Спорт
Четири клуба бараат истрага против Евертон
Евертон, на драматичен начин, во последното коло избори опстанок во Премиер лигата. Минималната победа над Бортмут го остави „карамелите“ во англиската елита. Наместо да се слави опстанокот, Евертон се бори со бројни проблеми кои го притискатаат клубот. „Карамелите“, се соочуваат со судски постапки поради кои клубот може да изгуби десетици милиони фунти (во полза на Лестер, Лидс, Саутемптон и Барнли) доколку се открие дека ги прекршиле правилата за финансиски фер-плеј.
Како што пренесуваат британските медиуми, рочиштето е закажано за 25 октомври.
На крајот на март, случајот на Евертон дојде пред независна комисија која го истражуваше трошењето на клубот во сезоната 2021/22. Истрагата ја покренаа Лестер, Лидс, Саутемптон, Барнли и Нотингем Форест кои побараа Премиер лигата да го истражи случајот пред крајот на сезоната.
На крајот на сезоната 2021/22, Лидс и Барнли испратија писмо до челниците на лигата во кое побараа да се истражи дали клубот од „Гудисон“, ги прекршил правилата бидејќи имал пријавен долг од 371,8 милиони фунти во период од три години.
Премиер лигата дозволува максимален долг од 105 милиони на тригодишно ниво, оние кои не го почитуваат ова правило можат да бидат казнети со одземање поени.
Тогаш Премиер лигата им одговори на Лидс и Барнли дека веруваат дека нема случај против Евертон.
Клубовите повторно го покренаа ова прашање во март годинава.
Според „Гардијан“, клубовите сега заеднички побарале помош од адвокатите и бараат случајот да се истражи до крај, а исто така тврдат дека оние кои на крајот испаднаа поради Евертон никогаш нема да можат да добијат соодветна финансиска отштета, бараат и спортски санкции и заштита на интегритетот на натпреварувањето.
Иако клубовите бараат брза процедура, од лигата наведуваат дека не можат и дека нема да брзаат, па расправата за овој случај ќе се одржи за четири месеци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ипсвич се врати во Премиер лигата
Ипсвич Таун по 22 години се врати во Премиер лигата. „Трактористите“ се апсолутни херои оваа сезона, од причина што минатата сезона се натпреваруваа во Лига 1 (трет ранг на англискиот фудбал). Покрај Ипсвич во Премиер лигата се врати и Лестер.
Ипсвич, во последното коло го победи Хадерсфилд со 2:0 на „Портман Роуд“ пред речиси 30.000 луѓе и го обезбеди второто место на табелата. Инаку, головите за Ипсвич ги постигнаа Вес Барнс во 27. минута и Омари Хачинсон во 48. минута.
Херој на „Трактористите“ пред сите е менаџерот Киран Мекена, млад стручњак кој своевремено работеше во штабовите на Жозе Мурињо и Оле Гунар Солскјаер во Манчестер Јунајтед. Во првата самостојна работа како тренер, овој 37-годишен стручњак од Лондон покажа дека му претстои светла иднина.
За третото место кое води од Чемпионшип во Премиер лигата оваа сезона ќе се борат Лидс Јунајтед, Саутемптон, Вест Бромвич Албион и Норич.
Од Чемпионшип испаднаа Бирмингем, Хадерсфилд и Ротерам.
Спорт
Тиаго Силва ги договорил условите со Флуминенсе
Фудбалерот на Челзи, Тиаго Силва ќе се врати во Флуминенсе, клуб во кој ја започна кариерата.
Силва неодамна објави дека ќе ги напушти „сините“ на крајот од сезоната, откако ќе му истече договорот.
Флуминенсе веќе усно се договорил со Силва.
Клубот има подготвено двегодишна соработка со Бразилецот, а истата треба да биде овековечена во следните неколку недели.
Силва за Челзи одигра 151 натпревар, постигна девет гола и забележа три асистенции.
Тој го освои и трофејот во Лигата на шампионите во 2021 година со клубот од Лондон. Го освои и Светското клупско првенство, како и Суперкупот на Европа.
Во исклучително богатата играчка кариера, Бразилецот пред Челзи настапуваше за Пари Сен Жермен, Милан, Флуминенсе, Хувентуд и Динамо Москва.
Спорт
(Видео) Арсенал не се откажува од шампионската трка
Фудбалерите на Арсенал го победија Борнмут со 3:0 во натпреварот од 36. коло на Премиер лигата.
Головите за „топчиите“ ги постигнаа Букајо Сака во 45. минута од пенал, Леандро Тросар во 70. и Деклан Рајс во седмата минута од судиското надополнување во вториот дел.
Арсенал доминираше во првото полувреме и постојано притискаш кон голот на гостите. Вп првите 30 минути блескаше голманот на Борнмут во првиот половина час беше голманот Марк Траверс, кој одбрани неколку тешки удари.
Во вториот дел Арсенал го зголеми притисокот кој резултираше со два гола.
На две кола до крајот на сезоната Арсенал има четири бода повеќе, од Манчестер сити кој до крајот на сезоната ќе одигра уште четири натпревари.