Спорт
Де Коло е најдобриот стрелец во историјата на европските натпреварувања

Кошаркарот на Асвела, Нандо де Коло, стана играч со најмногу постигнати поени во историјата на европските клупски натпреварувања.
Французинот во четвртата минута од натпреварот од 23. коло на Евролигата против Виртус го престигна легендарниот Грк, Никос Галис.
„Да размислиме малку, почнувајќи од 2007/2008 година, кога излегов на европската сцена со Шоле, па се до моментот во кој сум сега… Секојдневната напорна работа ме донесе на врвот на листата на најдобри стрелци во историјата на европските купови“, напиша Французинот на социјалните мрежи.
Let’s think about it one minute, back to the 2007-2008 season when I started on the European scene with Cholet Basket and here I am… A daily hard work which bring me at the top of the « most points in European Cups’ history » 🔥 pic.twitter.com/efA9hNEkaB
— Nando De Colo (@NandoDeColo) February 4, 2023
Галис постигна 4.904 поени во кариерата, додека 35.годишниот Де Коло стигна до 4.917 со своите 15 поени против тимот од Болоња. Сепак, Гркот стигна до нереалната бројка со само 148 натпревари, додека Де Коло досега одигра 324.
На таа листа на третото место е Дејан Бодирога со 4.458 бодови, а зад него е Хуан Карлос Наваро со 4.321.
Де Коло сезонава во Евролигата има просек од 13,7 поени, 2,5 скока и 3,6 асистенции.
Французинот помина две сезони во НБА, а во Европа настапуваше за Валенсија, ЦСКА и Фенербахче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хамилтон во Сингапур сруши рекорд на Михаел Шумахер

Луис Хамилтон успеа да сруши рекордот на Михаел Шумахер на неделната трка за Големата награда на Сингапур.
Седумкратниот светски шампион, кој од оваа сезона вози за тимот на Ферари, го освои осмото место во Сингапур, откако во финишот јамше проблеми со сопирачките, но успеа да груши рекорд на славниот Германец.
Британецот го извози најбрзиот круг на гореспоменатата трка. Тоа му успеа во последните 15 кругови кога на својот болид стави меку пневматици, во обид да го стигне Кими Антонели на петтото место.
Не успеа во тоа но го извозе најбрзиот круг. Со тоа успеа да заврши барем една голема награда со најбрз круг 16 години по ред.
Хамилтон го сруши рекордот на Михаел Шумахер, кој го постави во Ферари, со кој доминираше во Формула 1 на почетокот на овој век.
Спорт
(Видео) Чави мораше да молчи додека не го чуе името на подобар играч од средниот ред од него – Еве кога проговори

Еден од најдобрите играчи од средниот ред на сите времиња, за многумина во кругот на најдобрите фудбалери на сите времиња, Чави, се согласи на популарна игра во која мора да молчи додека не го чуе името на играч за кој мисли дека бил или е подобар од него.
Во случајот на Чави, се бараше подобар играч од средниот ред.
На Чави му беа понудени многу имиња на играчи на позициите во средниот ред пред да го прекине молчењето.
За него, тоа не беа ниту Стивен Џерард, Френк Лампард, Кевин Де Брујне ниту Андреа Пирло, иако со изразот на лицето ја покажуваше колку ги почитува. Прозборе кога му го спомнаа Зинедин Зидан.
Легендата на Барселона и шпанската репрезентација освои сè во својата кариера. Со Барселона, за која одигра 767 натпревари со учинок од 85 гола и 184 асистенции, осум пати беше шампион на Шпанија и четири пати ја освои Лигата на шампионите. Со Шпанија, за која постигна 12 гола во 133 настапи, ја освои титулата светски шампион (2010) и двапати беше европски шампион (2008, 2012).
Ја заврши кариерата во Ал Сад од Катар.
Xavi when asked "Stay quiet until we mention a better midfielder than you."
byu/mynamestartswithCa insoccer
Спорт
Ваков влез во сезона Милан немале 20 години

Фудбалерите на Милан досега одиграа шест натпревари во Серија А, а статистичарите извлекоа информации што укажуваат колку е дефанзивно моќен тимот.
Тимот што го предводи Масимилијано Алегри, моментално е трет во италијанското првенство. Досега примија само три гола, а Рома е единствениот тим во лигата што прими помалку од нив (2).
Она што се издвојува е фактот дека во шесте одиграни натпревари, Милан на четири од шестте натпревари не прими гол.
Откако за победа се доделуваат три бода (сезона 1994/1995), црвено-црните од „Сан Сиро“, само еднаш имале ваков старт, во сезоната 2006/2007.
Резултатите на Милан во Серија А оваа сезона:
1. коло: Милан – Кремонезе 1:2
2. : Лече – Милан 0:2
3. коло: Милан – Болоња 1:0
4. коло: Удинезе – Милан 0:3
5. коло: Милан – Наполи 2:1
6. коло: Јувентус – Милан 0:0