Спорт
Дебитантот на Ливерпул, Вилсон трагичар во пенал-драмата со Арсенал

Арсенал успеа да го исфрли Ливерпул во 1/16 финалето од Англискиот лига куп, откако по нерешените 0:0, во пенал серијата, ударот на Хери Вилсон, во својот прв старт за Ливерпул, заврши во рацете на Бернд Лено.
Во регуларните 90 минути, Арсенал имаше подобро прво полувреме, но „црвените“, предводени од новото засилување Диого Жота беа поактивни во второто, но на голот „топчиите“ го имаа супер-солидниот Бернд Лено.
Во другите два меча, премиерлигашите успеаја да загубат од второлигаши. Брентфорд, тимот кој загуби од Фулам во баражот за влез во ПЛ, со 3:0 го елиминираше лондонскиот клуб, додека Астон вила по одличниот старт на сезоната, загуби дома од Стоук со 0:1.
ЕФЛ КУП, 1/16 ФИНАЛЕ
Брентфорд – Фулам 3:0
Астон вила – Стоук 0:1
Ливерпул – Арсенал 0:0, 4:5 пен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Герасимовски: Го враќаме чаламот на Работнички со документарен филм и нова сала

Синоќа, во хотел „Холидеј Ин“ се одржа премиерата на документарниот филм „Вратете ни го чаламот“, посветен на најголемите успеси на најтрофејниот македонски кошаркарски клуб – „Работнички“.
На премиерата присуствуваа градоначалникот Горан Герасимовски, кошаркарски легенди, членови на тимот на „Работнички“ и претставници од спортските федерации.
Во своето излагање, градоначалникот Горан Герасимовски потенцираше дека филмот е потсетник на славните времиња на клубот, но и инспирација за враќање на неговиот препознатлив дух и гордост.
„Вечерва не се присеќаваме само спомени, туку го обновуваме чаламот што со децении го красеше „Работнички“. Оваа сала е полна со луѓе кои го создале и го поддржувале клубот, со легенди што го направиле голем, и со нова генерација што ќе го врати неговиот сјај во Центар,“ изјави Герасимовски.
Документарниот филм е во продукција на „Слобода филм“, а финансиски поддржан од Општина Центар.
Спорт
Интер и Милан заеднички влегуваат во проектот „НБА Европа“

Интер и Милан, лути соперници на фудбалскиот терен, решија да ги здружат силите за да создадат моќен кошаркарски клуб.
Според информации од Италија, фудбалските гиганти, односно нивните сопственици, сакаат да бидат дел од проектот „НБА Европа“, за кој се зборува сè погласно и кој се заканува да ја загрози Евролигата.
Парите би биле инвестирани во кошаркарскиот клуб Олимпија Милано, а инвестициските фондови, кои ги поседуваат Милан и Интер, „Ред Берд“ и „Оуктри“, се одлучиле за тој потег. Во сè би бил вклучен и Армани.
Целта е да се создаде франшиза, која би започнала на есен 2027 година во лигата „НБА Европа“, која секако би била водена од Соединетите Американски Држави.
Очигледно е дека најмоќната кошаркарска лига е во голема офанзива и дека најразвиените европски земји, односно нејзините клубови, сè повеќе размислуваат да влезат во овој проект, пред сè поради големата ветена финансиска добивка.
Спорт
Срушен е негативниот рекорд во Серија А

Претходното коло во Серија А беше најнеефикасно во историјата на Серија А (откако лигата се прошири на 20 клуба во сезоната 2004/2005 година).
Само 11 гола беа постигнати во десетте натпревари одиграни во сабота и недела во најсилното натпреварување на Апенините, во просек бил постигнат 1,1 гол по натпревар.
Претходниот негативен рекорд беше 13 гола, што се случи во два наврати, во сезоните 2004/2005 и 2022/2023 година.
Четири натпревари завршија без постигнат гол, Аталанта – Лацио, Џенова – Парма, Лече – Сасуоло и Пиза – Верона. Покрај овие тимови, уште два тима не го најдоа патот до противничките мрежи – Наполи и Рома.
Просекот го подобрија Милан и Фиорентина во натпреварот со најмногу голови во ова коло, натпреварот заврши 2:1.
Во историјата на италијанскиот елитен фудбал, веќе имало помалку голови во колото, во сезоните 1968/69 и 1979/80, биле постигнати само шест, но тогаш лигата имала 16 тима.