2:2

Валјадолид – Елче 2:2

Алавес – Севилја 1:2

„Кошмарот“ за Френк Лампард и за навивачите на Челси продолжи, откако на гостувањето на „Кингс пауер“, неговиот тим беше декласиран при 2:0 победата на Лестер, за „сините“ да го доживеат третиот пораз во последните пет меча и да останат 9 поени зад новите лидери, Лестер сити.

Вилфрид Ндиди уште во четвртата минута ги донесе домаќините во водство, за Џејмс Медисон во 41. минута да зголеми на 2:0, резултат од кој немаше враќање за Челси. Лестер ја контролираа играта во првото полувреме, а Челси се жалеа што досудениот пенал во 38. минута беше преименуван во слободен удар по проверката со ВАР системот. Во второто полувреме, Челси имаше повеќе од играта и поседот на топката, меѓутоа не можеше да направи ништо повеќе, а ВАР повторно им го сврте грбот, кога во 86. минута го поништи голот на Тимо Вернер (кој влезе како замена) поради офсајд ситуација.

Лестер сега се први со 38 поени, пред Манчестер јунајтед со 37 (и натпревар помалку) и Манчестер сити со 35 (и два натпревари помалку), додека Челси се само осми со 29 поени.

Баер Леверкузен со 2:1 славеше над Борусија Дортмунд во дербито на 17-тото коло од Бундеслигата, каде што човек на одлука беше 17-годишниот талент на „фармацевтите“, Флоријан Вирц, кој го реши победникот на дербито и ги крена Леверкузен на второто место на табелата.

Муса Дијаби уште во 14. минута погоди за Баер, но „милионерите“ успеаја да се вратат во игра со голот на Јулијан Бранд од голема далечина во 67. минута, за во еден одлично испланиран контранапад, Диаби да му асистира на Вирц во 80. минута за победа. Леверкузен сега има 32 поени, четири помалку од лидерот Баерн, додека Дортмунд се четврти со 29 поени.

Во другите мечеви, Хофенхајм победи во престолнината со 3:0 над слабата Херта, додека Мајнц остана во зоната за испаѓање по 0:2 поразот од Хофенхајм. Борусија Менхенгладбах, претходно, со 1:0 го победи Вердер за четврти триумф во последните пет меча за „ждребињата“.

БУНДЕСЛИГА, 17.КОЛО

Баер Леверкузен – Борусија Дортмунд 2:1

Борусија Менхенгладбах – Вердер Бремен 1:0

Херта Берлин – Хофенхајм 0:3

Мајнц – Волфсбург 0:2

#BUNDESLIGAxTLT 🇩🇪 | ¡GOOOOOOOOOOOOL! ⚽️

⏰ 80’ Bayer Leverkusen 2-1 Borussia Dortmund

¿SENTENCIADO? 😳. Error imperdonable en salida de la visita, quedando muy mal parado, y los locales no desaprovecharon con el joven Wirtz 🔥

Míralo por acá: https://t.co/FAUYaP4VFC pic.twitter.com/qnkJVeTyCX

— TLT ¡La Tele Tuya! (Desde 🏠) (@LaTeleTuya) January 19, 2021