Првиот викенд од месец октомври оваа година е резервиран за спорт и рекреација. На 2 и 3 октомври ќе се одржи 17. Визер скопски маратон, кој традиционално низ годините го изгради темелот на спортувањето и здравиот начин на живот.

Визер скопски маратон 2021 оваа година ќе се одржи во период од два дена, со што в сабота, на 2 октомври ќе се трча трката на 5 километри, со старт од 17 часот, а в недела, на 3 октомври, ќе се трчаат маратонот, полумаратонот и штафетниот маратон – ЕУ за спорт, со почеток во 8 часот.

Подигањето на стартните пакети ќе биде од 30 септември до 2 октомври, во период од 12:00 часот до 19:00 часот, пред главниот влез на салата „Борис Трајковски“, а при подигање на истите, учесниците над 18 години задолжително ќе мора да покажат сертификат – потврда за извршена имунизација или примена барем една доза вакцина, потврда за прележан Ковид-19 во последните 45 дена или потврда за негативен ПЦР-тест направен во последните 72 часа пред одржување на трката.

Визер скопски маратон 2021 ќе се реализира под специјални протоколи одобрени од Комисијата за заразни болести при Министерството за здравство, со што ќе биде задолжително одржување дистанца од 1,5 метри, носење маска пред и по завршувањето на трката, како и постојана дезинфекција на рацете.

Оваа година, исто како и претходните, Визер скопски маратон ќе биде домаќин на најдобрите македонски маратонци, кои ќе трчаат на Државното превенство во маратон, кое Атлетската федерација на Македонија го организира во склоп на овогодишниот маратон. Организаторите и учесниците со нетрпение го очекуваат 17. издание на Визер скопски маратон.

Визер скопски маратон е во организација на Сојузот на спортови на Скопје, во соработка со Атлетски клуб „Работнички“ од Скопје, а е под покровителство на Град Скопје, Делегацијата на ЕУ и Агенцијата за млади и спорт.

Хамес Родригез се подготвува да ја напушти Европа и да ја продолжи кариерата во Катар. Колумбиецот, за кого нема место кај Рафа Бенитез во Евертон, преговарал со Ал Рајан. овој клуб од клупата го предводи Лоран Блан.

Родригез, поранешен играч на Монако, Реал и Баерн, од почетокот на сезоната нема одиграно натпревар за Евертон. На Гудисон парк, пристигна минатата сезона, на неговиот трансфер инсистираше Карло Анчелоти.

Сезоната во Премиер лигата ја заврши со шест голови и девет асистенции.

Проблемите за него започнаа кога Анчелоти реши да ја прифати понудата од Реал Мадрид. Новиот тренер, Рафа Бенитес, веднаш му порача да си бара нов клуб.

30-годишниот фудбалер преговараше со Милан и Башакшехир, меѓутоа преговорите му пропаднаа поради неговата плата од девет милиони евра.

Фантастични интернационални резултати забележаа македонските Twingo CUP возачи изминатиов викенд. Демонстрираа квалитет, успеаја да се искачат на врвот и достоинствено да ја претстават нашата држава.

Со својот маестрален настап на тркачката патека Гробник, Хрватска, за прв пат нашите Twingo Cup возачи се искачија на подиумот во генерален пласман во конкуренција со 32 возачи од неколку земји. На Гробник се возеа викендов две трки, а на втората имаше целосна доминација на македонските возачи.

Особено драматична и возбудлива беше втората трка на која Марко Блажевски и Давид Малинковски, иако тргнаа од четвртиот ред на стартот, по 25 минути возење на целта стигнаа на првите две места. Постојано беа меѓу најдобрите 8, се пробиваа низ патеката, и меѓусебе се поддржуваа. Таа тимска работа на крај им донесе и радост.

Марко Блажевски е првиот Македонец кој триумфираше на FIA CEZ трката на Twingo CUP , зад него беше Давид Малинковски, додека, пак, трет зад нив беше Унгарецот Лантос. Во текот на целата трка Блажевски и Малинковски беа во линија со водечките, го чекаа моментот и последните кругови Блажевски откако го презеде водството остана таму до крајот.

Воедно ова беше и финална трка на втората сезона на Twingo CUP каде трофејот за првото место му припадна на Давид Малинковски со вкупно 122 бода. Малинковски сезонава имаше четири победи на осум трки, Блажевски победи двапати, а по еднаш Мартин Костовски и Владимир Тренески.

Второто место во генерален пласман сезона му припадна на младиот Мартин Костовски со освоени вкупно 82 бода, додека пак трет е Ангелче Стојковски со освоени 80 бода.

За следната година, во третата сезона на Twingo Cup планирано е возење на патеките на Серес – Грција, Гробник – Хрватска, Словакиаринг – Словачка, Red bull Ring -Австрија каде македонските Twingo CUP возачи ќе се борат за главната награда а тоа е 100% Renault Twizy .

Голема благодарност до нашите пријатели поддржувачи: Renault, Аутомотив Груп, Шпаркасе Лизинг, ПСС и Триглав осигурување, како и до Лема Рејсинг тим за успешната соработка.

Во продолжение ви ја претставуваме комплетната листа на бодови на сите натпреварувачи.

(ПР текст)