Фудбалскиот клуб Јувентус очигледно бара замена за Тиаго Мота. Мота ја нема најдобрата сезона откако пристигна од Болоња, а тешкиот пораз во Торино од Аталанта (4:0) дополнително „под лупа“ ја стави неговата позиција како шеф на стручниот штаб.

Покрај тоа, Јуве беше елиминиран од Лигата на шампионите од ПСВ, а потоа и од Купот на Италија од Емполи.

Италијанските медиуми веќе наголемо шпекулираат со името на можниот наследник. Најновите информации кои доаѓаат од Апенините се дека среде ноќ челници на Јувентус го контактирале Игор Тудор.

Хрватскиот стручњак (46) е без работа откако го напушти Лацио во 2024 година по една полусезона.

Тудор во кариерата го носеше дресот на „Старата дама“ од 1998 до 2007 година, во наведениот период освои две титули во Серија А.

Тренерската кариера ја започна во 2013 година во Хајдук Сплит, а има работено и во ПАОК, Карабукспор, Галатасарај, Удинезе, Верона, Марсеј и Лацио.

Нејмар повторно ќе мора да паузира. Искусниот и прославен бразилски напаѓач на претходниот меч не беше во составот на Сантос, поради нова повреда. Нејмар не се чувствувал подготвен и не се најде ниту на клупата за резерви.

Бразилецот се пожали на болки кои ги чувствува веќе неколку недели, но овојпат тоа го спречи претходната вечер да настапи за Сантос.

„За жал, чувствував болка во последните неколку недели… Навистина сакав да му помогнам на тимот, направивме тестови ова утро, но повторно почувствував болка“, рече Нејмар.

Нејмар беше во подем и во добра форма. Тој дури повторно беше повикан во репрезентацијата на Бразил, но сето тоа сега е под знак прашалник бидејќи не се знае колку време ќе отсуствува од терените.

Мајк Тајсон беше познат во текот на неговата кариера по својата бестрашност и бескомпромисна борба. Но, тој имаше и боксер од кој се плашеше и со кој не сакаше да влезе во рингот.

Тајсон се плашел од Џорџ Форман. Нивните менаџери преговарале за борба во 1990 година, но не успеале да се договорат. После тоа, Тајсон беше осуден за силување и мораше да оди во затвор, додека Форман го осови светскиот шампионски појас во 1994 година.

Боби Гудман, асистентот на најпознатиот боксерски менаџер Дон Кинг во тоа време, ги раскажа настаните околу потенцијалниот меч Тајсон-Формен во интервју за Boxing Scene.

„Дон и јас се обидовме да ја договориме борбата. Тој го убеди Тајсон дека Форман е стар и бавен и дека ќе заработи многу пари борејќи се со него. Тајсон стана и почна да вика: “Нема да се борам со тоа е..но животното. Ако сакаш влези ти и бори се”.

Од друга страна, ниту Форман не инсистирал премногу на борбата со многу помладиот и поексплозивен Тајсон.

„Тој беше кошмар во рингот. Не сакав да имам ништо со него. Тој беше чудовиште. Ако не те удри со лева или десна рака, ќе те гризеше. Не сакав да се борам со него“, изјави Форман за ESPN.